¹ Yangaho no omuntu nyabhurebhe kuu omugi gwa kaisaria, erina ryaye yabhirikirwanga Komelio yabanga omukuru we ekikosi kya kiitalia. ² Yabhanga omusabhi no omusabhi ku Waryubha no omugi gwaye gwonsego: yarusha egimbhirya njaru kuu wayahudi no ukusabha kuu Waryubha nsiku gyonsego. ³ Kurusiku rwo eginsa kenda gyo omubhasu yarora maru omwana wa Waryubha akaja owaye. Omwana akamubhurya "Kornelio! ⁴ Kornelio akamumahirira omwana naho yanga no obhwobha bhunene bhukong'u akagambha "Ee niki omukuru?" omwana akamubhurya "Okusabha kwaho na amarusho gaho kuu abhatobhu gatira eguru kubha okwihitya kukumu wangaho ku Waryubha." ⁵ Nawe otume abhantu kugya kumugi gwa yata okumugira omuntu oumwi arabhirikirwa Simoni wonse naho arabhirikirwa Petro. ⁶ Arekara no omukori wa amasero arabhirikirwa Simoni unu omugi gwaye guri embharika ye enyanja." ⁷ Okubha omwana yabhanga aragambha wonse arigya. Kornelio okubhabhirikira abhakoribhe emirimu kuu omugi gwaye bhabhiri no omusikare yabhanga aramukumya Waryubha gati ya abhasirikare bhanu bhanga mwisabhiro. ⁸ Kornelio akabhakerya bhonse ganu gabhanyora no okubhatuma Yafa. ⁹ Orusiku runu rwahika eginsagya eginsa esansabha bhanga kunjira naho bhahikiri hang'i mumugi, Petro akatira eguru kwirongo okusabha. ¹⁰ Naho mbhe yanga nomweko na yanga arenda ekintu kwo okurya naho kubhunu abhantu bhtekanga ebhiakurya akorokebhwa okarota, ¹¹ akamaha orwire rufungukiri ne ekintu kiretuma ne ekintu nyabhurebe kubha emienda emyaru giretuma hansi okuja kukyaro gati mbharika gyonsego ena. ¹² Munsi waye gyangaho ntubho gyonsego egintyenyi gya amaguru ghane na giragenda eguru ya erirobha, ne ebhinyonyi bheguru. ¹³ Nokwigwa esauti eragambha kuweki "imuka, Petro ochinje na orye." ¹⁴ Naho Petro akagambha "tigo haa, omukuru kwo okubha ntaranyora kurya kintu kyonse kyonse ndeigwa nkibhibhi. ¹⁵ Nahombhe sauti ekaja kuweki kweki rwa mara ya kabhiri kukimu yakyogya Waryubha otakibhirikira kitogibhwa naho kibhibhi." ¹⁶ inu yaja moora kasatu na kirya ekintu kikabha kigegerwe kweki murwire. ¹⁷ no orusiku Petro yabhnga arigwa bhubhibhi no okwibhurya eguru ya gayo mumutima garorekya ekii, maha, abhantu bhabhanga bhatumirwe na Kornelio bhakemirira embhere yo omuryango bharabhurya enjira yo okugya kuu omugi. ¹⁸ No okubhirikira no okubhurya nyore Simoni yabhanga wonse yabhirikirwa Petro naho yabhanga arekara hayo. ¹⁹ Kubhumu uyo Petro yabhanga arebhurya eguru ya gayo agokurota, mumutima akagambha weki, "Maha abhantu abhasatu bharakutuna, ²⁰ imuka no ogende hansi no ogeye nabho otobhoha kugya nabho, kwo okubha nabhatuma. ²¹ Petro aketuma hansi owabho na akagambha "Oni ngurya muramtuna. Kwaki mujiri?" ²² Bhakagambha, "Akida ng'umwi erina ryaye Kornelio, omuntu wo obhuhene na ahanjirwe kwokumusabha Waryubha, na abhantu bharamugambha bhujomu kurwa kubhyaro bhonse bhya kiyahudi, bhakeribhwa no omwana wa Waryubha okumtuma naho agende kuu omugi gwaye, naho yegwe eng'ana kurwa kuweki." ²³ Petro akabhasabha bhasohe munsi na bhekare hamwi nawe nyinkyo hanu bhwakya akemuka akagya hamwi nawe, na abhahiri bhake kurwa Yafa bhakabha hamwi nawe. ²⁴ Orusiku runu rwahika bhakaja Kaisaria na Kornelio yabhanga arabhaganya na yabhanga abhabhirikiri hamwi abhahiri bhaye na abhasani bhaye abhobhu hang'i. ²⁵ Naho Petro hanu yasoha munyumba, Kornelio akamuturung'ana no okwihimya hansi kuu maguru gaye kwo kumukumya. ²⁶ Nawe Petro akamwimukya no okugambha "Imirira, noni emwene naho murikyaho.'' ²⁷ Mbhe Petro yabhanga arahaira nawe, yagenda munyumbha akanyora abhantu bhekumenie hamwi. ²⁸ Akabhakerya, "Bhenyu abhene mumanyiri kubha etariho eriragiriryo erye kiyahudi kubha hamwi kutarirana na omuntu onu atari owekyaro kinu. Mbhe Waryubha yanyorokya oni okubha ntakutura kumubhirikira omuntu wonse wonse mubhibhi hamwi mchafu. ²⁹ Na nkyo okubha mijiri ntatemeri hodi, natumwa kuu bhenyu mbhe bhono mbhabhurye kubha mwatumwa kuu oni umu." ³⁰ Kornelio okagambha, nsiku ena ginu gyahita, kurusiku kyarumu nanga ndasabha kuginsa gya eginsa kenda mbhasu munsi yo omugi gwani akarora embhere yani omuntu yemiriri yana emiende emirabhu. ³¹ Akambhurya Kornelio amasabho gaho gegwirwe na Waryubha, na amarusyo gaho kuu bhatobhu gagya embhere obhumanyiriryo embhere ya Waryubha. ³² Mbhe bhono otume omuntu Yafa na amubhirikire omuntu oumwi arabhirikirwa Simoni yaje owaho na arabhirikirwa Petro. Unu arekara kumukori wa amasho oumwi arabhiri kirwa Simon unu omugi gwaye guri embharika ye emyanja. ³³ Komerereja eng'ana inu naho hanuarija arihaira nabhenyu atarimo kuu mang'oryo ga akare. ³⁴ Ng'o Petro akatamia omunwa gwaye no okugambha "Obhuhene, na nakumirye kubha Waryubha atakutura kubha no obhuhanje. ³⁵ Kila oumwi, kuu bhyaro omuntu wonse wonse unu aramukumya no okukora amang'ana go obhuhene erekiriribhwa kuweki. ³⁶ Omanyiri ganu yarusya kuu bhantu bha Israeli yabhangaaratangaja amang'ana amajomu kubhuhene okuhitira Yesu Kristo ng'oo Waryubha wa bhonse ³⁷ bhenyu bhonse mumanyiri eng'ana inuyatunyora, kurimu ryatunyora Yudea gonse na gambhira Galilaya, nokubha no okubhatijwa okurwa Yohana yatangaja. ³⁸ Kurimu ryangaho kuweki Yesu Kristo okubha Waryubha hanu yamuhaka amaguta kwo omutima omujomu na kwe eginguru, akagya okukora Amajomu no kuhonia bhonsego bhanu bhanyaharwa no omubhibhi, kwo kubha Waryubha yabhanga hamwi nawe. ³⁹ Bhetu mbho obhuhene bhwa amang'ana gonse ganu yakora kuu kyaro kya uyahudi no okubha Yerusalemu. ⁴⁰ Unu ng'o Yesu unu bhamwita no okumubhoha kumuti. Unu omuntu Waryubha yamuyukya kurusiku rwa kasatu no okumuhana bhamumanye, ⁴¹ na tikubhonse abhantu, naho mbho obuhene bhachagurwa kurwa ku Waryubha bhetu abhene twanga okurya nawe no okunywa nawe okwokubha yo okuyuka kurwa kuu abhaku. ⁴² Yatukerya okuragirirya kuu abhantu no okumanyirirya kubha unu ng'o urya Waryubha yamuchagura okubha omuturya wa bhanu bhariho bhahoru na bhanu bhakwa. ⁴³ Okubha weki muroti wonse bhamumahirire, kwo okubha unu aramukumya kwokubha weki arigega kwokwabhira amabhibhi kuhitira erina ryaye." ⁴⁴ Mbhe naho Petro aakendererya kugambha ganu agomutima omujomu akabhejurya bhonse bhanu bha bhanga bharetegerere amang'ana gaye. ⁴⁵ Abhantu bharya bhahusika ng'a nerikundi rya abhakumya bhanu bhasarwa bharya bhonsego bhaja na Petro bharugura, kwo okubha yo obuhene bhwo omutima omujomu gunugwetirirwa no kuu bhyaro. ⁴⁶ Kwo okubha bhegwa bhanu mbhabhyaro abharaira kwe ebhigambho bhindi no okumukumya Waryubha Petro akagambha. ⁴⁷ Ariho omuntu wonse wonse aratura ukania amanji naho abhantu bhatabhatijwa abhantu bhanu bhanyora omutima omujomu nawe mbhetu? ⁴⁸ Ng'o akabhakerya bhabhatijwe kurina rya Yesu Kristo. Naho bhakamusabha yekare nabho kwo orusiku nyabhurebhe.