¹ Bhoono kunsiku ginu, bheyonge ryanga abhehigiribhwa obhwing'eerya bhwa abhayahudi bha ekiyunani ryamba eguru ya abhaebhurania, kwaokubha abhasino bhabho bharinga bhabharabhirwe kumugabho gwa kira orusiku rwa ebhyakurya. ² Abhatumwa ekumi na ebhiri bhabhabhirikiya eri kumanyo ryonsego rya abhehigiribhwa na okugamba, "Etari bhujomu kubheetu okuitiga eng'ana ya Waryubha na okubha genihya kumeja. ³ Bhoono, abhahiri musore abhasaaja muhungati okurwa gati yeenyu, abhantu abhajomu na bhanu bejwiri omutima na entungwa bhanu turatura okubhagenihya. ⁴ Na bheetu turagendererye bhukongu okusabha na okugenihya eng'ana." ⁵ Eng'ana yabho ekajomera omung'anda gonsego kwego bhakamusora Stefano, omuntu unu yejwirwe na obhuhene na omutima omurabhu na Filipo, Prokoro, Nikanori, Timoni, Parmena na Nikolao, na omubhehi okurwa Antiokia. ⁶ Abhekirirya bhareta abhantu bhanu embere ya abhatumwa, bhanu bhasabha na kweeki bhakabheta era amabhoko gabho. ⁷ Kwego, eng'ana ya Waryubha rya nyaragana, na obhwaru bhwa abhantu bheyongerya Yerusalemu heyo na obhwaru bhwa abhasyengeri bhaketegerera obhuhene. ⁸ Stefano unu yejura eriruguto rya amang'ana yaringa arakora ebhiruguro bhya ekirengyo ekinene eguru ya abhantu. ⁹ Nawe hayo bhakeemuka kubhuke bhwa abhantu abhagaya bha erisyengerero rinu rirabhiri kirwa erisyengerero rya mahuru na abhakirene na erya abhaskanderia na abhake okureka kirikia na Asia abhantu bhanu bharinga bharabhurariya na Stefano. ¹⁰ Nawe bhatatura okukirana na entungwa no omutima gunu Stefano yaringa arakorera okuhaira. ¹¹ Kweeki bhakabhang'ererya abhantu abhake kwa ekinyerera okugamba, "Twigwiri Stefano araaira amang'ana ga okujeera eguru ya Musa na eguru ya Waryubha." ¹² Bhasingirirya abhantu, abhakaruka, na abhang'ori navokugya ku Stefano, bhankamugwata, na okumureta embere ya eribharaja. ¹³ Bhabhareeta abhemiriri bha obhubheei bhanu bhagamba, "Omuntu hunu atakutiga okugamba amang'ana amabhibhi eguru ya hasi hanu erirabhu rya eriragiriryo. ¹⁴ Bhoono tweegwa Yesu aragamba ega Yesu hunu wa Nazareti arihasarya ahasi anu na okuhunjura egimiira ginu twa anawa na Musa. ¹⁵ Kira oumwi unu yaringa mwibharaja, akahunjura ameeso gaaye okumumaha Stefano, bhonse bhakabhumaa obhusu bhwaye bhwaringa nkya obhushu bhwa maraika.