¹ Abhasyengeri na abhahiri bharya bhanu bhariinga Yudea bhe gwa okubha abhe ebhyaro bhaturung'ana engana ya Waryubha. ² Petro hanu yaaja heyo Yerusalemu omuganda gwa abhantu bhanu bhasarwa bhakamba okumujeera, bhakagamba. ³ "Wagwataana na abhantu bhanu bhatasarwa no kurya na bho!" ⁴ Nawe Petro yamba okwereja tukiko kwe nsonga akagamba, ⁵ Naringa ndasabha bha agati yomugi gwa ayafa, na nkaroora ekiroto kyekintu kireetuma hansi kyee ngibho enene eretuma hokureeka murwire agati yeegimbarika gyaye gyonsego eginna kiketuma kuoni. ⁶ Na kima airira nokwitegerera eguru yaye nkarora egintyenyi amaguru aganne bhataki kukyoro, negintyenyi gyakibhara na egintyeenyi ginugire ng'ura ne ebhinyoonyi bhyakurwire. ⁷ Kweki akeegwa erisi rira haira nahori, "Imuka, Petro, achinje nokurya!" ⁸ Nka gaamba, "Tigooha omukuru mumunwa gwani guta kanguiri okusohaa mo kyonse kyonse kinu kitaari ekirabhu au ekiinyanku." ⁹ Nawe erisi rikakyukya kweki murwi okurwa murwire, kinu Waryubha ya raarika okubha ekiraabhu, otakakibhiriikira ekinyanku. ¹⁰ Hinu yeyoorokya mara kasatu, na ekira ekintu kikagegwa murwire kweeki. ¹¹ Maha, eribhaga riyo abhantu abhasatu bharinga bhemiriiri kubhukangati bhwe enyumba hinu twarimo; bhatumwa okureeka Kaisari okuja owani. ¹² Omutima gukaamburya okugya nabho, ntige okwanga kwihunkanyana bho bhanu abhasaaja musansaabha bhakagya hamwi na oni na twagya munyumba ya omuntu humwi. ¹³ Yatubhurya kyego yamurora a maraika yemiririmu munsi ye enyumba yaye aragamba, "Ntuma yaafa murete Simoni hunu erina ryaye erindi Petro. ¹⁴ Arigamba eng'ana kuhue kumweya guyo oriho na uhe ne enyumba yaho yonsego." ¹⁵ Hanu namba okugamba nabho, omutima omurabhu gukaja eguru yabho kyego yaaja kubhetu obhwo kwamba. ¹⁶ Ndaituka amang'ana ga omukuru kyego ya gamba, "Yohana ya bhatija kwa amanji nawe muribhatijwa kumweeya go omutima omurabhu." ¹⁷ Kweki nyore Waryubha yarusya omutu uho kya gunu yatuha ana bheetu hanu twaakumya kumweya gwo omukuru Yesu Kristu, oni niwi, kweki kindatura okumukan'ya Waryubha? ¹⁸ Anu bheegwa amang'ana gayo, bhataindya, nawe ebhakumya Waryubha nokugamba, "Yarusya yarusya obhusabhi kwo rusumo rwa abheebhyaro kweeki." ¹⁹ Mbee abhakumya bhanu obhunyanki bhwa bhwambira kurukuru rwa Stephano bhanyaragana okureeka Yerusalemu na kumya bhanu bhagya ahare, mpaka Foinike, Kipro na Antiokia bhabhabhurya amang'ana kuitira Yesu omwene kubhayahudi nabhetu kuhundi arabhe wonse wonse . ²⁰ Nawe kubhake bhabho na bhantu okureka Kipro na Krene, bhaaja Antiokia nokugamba na bhayunani nokumurarika omukuru Yesu. ²¹ Nokubhoko kwo omukuru kwaringa hamwi nabho, na abhantu abharu bhakumya no okumukyukira omukuru. ²² Amang'ana gabho gakiika mumatwi garisyengereero rya Yerusalemu. Kweki akamutuma Barnaba agende mpaka Antiokia. ²³ Anuyaja nkuroora enjoota ya Waryubha yajomeerwa, na yabhaana na omutima gwonsego okusaga no omukuku kumweya gwe emitima gyabho. ²⁴ Kwo kubha yaringa omuntu omuhene n yeejurwa no mutima omurabhu na eimani na bhantu abharu bhakarua kumweya gwa Waryubha. ²⁵ Kweki Barnaba akagya Tarso okumurora Sauli. ²⁶ Anu yamunyora akamureta Antiokia ekabha kwo omwaka omugima hakeeku manya hamwi na erisyengerero no kubhorakererya abhantu abharu na abheigira bhakabhirikirwa abhakristu kworusiku arokwamba eyo Antiokia. ²⁷ Na kumweya gwe ginsiku ginu abharoti bhakeetuma okureka Yerusalemu mpaka Antiokia. ²⁸ Oumwi wabh Agabo erina ryaye ndyoriyo, akemirira akemirirwa no omutima okubha omweko omuhari guriyorokya mubhyaro bhyonsego inuye yorokya kwibhagarye ginsiku gya Klaudio. ²⁹ Kwo okubha abheeigira, kyego oumwi yanyora bharamura okuira obhuntu rya kubhahiri bhanu bharingi mubhuyaudi. ³⁰ Bhakorega; bhatuma egimbirya kwokubhoko kwa Barnaba na Sauli.