¹ Bhono Petro na Yohana bhabhanga bharagya mwisyengerero, okusabha eribhaaga rya kenda. ² Ng'o omuntu undi murema kuhitira okwibhurwa kwaye yabhanga aragegwa nsiku gonsego na yabhanga arararibhwa mu muryango gwa erisyengerero gunu gurabhirikirwa mujomu, okubha ature okusabha ekimweso kubhanu bhabhanga bharagya mwisyengerero. ³ Anu yaja kubharora Petro na Yohana bhahikiri hang'i okusoha mwisyengerero, akabhasabha ekimweso. ⁴ Nawe Petro akamumahirira bhukong'u, weki na Yohana, kimwi akagamba "tumahe bhetu" ⁵ Ng'o omurema akabhamaha, araganyirira okunyora ekimweso kureka kubheki. ⁶ Nawe Petro akaagamba, ega egihera na edhahabhu onintanagyo. Nawe kinu ninakyo ndakirusye kuuwe; kuhitira kuriina rya Yesu Kristu wa Nazareti, imuka na nugende." ⁷ Petro akamugega kwa kubhoko kwaye kwa okurya, na akamwinura eguru; Kwimi ego, amaguru gaye na amagua gaye ga kumubhiri gakanyora eginguru. ⁸ Akajomerwa akatubha tubha eguru, omuntu omurema yemirira na akamba okugenda; akasoha mwisyengerero amwi na Petro na Yohana, aragenda,aratubha na kumukumya Waryubha. ⁹ Abhantu bhonsego bhakamumaha aragenda na kumukumya Waryubha. ¹⁰ Bhakahituka, okubha nu omuntu urya yekaranga arasabha ekimweso ku muryango omujomu gwa erisyengerero; bhakejurwa na obhobha na kukumya kukinu kikorekeri kubheki. ¹¹ Nkyego yabhanga abhagwatiriri Petro na Yohana, abhantu bhonsego bhakakenya hamwi, bhakagya mwihoru rinu ryabhirikirwanga Sulemani, bhararugura bhukong'u. ¹² Petro anu yarimaha rinu, weki akabhakyukya abhantu ega, "Bhenyu abhantu bha ekyaro kya Israeli, kwaki, muratakya ego? Kwaki muramahirirya ameso genyu kubhetu, okubha twa mukora unu agende kwa eginguru gyetu abhene? ¹³ Waryubha wa Ibrahimu , na wa Isaka na Yokobo, Waryubha wa bhatata bhetu ya mukumya omwihigira waye Yesu, unu ng'o urya bhenyu mwamwanga na kumutura embere wa obhusu bhwa Pilato, Nkyego weki yabhanga amwiri kumuatira. ¹⁴ Mwamwanga omurabhu unu yana omugambo na okubha kwaye murenda omwiti atigwe yehagariri. ¹⁵ Bhenyu mwamita omuku wa obhuhoru, Ng'o unu Waryubha yamuyukya kureka kubhaku bhetu mbe miririrya bha rinu. ¹⁶ Bhono, kubhukumya kuhitira kurina ryae, omuntu unu ng'o unu muramurora na okumumanya yakorwa okubha na eginguru, obhukumya bhuni bhuratira ku Yesu yamuhana weki obhunene bhunu bhuikiri embere yenye bhenyu bhonsego. ¹⁷ Bhono abhahiri, manyiri okubha mwakora eguru wa obhukangi, Nigo kweki bhakora abharokya bhenyu. ¹⁸ Nawe amang'ana ganu Waryubha ya bhabhurya kwambira kare kuhitira kuminwa genyu gya abharoti bhonsego, okubha Kristu unu arinyanka, nigo ya gamariri. ¹⁹ Bhono muabhe na mukyuke, okubha obhusarya bhwenyu bhuture okurusibhwao, okubha bhubheo obhujomererwa kuhitira obhwikari bhwa omukuru. ²⁰ Na kwa okubha ature okumuragirirya Kristu unu yatuurwa eguru yenyu Yesu. ²¹ Weki ng'o orwire rumutururi gane, okubha ebhintu bhyonsego bhihindibhwe bhinuWaryubha yahairira kura eribhaga erinene kwa eminwa gya abharoti abharabhu. ²² Nawe Musa yagamba, omukuru Waryubha arinukya omuroti kya oni okureka kubhahiri bhenyu, muritegererera kira ekintu kinu aribhabhurya weki. ²³ Eriyorokya okubha kira omuntu unu atakwitegerera kureka kumuroti weki arinyaharwa okubha arekegati ya bhantu.' ²⁴ Nigo na abharoti bhonsego kwambira Samweli na bharya bhagira kuhita kuweki yahaira na bhakatangaja eginsiku ginu. ²⁵ Bhenyu bhana bha abharoti na bha eriragano rinu Waryubha yakora amwi na bhajaji, Nkyego yagamba ku Abrahamu; kuhitira ku ehambo ryao emigi gonsego gye ekyaro girinonkwa. ²⁶ Anu, Waryubha yaja okumwinukya omwihigirya waye yamuagija kubhenyu, okubha abhanonke bhenyu kwa okwikukya kureka kubhubhibhi bhwenyu.''