¹ Erihaga riyo omukama Herode yemya okubhoko kwaye kubhake bhaye bhanu bhararwa mumganda okubhatesa. ² Akamwita Yakobo omuiri wa Yohana kwekyogi. ³ Kwo kubha okurora erabhajomera abhayahudi, akamgwata na Petro kweki, inu yaringa kumweya gwe mikate ginu gitatundura. ⁴ Anu yamugwata, akamtura mwimwigereja akatura ebhisendo bhina bhyabhasirikare kweki bhamrinde, yaringa araganyiririra okubhaira abhantu kubhantu okubha ye pasaka. ⁵ Petro akaturwa mwigereja, nawe amasabho gakakorwa kwekitunyo nomuganda gworusu morwa Waryubha. ⁶ Orusiku nawe Herode ataakyari okugya kumurusya, obhutiku bhuyo Petro yaringa areri agatiya bhasirikare bhabhiri, yaringa asibhikirwe neminyororo ebhiri, nabharindi embere yekiseku bharinga bhararinda erigereja. ⁷ Maha, maraika womkuru rumwi go akamurobhokera nobhurabhu bhukang'ara bha munsi akamutema Petro murubharu nokumubhukya aka haira, "Imuka bhwangu," Ng'o eminyororo ginu yaringa asibhikirwe gikasi bhuka kureka mumabhoko gaye. ⁸ Maraika bhaakamubhurya, "Ibhoha egingiibho gyaho na hiibhobhaa ebhiratu bhyaho." Petro akakorego maraika akaamubhurya, hibho aa engibho yahona huseeta." ⁹ Ego Petro akaamuseta maraika akahuruka kibhara, atakumya kinu kyakorwa na maraika nyore kyobuheene yaamanya araro ekiroto. ¹⁰ Kwokubha yaitaa kwiindo eryokwa mba na eryakabhiri, bhakaiika kwigeti eryekyuma eryokusoheera okugya mujini, rikasikuka eryeene kwo orusu morwabh, bhakareeka kibharabha keetuma hasi hayo, kwe kimaraika akamutika. ¹¹ Petro hanu yeeemanya, akagaamba, "Bhono nkumiirye omukuru yamutuma maraika bhayee okundusya agati ya amabhoko ga Herode, na kubhukweri bhwa abhantu bhonsego abho bhuyaudi." ¹² Kwo okubha yamanya ganu, akaja munyumba ya Mariamu ng'ina wabho Yohana nawe Marko; abhakristo abhaandi bhekuman'ya bhakasaabha. ¹³ Hanu yasikurya kumuryango bharibhira, omukori houmwi omuhaara hunu yabhirikirwanga Roda akaaja okusikura. ¹⁴ Hanu yamanya nirisi rya Petro, kwo obhujomeerwa akatamwa okusikura omuryango; kwokubha, akakeenya munsi yeeriko; na kubhbhurya kweki Petro yemiriri mukiseku. ¹⁵ Ego, bhakagaamba kuweki, "wuwe numuteng'o" nawe yakomererya oku bhanu obhuheene n'gweki bhakagamba huyo maraika waye." ¹⁶ Nawe Petro yageendererya, okuhaakan'ya, na hanu bharisikwa omuryango, bhakamurora no kurugura bhukong'u. Petro akabhakiirya kwokubhoko bhugunyi bhugunyi na akabhabhuurya kyego omukuru yandusya okureeka mwigereja akagaamba, ¹⁷ "Bhabhurye amang'ana Yakobo na abhaiiri bhaye, "Kweki akemuka akagya ahaasi ahandi. ¹⁸ Anu kwabha mubhasu, nakukabhane kibhebhe ekinene kumweya gwa omusirikare, nokuhikirana na kinu kyeyoro kya ku Petro. ¹⁹ Kwo kubha Herode yamutuna na atamu roora akabhabhurya abharindi na akagamba bheetwe akagya okureeka huyaudi mpaka Kaisaria no kwikara heyo. ²⁰ Herode yaringa no obhururu eguru ya abhantu bha Tiro na Sidoni. Bhakagya kwa hamwi owaye, bhaka bhano obhusani na Blasto omubheeri wo omutemi, kweki abhabhere kweki bhakasabha obhuturya, kwokubha kukyaro kyabho kyaturung'ana ebhyokurya okureka hagature kyaro kya omukama. ²¹ Orusiku runu rwareengwa Herode yebhoha egingibho gye ekikama nokwikara kukitumbi kyaye ekyobhukama, akabhahairira. ²² Abhantu bhakaatema ekituri, "rinu nirisirya Waryubha nawe eritari erisi ryo omuntu!" ²³ Kweki bhwangu maraika akamuteema, kwokubha ataringa amuheeri Waryubha obhurabhu; akaribhwa nerichaango akakwa. ²⁴ Nawe eriing'ana rya Waryubha rikakiina no okunyaragana. ²⁵ Nawe Barnaba na Sauli okuhikya obhukori bhwabho bhakareekarya bhakahika Yerusalemu, bhakaamugega na Yohana nawe erina ryaye eryo okwibhura ng'o Marko.