¹ Ego omuntu oumwi unu yabhirikirwanga Anania, na Safira mukaaye bhagun'ya ahasi wa ebhintu. ² Akabhisa ahasi wa egimbirya anu bhagurya (mukaye wonse yarimanya riinu) akareeta ahasi hanu yatigara akaareta kumaguru ga abhatumwa. ³ Nawe Petro akagamba, "Anania nkwaki nkwaki erisambwa rijwirye omoyo gwaho okugamba obhubhehi kumutima omurabhu na okubhisa ahasi wa ebhintu bhya omugunda? ⁴ Hanu ryaringa ritaraguribhwa, ritaringa na ebhintu bhyao? Na eguru ya okuguribhwa, ritaringa iinsi wa obhutemi bhwao? Erabha egaki oganye eng'ana hinu mumutima gwaho? Otatabhang'ena abhantu nawe omung'eneri Waryubha." ⁵ Anu Anania yegwa amang'ana ganu yeemuka ansi akakwa enkubhi enene ekabhagwata bhonsego bhanu bharigwa rinu. ⁶ Abhamura bhakaja embere bhaka mutuura munsanda, bhakamuira kibhara bhakamubhiika. ⁷ Kwibhaga rya eginsa egisatu mukaye yasoa munyumba, atamanya kinu kyari kikorekeri. ⁸ Petro akamukerya, "Nkerya nyoore mwagurya omugunda kwa embirya iyo." Akagamba, "Mahene kwa embirya iyo." ⁹ Petro akamubhurya, "Erabha egaki ega mwekiriran'ya kwa amwi okusakya omutima gwa omukuru? Maha, amaguru gabharya bhaubhirikiri musaaja waaho garimukiseku, na bharakugege bhakuhire kibhara." ¹⁰ Rumwi ego akemuka mumaguru ga Petro, akakwa na abhamura bharya bhakaja munyumba bhakamunyara amariri kukwa. Bhakamugega bhakamuira kibhara, bhakamubhiika ang'i musaaja waaye. ¹¹ Obhobha bhakaja eguru wa erisyengerero ryonsego na eguru yabhonsego bhanu bhegwa amang'ana ganu. ¹² Ebhirengyo ebhyaru bheyorokya kubhantu okuhitira kumabhoko ga abhatumwa. Bharinga amwi mwibhuru rya Sulemani. ¹³ Nawe, ataringaho omuntu oundi unu yaringa na obhuhari bhwa okugwatana nabho, nawe ego bhahanwa entungwa na abhantu. ¹⁴ Na kweki abhekirirya abharu bheyonge ryanga ku mukuru, kwisabhu erinene rya abhasaja na abhakari. ¹⁵ Endengo ega bhabhagega abharweeri mumigi, na okubhararya kubhuriri na kumakoochi, anu ega Petro anu arahita ekiriri kyaye kitume eguru yabho. ¹⁶ Hayo kweeki abhantu abharu bhaja okurwa mumigi ginu gyaringa ginariri Yerusalemu bharareta abharweeri bhonsego bhanu bharinga bharwariri na omutima omukotu, na bhonsego bhahweni bhwa. ¹⁷ Nawe omusyengeri omukuru yeemuka nabhanu bhonsego bheringa hamwi nawe (bhanu bharinga bha erisyengerero rya amasadukayo), bhe jurwa na orung'eera. ¹⁸ Bhakemirirya amabhoko gabho bhakabhagwata abhatumwa na okubhatura munsi wa erigereja. ¹⁹ Na kwibhaga ryabhutiku maraika wa omukuru akasikura ebhiseku bhya mwigereja na okubhorokya kibhara aragamba, ²⁰ "Mugende mwimirire mwisyengerero na mubhakerye abhantu amang'ana gonsego ga obhuhoru." ²¹ Hanu bhegwa rinu, bhasoha mwisyengerero kwibhaga rya okukya na okwihigirya. Nawe omusyengeri omukuru yaja na bhonsego bhanu bharinga nawe, na okwikarya eribharaja ryonsego kwa amwi, na abhakaruka bhonsego bha abhantu bha Israeli, na okubhutuma mwigereja okubhareta abhatumwa. ²² Nawe abhagaya bhanu bhagya, bhatabhanyoora mwigereja, bhahunjuka bhakabhakerya, ²³ "Tunyoreri erigereja risikirwe bhwahene na abharindi bhemiriri mukiseku, Nawe hanu twari turasiikura , tutaruji muntu muunsi." ²⁴ Bhoono kwibhaga omukuru wa mwisyengerero na abhasyengeri abhanene anubhegwa amang'ana ganu, bhasoherwa na abhobha obhunene kwa orusumo rwabho bhareganirirya rirabhe egaki ering'ana rinu. ²⁵ Kweki oumwi akaja na okubhakerya, "Abhantu bhanu mwatura mwigereja bhemirira mwisyengerero na bharehigirya abhantu." ²⁶ Kwego omukuru yagenda amwi na abhagaya bhakareta, Nawe bharinga bhakyari okukora erihe kwaokubha bhobhoanga bhakaturiri okubhatema na amagini. ²⁷ Hanu bhamara okubhareeta, bhabhatura embere wa eribharaja. Omusyengeri omukuru yabha bhurya. ²⁸ Aragamba, "Twabharagirirya mutehigirya kwa erina rinu na bhano mukyejwirye Yerusalemu kwa erihigiryo ryenyu, na okuhanja okureta a manyinga ga omuntu unu eguru yeetu.'' ²⁹ "Nawe Petro na abhatumwa bhakamukyukya, "Erenderwa tumwigwe Waryubha sio abhantu." ³⁰ Waryubha wa bhataata bheetu ya muyukya Yesu unu mweeta, kwa okumuhangika eguru wa omuti. ³¹ Waryubha yamugungya kukubhoko kwaaye kwa okuryo, na okumukora okubha omukuru omuturya, okurusya ekyabhira kubha Israeli na ekyabhira kya obhusarya. ³² Bheetu na bhaemiriri bha amang'ana ganu, na omutima omurabhu, unu Waryubha yamurusya kubhanu bharamwitegerera.'' ³³ Abharoti bha eribharaja anu bheegwa, ega, bhagwatwa na ensikina bhekenda okubheta abhatumwa. ³⁴ Nawe Farisayo unu yabhirikirwanga Gamalieli omwihigirya wa eriragiriryo, unu yatungwa na abhantu bhonsego, yemirira okubha singirirya abhatumwa bhagegwe kibhara kwa eribhaga eryeng'i. ³⁵ Kweki akamukerya, "Abhasaja bha Israeli, mubhe abhangariri bhukong'u nakimu muraso ra okubhakorera abhantu bhanu. ³⁶ Kwa okubha anu yaita akare hayo Theuda yemuka akeraha okubha omuntu omukuru na obhwaru bhwabhantu, magana gane; yeetwa na bhonsego bhanu bharinga bharamwitegerera bhanyaragana na okubhura. ³⁷ Yuda omugalilaya, yemuka kuginsiku girya gya okung'oorwa erisabhu, akaruta abhantu abharu enyuma waaye.Nawe kweki yabhura na bhonsego bhanu bharinga bharamwitegerera bhanyaragana. ³⁸ Bhono ndabhakerya, mwiturya na abhantu bhanu mubhatige abhene, kwaokubha abhe kiriran'ya bhanu kasi emirimu ginu nigya abhantu giryeswa. ³⁹ Nawe nyore Waryubha, mutakutura okubha kanya muratura mukenyoora murasindana na Waryubha. "Kwego bhang'enereri bhwa na amang'ana gaaye. ⁴⁰ Bhabhabhirikira abhatumwa munyumba na okubhachapa na okubharagirirya bhatagamba kwa eriina rya Yesu, bhakabha chapa bhagende gyabho. ⁴¹ Bhemuka embere wa eribharaja bhajome rwe kukubha bhabharirwe okubha ega bhesiri okunyaanka na okwanga okutungi bhwa kwa orusumo rwa erina riyo. ⁴² Bhoono kira orusiku, munsi wa erisyengerero na okureka kunyumba mpaka kunyumba bhagendererya okwihigirya na okurarika Yesu okubha Kristu.