¹ Omukuru akagamba, amang'ana ganu nga bhukweri? ² Stephano akagambha abhahiri na bhataata bhani munyitegerere oni: Waryubha wa obhurabhu yamujira tata wenyu Abrahamu eribhaga anuyaringa Mesopotomia, gati hakyari kwikara Harani. ³ Akamubhurya genda gati ya ekyaro ya Ukaldayo akekara na ega gati nekyaro kinundi korokya.' ⁴ Ega akagya gati ya mkyaro kya Ukaldayo akekara Harani okurya ana eribhaga tata waye okukwa Waryubha akamureta kukyaro kinu, mnubharekara bhonwego. ⁵ Kitari kyonse kyonse ega ubhuanwa bhwaye bhutaringa na hansi wa okutura okuguru. Anu Abrahamu anu yabhuribhwa kama ega akyari kunyora omwana ega arianwa ekyaro ega unu aremiririra na obhibhuri bhyaye. ⁶ Waryubha yagaba na weki ega abhebhwurya bhaye bharikara mkyaro kya mubhugeni na ega na abhenyeji bhayo bharibhakora okubha abhatumwa bhabho na okubhakora bhubhibhi kwe ribhaga miaka mirongo mnane. ⁷ Na Waryubha akagamba ndirigamba ekyaro kinu ndikora amataka neheribhaga anu bharirya okuusasama gati ya ahasi anu. ⁸ Na akamuana Abrahamu erigano rya ensaro hiyo Abrahamu akabha tata wa Isaka akamsara urusiku rya mnane Isaka akabha tata wa Yakobo na Yakobo akabha tata wa bhajaji bhetu ekumi na bhabhiri. ⁹ Bhajaji bhetu bhakamrorera eriari Yusufu bha kamubhurya gati ya mkyaro kya Misri na Waryubha aringi omwi na weki. ¹⁰ Na akamturya gati enyanko yaye na akamuana obhukumyu na obhuene embere ya Farao omukuru wa Misri Farao akakora abhe omukama eguru ya Misri na eguru ye enyumba yaye yonsego. ¹¹ Ega kukabha ne enjara enene na enyanko enjuru gati ya mkyaro kya Misri na Kanani na tata bhetu bhatanyora ebhyakara. ¹² Anu Yakobo anu yegwa ebhyakurya bhya Misri yabhatuma tata bhetu kwa mara ya okwamba. ¹³ Gati ya esafari ya kabhiri Yusufu akayerokya kubhairi bhaye mumugi gwa Yusufu ekamanyikana na Farao. ¹⁴ Yusufu akabhatuma bhairi bhaye okugya kumubhurya Yakobo tata wabho yaje Misri amwi na abhairi bhaye amwi na abhantu bhonsego mirongo muhungati na kutanu. ¹⁵ Ego Yakobo akeka Misri kweki akakwa weki amwi na tata wetu. ¹⁶ Bhakagegwa mpaka Shekemu bhakabhikwa gati ang'i na yinu Abrahamu rinu yagura kwa egimbura gya egiera okurya kubhana bha Hamoni anu Shekemu. ¹⁷ Eribhaga rirya yantemanga egitarehe anu Waryubha anu yabhatemanga egitarehe Abrahamu anu yasuntara abhantu bharinga bharuhiri eyo Misri. ¹⁸ Eribhaga riyo akemukya omukuru uhundi eguru ya Misri omukuru unu atakumanya okubha Yusufu. ¹⁹ Huyo omukuru ohundi akabhang'ena abhantu abhantu na okukora amabhibhi tata bhetu na okubhesa abhana bhubho ebhing'erere bhatakekara. ²⁰ Ega eribhaga rirya Musa yebhurya yaringa mujomu embere ya Waryubha akarerya emieri esatu gati ya enyumba yatata waye. ²¹ Eribhaga rinu yatumwa omwana wa Farao yamugega akamurera kama omwana waye. ²² Musa yeigirya amagwato gonsego ga kimisri yaringa na nguru gati ya amang'ana na amakorya. ²³ Anu kokubha yaikya emika mirongo ena ekuja gati ya omtima gwaye okubhatarira abhairi bhaye abhana bha Israeli. ²⁴ Anu yamurora Mwisraeli arakorerya amabhibhi Musa yamwibhagira okukora ekisiyomba unu yaringa aramurora kwa okumutema omumirisi. ²⁵ Akategerera ega omuhiri bharimanya ega Waryubha arabhaturya ko kobhoko kwaye ega bhatamanya. ²⁶ Orusiku runuryaja kwa baadhi Waisraeli bhanu bharinga bhararyana akabhatura amwi akagambe bhamure bhenyu mbairi ndarora mrako sana bhenyu kwa bhenyu. ²⁷ Lakini unu yamukusera jirani waye akamusumira are na okugamba niwe okoreri mtawara omuhukumu wetu. ²⁸ Uwe orenda kunyita kyego meta omu misri ejo?'' ²⁹ Musa akakenya na okwiga ego akabha omugeni gati ye kyaro kya Midiani anu akabha tata akabha wa abhana abhabhiri. ³⁰ Kyego emiaka mirongo ena okuita maraika akaja gati ya ekibhara na enkuku, Sinai gati ya mwari omuriro munsi wa ekisaka. ³¹ Eribhaga Musa anuyarora omuriro akatung'ara kukirya kinu yarora na anuyutuna okiiki suntarira ega akimae erisi rya omukuru rikaja rikagamba. ³² Oni ni Waryubha wa tata wabho Waryubha wa Abrahamu, na wa Isaka na wa Yakobo. Musa yarigita wa atatura kumaa. ³³ Narora enyanko ya abhantu bhani bhana bharinga Misri negwa kuryara kwabho na oni neka egasubaturye ega njo ndakutuma uwe Misri. ³⁴ Omukuru akabhabhurya rusya ebhiintu bhyao tura ahasi anu urimiriri haasi aharabhu.' ³⁵ Hunu Musa unuya bhamumanga eribha anubhugamba nawa ndakukora obhe omukama na omuturya Waryubha omwamuri wabho yaringa unu Waryubha yamutuma abhe omutumara na omuturya Waryubha yamutuma kukubhoko wa maraika unu yarya ku Musa mukisaka. ³⁶ Musa yabhakangatya okurya Misri eribhaga ye okukora obhung'eni na esingira gati ya Misri na gati ye enyanja ya Shamu na gati ya ekibhara kwa eribhaga rya miaka mirongo enara. ³⁷ Musa unu ng'o unuyabhabhurya abhantu bha Misri ega Waryubha aribhenuru abhakuru gati okurya mubhairi bhenyu omukuru kuma omi.' ³⁸ Hunu muntu unuyariga gati mwikusanyiko rya kibharu na maraika unu yaaira na weki gati ya nikuku Sinai unu ng'o omuntu unu yaringa na bhatata bhetu. Hunu ng'o omuntu unu yagwata eng'ana rinu ringi na ubhukweri okutuana bhetu. ³⁹ Hunu ng'o omuntu unu bhatata bhetu bhango okuruku mya bhamusukuma hare nu emitima gyabho bhukyuka Misri. ⁴⁰ Gati ya eribhag rigo bhubhabhurya Haruni tukorere bhawaryubha bhunu bharitukungata. Hunu Musa aringi unu yatukangata okurya gati ya ekyaro kya Misri tutakumanya kinu kyumunyora.' ⁴¹ Ego bhakakora ekimori kw eginsiku giyo bhakurusha sadaka kyego ebhiyago na bhakajomerya kokubha emirimu gya amabhoko gabho. ⁴² Hunu Waryubha yabhakyukya na okubhaima waabudu eginyota gya kisaru kyego gang'orya kubhitabho kya abhakuru ega mumandusirya sadaka egintengi bhanu mwabhachinji kukibhara kwa eribhaga rya emyaka mirongo enna na enyumba ya Israeli? ⁴³ Mwikirirye kwibhuru rya okusikana ya moyeki ya eginyota ya Waryubha refani na omuchoro gunu mwakora na okuabudu bheki ndibhaira hare eguru ya Babeli.' ⁴⁴ Bhataka bhetu bharinga na eribhuru rya okusikaniya okwikirirya mkibhara kyego Waryubha yabhabhurya anu yahaira wa Musa ega akakoreri kwa mfano gunu warora. ⁴⁵ Rinu ni bhuru rinu bhatata, bhetu kwa eribhaga ryabho bharetwa gati ya ekyaro kya Joshua. Hinu yakoreka eribhaga rinu unubhasou okugwata ekyaro kinu Waryubha yabhaken'ya na okubhao bhwa bhatata bhetu Hinu yaringa ega kyo orusiku rya Daudi. ⁴⁶ Unu yanyora kiburi mubhusu bhwa Waryubha na akasabha atune obhwikari ku Waryubha wa Yakobo. ⁴⁷ Anu Selemani anu yamuragajira enyumba Waryubha. ⁴⁸ Hata ego unu aringi eguru arekara kunyumba ginu gyagejwa kwa okubhoko. Hinu kama omukuru kyego yagamba. ⁴⁹ Ekyaro nonkiti kyami kya kare na ekyaro ng'a ahasi ya okutura amaguru gani ni nyumba ya namnaki inu murinjengera? aragamba Omukuru ega ng'aha ahasi hani wa okumunyira? ⁵⁰ Kutari kubhoko kwani kunu kwa kora ebhintu bhonsego?' ⁵¹ Ega abhantu bherigooti erikong'u bhanu mutakusarya mumutima na mmatwi na eribhaga muramwangwa omutima omurabhu murakora kama bhatata bhenyu kyego bhakora. ⁵² Omuroti ki gati ya abharoti bhanu tata bhenyu bhatamunyankya bhabhita abharoti bhonsego bhanu bharya kuhitira obhuji bhwa oumwi omwene ega na bhono ega bhono bharinga abhanyamuri abhetu bhaye kasi. ⁵³ Bhenyu abhantu bhanu newagwata amara giriiyo ganu mwabhuribhwa na abhamaraika nawe mutagagwata.'' ⁵⁴ Anu abhantu bha mwabharaja anubhegwa amang'ana ganu bhasambwa mumitima gyabho bhakasya ameno Stefano. ⁵⁵ Nawe weki yabhanga yejwiri omutima omurabhu yamaha mukyaro kwa makini na akahamua obhurabhu bhwa Waryubha na kumumaa Yesu yemiriri okubhoko kwa ekisaja kwa Waryubha. ⁵⁶ Stephano akagaamba, naa nduji ekyaro kitanjuri na omwana wa Adamu yemiriri kukubhoko kwaye kwa ekisaja kwa Waryubha.'' ⁵⁷ Nawe abhantu bha eribharaja bhakatema ekituri kwa erisi rya eguru bhakari bha amatwi gabho bhakamukenyerera kwa amwi. ⁵⁸ Bhakamwesa kibhara ya mumugi bhakamutema amagina na abhemiriri bhakarusha emyenda gyabho gya kibhara bhakatura ang'i na amaguru ga omumura unu yabhiriiranga Sauli. ⁵⁹ Anu bharinga bharamutema amagina Stefano yenderara okumubhirikira omukuru na akagamba omukuru Yesu gwata omutima gwani. ⁶⁰ Akatema amaru na okubhirikira kwa erisi erinene omukuru otige okubhabharira obhusarya bhunu, anu yagamba gayo akakwa.