¹ Kiego ya amang'ana gayo Yesu yeyorokiya kweki kubhehigiriya kunyanja ya Tiberia, hanu ng'o yeyorokiya omwene. ² Simon Petro yaringa hamwi na Thomaso hunu arabhirikirwa Didimas Nathanaeli wa kana ya Galilaya, abhana bha Zebedayo na abhehigirirya bhandi bhabhiri bha Yesu. ³ Simoni Petro akabhabhuriya, "Weni ndagya kutega eginswi" bhonse turagiya nauwe. Bhakagiya bhakasoho mubhwato, Nawe obhutiku bhuyo bhonsego bhata nyora kientu. ⁴ Nyinkyo hanu bhurakiya, Yesu yemirira embarika, nawe abhehigiri ya bhatamanya ega yanga Yesu. ⁵ Nawe Yesu akabhabhurya, Abhamura mna kiyonse kiyonse kiya kurirya bhonse bhakajibhu tutanabhiyo. ⁶ Akabhabhuriya, mwikiye emitego orubhara rwa bhusaja wa obwato, monse mranyora bhuke" Nawe bhakekya mutego bhose kuriruta kweki kokubha obhwaru bhe ginswi. ⁷ Nawe urija omwihigiriya hunu Yesu yamuhanja akamukeriya Petro, "Orumukuru" Honse Simon Petro anuyegwa omukuru, akebhoha omwenda gwaye(Nawe yangatari bhoheri bhujomu), hayo akeyesa munyanja. ⁸ Bhariya bhabhehigiriya habhandi bhakaja kubhwato(Nawe bhatanga hare na Pwani, (yaringa mita egana na rumwi kureka mung'egekera), bhonse bhanga bhararuta giriya emitego ginu giyanga gijubhiri eginsuri. ⁹ Hanu bhahika mung'egekera, bharora omururo gwa makara hariya eguru yabho hanga neginswi hamwi nomkate. ¹⁰ Yesu akabhakeriya, "Mung'ane nkenswi ginu mutegeri bhonohego" ¹¹ Nawe Simon Petro akatira na kwang'ura nguriya omutego gunu gwanga gwijuhiri eginswi eginene, kiasi kuja eginswi 153, nawe giyanga njaru, omutego guriya gutatamuka. ¹² Yesu akabhakeriya, Muuje munyore ekimwenja ng'yo, Nawe hata humwi wa bhehigiriya ariye kuthubhutu kumubhuriya, Huwe Niwi? bhamanyaga yanga omukuru. ¹³ Yesu yaaja, akagega emikate akabhahana akakorego ego na bharuja eginswi. ¹⁴ Hanu yanga rwa kasatu ku Yesu okuyorokya kubhehigiriya bhahaye baada yokuyuka kureka kubhaku. ¹⁵ Hanu bhamara okuriya kimwerya nkiyo, Yesu akabhabhuriya Simon Petro, "Simon omwana wa Yohana, je, hungunjiri weni kukira bhanu? Petro akamuhuyukiriya yee omukuru, huwe omanyiri weni nkuhanjiri Yesu akamukeriya, lisha eging'ondi giyani. ¹⁶ Akabhakeriya orwakabhili, Simon omwana wa Yona hung'anjiri? Petro akamukeriya, yee omukuru huuse omanyiri nkuhanjiri. Yesu akamukeriya, risha eging'ondi giyani.'' ¹⁷ Akamukeriya kureki orwa kasatu, Simon omwana wa Yohana hung'anjiri? Nawe Petro akarugura kokubha yamukeriya orwakasatu huwe ung'anjiri? weki akamukeri ya omukuru omanyiri gonsego, omanyiri ega nkuhanjiri." Yesu akamukeriya, risha eging'ondi gihani. ¹⁸ Ikiririya ikiririya ndakukeriya hanu wanga mumura wanga onaririni kwibhoha emihenda omusene na kugiya honse honse enu orenda, Nawe anuoribha omukaruka, orimukiya amabhoko gaho, nohundi arikwibhoya emihenda nakukuhira henu otakwenda.'' ¹⁹ Yesu yagamba ganu korokiya aina ki yo ruku runu Petro angemtukuza Waryubha.'' ²⁰ Petro yakuika na kumurora uri omuragiri yaa hunu Yesu yamuhanja akabhaseta hunu ng'o yaringa yehegekeri kukikubha kiya Yesu omwana go bhuriyo kuriya kiya mugorobha na kumubhuriya omukuru, niwi hunu arikurira eniku? ²¹ Petro yamurora nawe akabhuriya Yesu, omukuru, omuntunu arikoraki? ²² Yesu akakiyukiya, Nyoore arenda atigare hanu ndya rikutuniriye?"Nseta" ²³ Kwego hiyo ekenara gati bhariya abhahiri, abhehigiriya huyo atarikwa, Nawe Yesu hatamukeriya Petro hega omwihigiriya atakukwa, Nyoore ndatuna weki atigare nahanu ndihinda garakutuniya ki?'' ²⁴ Hunu ng'o omwihigiriya ararusha omwi miriru wa mang'ana gayo, na ng'o yang'ora amang'ana gayo, na tumanyiri kokubha omwimiririhi waye muhene. ²⁵ Gariho mang'ana gandi maru ganu Yesu yagakora kiego rimwi riring'o rwa, ndamanya hega ekiyaro habhene kitakesuri okubhika ebhitabho bhinu bhikang'orerwe.