¹ Nawe Sauli, yagendererya kugambha okukanga no okugamba nooruku na kubhana bho obhwihigiribhwa bho Omukuru yagenda kumukuru. ² Naho okusabha enyarubha okugya kurora abhakuru eyo Dameski, kwokubha hanu arimunyora omuntu unu yakora enjira iyo abhe mukari hamwi omusaja, abhabhohe no okubhahira Yerusalemu. ³ Nego hanu yaringa kurugendo, yaja kubha ahikiri hang'i Dameski, hayo hayo akabharirwa obhurabhu kurwa kurusire, ⁴ nawe akagwa hansi naho akegwa okubhirikirwa, "Sauli, Sauli ndegwa oranyahara omi?" ⁵ Sauli akagambha nuwi uwe Omukuru? akagambha, noni unu Yesu aranyankya; ⁶ Uwe imuka, ogende mjini, Naho orikeribhwa agaho gokukora. ⁷ Bharya abhantu abhorugendo hamwi na Sauli bhakakira kiri, okwitegerera okubhiri kirwa, bhatakuroora muntu. ⁸ Sauli akemuka kurwa kukyaro na akasikura ameso gaye, atatura kurora kintu, bhakamugwata okubhoko bhakamureta mpaka Dameski. ⁹ Kwo eginsiku esatu atarora atarya, na atanywa. ¹⁰ Mbhe yanga ariho omorokibhwa Dameski erina ryaye Anania, Omukuru akagambha nawe kukurora, "Anani." no okugambha maha ndiho hanu Omukuru. ¹¹ Omukuru yagambha, inuka ogende gyaho kurora mtaa gurabhirikitwa omwima, no okurora omugi gwa Yuda no okubhurya omuntu kwiwa Tarso arabhirikirwa Sauli, naho akyari arasabha. ¹² Nao yamumaha kukurota omuntu erina ryaye amina akasoha no okumuturira amabhoko eguru yaye nawe wonse anyore okurora. ¹³ Nawe Anania akagambha, Omukuru, nigwiri amang'ana go omuntu unu kuu abhantu abharu, kubha ekintu kinu yabhakorera amabhibhi ga abhabhujomu eyo Yerusalemu. ¹⁴ Hanu yanga omukuru kurwa kuu kuhani omukuru kumugwata kira oumwi kira oumwi unuarebhirikira erina ryaye. ¹⁵ Nawe omukuru akamukerya, genda kwokubha weki ni ekintu teure kuoni, arigege erina ryani embhere ye ebhyaro na abhakuru na abhana bha Israeli. ¹⁶ Nawe ndibhorokya gariho amaru garibhanyora okunyaharwa, kwe erina ryani." ¹⁷ Anania akagenda, akasoha murya kumugi, akamuturura amabhoko akagambha, omuhiri Sauli, omukuru Yesu, yakwira kubha enjira hanu wabhanga oraja, yantuma onyore kurora kubha no wijuribhwe omutima omujomu. ¹⁸ Bwangu bhikagwa mumeso gaye ebhintu kubha makanda, akanyora okurora, akemirira, okubhatijwa; akarya no okunyora eginguru. ¹⁹ Ekekara hamwi na abhorokikibhwa eyo Dameski nsiku njaru. ²⁰ Orusiku ruyo ruyo. Akamutangaja Yesu kuu kubhyaro bhyonsego, akagambha kubhaweki nu omwana wa Waryubha. ²¹ Na bhonse bhanu bhegwa bharugura no kugambha, "Atari muntu unu yabhasarya bhonse bhabhirikirwa erina rinu eyo Yerusalemu? na hanu yaja kwo okuja kubhabhoha no kubhahira kuu makuhani." ²² Naho Sauli yahanwa kubhorokerera no kubhakoora wayahudi hanu bhekara Dameski nokwibhurya okumanya kubha unu Ng'o Kristo. ²³ Okubha ye nsiku njaru wayahudi bhakakora okwibhurya hamwi naho bhamwite. ²⁴ Nawe omupango gwabho gukamanywa na Sauli bhakamuganya kukiseku mbhasu no obhutiku bhanyore kumwita. ²⁵ Naho abhorokibhwa bhaye bhakamugega bhutiku bhakamwitumya kuhitira kundigi bhakamwitumya hansi kukikapo. ²⁶ Na Sauli hanu yahika Yerusalemu, yakoora kwihunga na obhorokibhwa nawe bharinga bharamwobhoha bhatamanya kubha weki nu omuragirirya. ²⁷ Naho bharinga akamugega no kumuhira kuu mitume, no okabhabhurya kego Sauli yamurora omukuru munjira ya omukuru yahaira nawe, no kego Sauli yahutubhiyanga kwo obhuhari kwe erina rya Yesu eyo Dameski. ²⁸ Yasikana nabho hanu bhanu bhasoha no kurwa Yerusalemu akagambha kwo obhuhari kuu rina ryo omukuru Yesu. ²⁹ Okubhurania na wayahudi bha kiyunani naho okusakya nsiku kuu nsiku kumubhikikira. ³⁰ Orusiku abhahiri bhamanya eng'ana iyo, bhakamugega kumuhira kaisaria, bhamuhire agende Tarso. ³¹ Mbhe ekanisa bhonse kurwa uyahudi, Galilaya, na Samaria ryabha no obhujomerwa no okuhagajwa, no okugenda kurwa kubhobha omukuru akajomerwa kumutima omujomu. Eriragurirya rikakima kwo okongerya abharu. ³² Okubha yahikaho Petro yabhanga okwinaranara mbarika gwonse gwo mkoa akabhetumira abhasabhi bhanubhekeri kuu omugi gwa Lida. ³³ Akamurora eyo omuntu oumwi erina ryaye Ainea, omuntu yo yabhanga kuburiri emiaka munane, okubha yanga murweri. ³⁴ Petro akamukerya, "Ainea, Kristo akuhwemia, imuka no abharye obhuriri bhwaho, mbhe akemuka, ³⁵ na abhantu bhonse bhangabhekeri Lida na Sharoni hanu bhamumaha omuntu uyo bhamwikyukirya omukuru. ³⁶ Bharingaho na omuragiribhwa yakwa arabhirikirwa Tabitha. Ndio ryagambhwa kubha "Dorcas" unu mukari yejura emirimu emijomu na amang'ana ga amajomu ganuyakora kuu kubhutobhu. ³⁷ Yarwira kuu nsiku ginu yakrwara na akakwa, hanu bhamwogya, bhakamutirya kukijumbha kye eguru no okumurarya. ³⁸ Kwo kubha Lida yabhanga hang'i na ykwa, na abharagiribhwa bhegwa okubha PPetro yabhanga eyo, bhabhatuma abhantu bhabhiri owaye, okumusabha yajee owetu ataja kukyerererwa." ³⁹ Petro akemuka agenda hamwi nabho, hanu yahika, bhamureta kyumbha kyeguru na abhatumba bhonsego bhemirira hang'i nawe bharakura, bharamworokya ekoti ne emyenda ginu Dorcas yabhsonera kubhunu yabhanga hamwi nabho. ⁴⁰ Petro akabharusha bhonse kibhara ye ekyumbha, akatema amaru akasabha naho akekyukya omubhiri, akagambha. Tabitha, imuka," akatumbhura emeso gaye no okumurora Petro akekara hansi. ⁴¹ Naho Petro akamuhana okubhoko kwaye akamwinukya no okubhabhirikira waamini na abhagumbha akabhahira owabho yanga omuhoru. ⁴² Eng'ana inu ekamanyikana yakwa yonse na abhantu bharu bhakamujomererwa omukuru. ⁴³ Yaja Petro ekekara nsiku njaru yakwa hamwi no omuntu arabhirikirwa Simoni omukori wa amasero.