¹ Hanu gaja kuika ginsiku mirongo hetanu, bhonsego bhanga hamwi na ahasi hamwi. ² Ntahiri murundumo Gurarwira eguru kunoire kama muyaga muouru gukejura munyumba yonsego munubhangabharimo bheheri. ³ Hayo gikabharwira gindimi kwegyo mururo ginyarageni, gihabha eguru yabho kuhira ohumwi wabho. ⁴ Bhayo bhonsego bhakejurubha enkoro yobhuhene na bhakawanja kugamba kwebhigambo bhindigo kwego enkoro yabhajira okugamba. ⁵ Bhono bhongao abhayahudi bhanubhaga bhamenyeri Yerusalemu, abha Waryubha, okuweka kira rigunguri hinsi kuowire. ⁶ Emiungurumo giyo hanu bhagigwa, erikundi rya bhantu rikaja hamwi bharingi ne wasi wasi kobhubha hira omuntu yabhegwa bharahahira kwe kigambo kyaye omwene. ⁷ Bhatung'ara na kumagamaga, abhene bhakagamba heene bhano bhonsego bharahahira siyo bhagalilaya? ⁸ Kwaki bhetu turabhegwa, kira ohumwi kubhigambo bhinu twebhurwa na bhyo? ⁹ Waparthia na Wamedi na Waelamu na bhanu bhamenyeri Mesopotamia, uyahudi na Kapadokia, na gati ya Ponto na Asia. ¹⁰ Gati ya Frigia, Pamfilia, katika Misri na haasi ha Libya hata Kirene, na abhageni okureka rumi. ¹¹ Abhayahudi na abhaongofu, Wakrete na Abharabhu, turabhegwa bharahahira kubhigamba bhyetu kumirimu go bhuturo bha Waryubha." ¹² Bhonsego bhanga bhatungariri na kumagamaga bhakahahira abhe kwa bhene, Himi ina bhuhene ki? ¹³ Naho abhandi bhasakya okugamba, bhanu bhejuribhwe ebhinywaji ebhiin'ya.'' ¹⁴ Nawe Petro akemirira hamwi nabhara ekumi na umwi, akongerya esauti, akabhabhurira , Abhantu bha Yudea na bhonsego bhanu mumenyeri Yerusalemu, ili rimanyihane kubhenyu, mwitegerere bhahene amang'ana gani. ¹⁵ Abhantu bhanu bhakyari ekunywa, okurewa kyego muregamirira na bhonsego nyinhyo yeginkaga ginkaga esatu. ¹⁶ Na rinu ryaririgambirwe okuhitira kumuroti Yoeli. ¹⁷ Eribha gati gati kuginsiku gyobhutero Waryubha aragamba, nditira enkoro yni ko bhantu bhonsego abhana bhenyu na bhahera bhenye bhararusha abharoti, nabhamura bhenyu mbhararore amahene na bhakaruka bhenyu bhariroti ebhiroto. ¹⁸ Egwe go eguru ya bhemiriri bhani nabhe miriri bhani bhehikari kuginsiku giyo, ndibhe tirira omwika gwani, bhonse bharirota. ¹⁹ Ndyorokya amarito eguru kwirwire na hansi kukyaro, amanyinga, omururo, na eryoki ryengesi. ²⁰ Neryubha ririswenibhwa okubha ekisunte na omweri okubha amanyinga obhukati rukyari huja urusiku orunene orwebhirengyo bho mukuru. ²¹ Eribheega kira ohumwi unuaribhirikirira erina ryo mukuru arihona.' ²² Abhantu bha Israeli, mwigwe amang'ana ganu: Yesu wa Nazareti. Omuntu hunu yarorwa na Waryubha kubenyu kumarorwa go bhuturwa bha amwito negisingir ginu. Waryubha kuhitira weki gati yenyu, nyore bhenyu bhene kyego mumanyiri. ²³ Kwe ginsemya ginu wambirako, namang'eni ga Waryubha, yarusibha, na bhenyu, kwa mabhoko ga bhantu abhasarya, mwamusukya no humwita. ²⁴ Hunu Waryubha yorokya, akabhurusia obhururu bhohuhora kuweki, kokobha erenderwa kuweki kubha nagayo. ²⁵ Kwe go Daudi areegambira kumweene, na mumaha omukuru kubhwambiro bhobhusu bhwani, weki aringi kobhoko wani kobhuryo kweego ntansuntaribhwe. ²⁶ Kwego omoyo gwani gwanga na obhujumerwa na ururimi rurani rurijmererwa. Nego omubhiri gwani nguramenye kobhuhari. ²⁷ Nutiga omoyo gwani gugwe muryobho ryomururo, wana omwanya omujomu gwaho gokurora obhugunde. ²⁸ Uuwe wang'akikisia huweni enjira yobhuhoru, muhora nyure obhujomerwa embere yobhusu bhwaho.' ²⁹ Muhiri wani, ndatura kuhahira kubhenyu kobhuhari kutata wetu Daudi weki yakwa na akabhikwa, na mbihira yaye eringi hamwi na bhetu hata rero. ³⁰ Kwego, yaringa omuroti na akamanya kubha Waryubha yamara okura emuma kuweki, ega aratura ohumwi gati yobhwibhuri bhwe ehiti kya obhukuru. ³¹ Yarirora rinu kabhaga, na akagamba kuhusu oyuki bhwa Kristo, na atanga ntigirwe munyobho ryomururo, wara omubhirigwaye kutagunda.' ³² Hunu Yesu, Waryubha yamuyukya, kyego bhetu bhonsego tumanyiri. ³³ Hanu arabhe yenwirwe kukubhoko kwekisaaja ku Waryubha, akabha aragiina okumutima omurabhu okureeka kwii sewaabho, yamwiitiriira riraagano rinu, kyeego bhenyu mureegwa na kuroora. ³⁴ Kwaokubha daudi atariina eguru okugya kuirwire, nawe aragamba “WARYUBHA yamukeerya omukuru waani. “ikara orubhaara rwa okubhoko kwani okuyu ³⁵ Mpaka hanu ndaturye abhasigu bhao insi wa amaguru gaho” ³⁶ Kwaego israeri bhonseg bhamanye ering’ana rinu kwa obhuhene ega; waryubha akoreri yeesu hunu, bheenyu mwamubhamba okubha omukuru na kirsto” ³⁷ Anu abhatu bheegwa amang’ana hanu gakabhanyahara emitima ghabho, bhakabhurya Petro na abhatumwa abhandi bharya, bhahiribheetu tukoreki? ³⁸ Petro akabhakeerya, “mwsuhye mubhatijwe kukira oumwi weenyu kwa eriina rya yeesu kirsto, ng’o mwabhirwe obhusarya bheenyu, ng’o muraramire eginguru gya omutima omurabhu. ³⁹ Kwaokubha endaho inu nkwa orusumo rweenyu na abhaana bheenyu na kubhanu bhonsego bharingi hare na kukira omuntu unu omukuru waryuba arimubhirikira amuseete” ⁴⁰ Petro akamutongera kwa amang’ana agandi na okubhasabha aragamba” mwiyahure na orwibhuro runu rwabhira” ⁴¹ Bhanu bhonsego bhagwata amang’ana ga petro kwa obhujomerwa bhakabatijwa orusiku ruyo bhakahera abhantu mirongo esatu 3,000. ⁴² Bhonse bhakabha bharagwata amehigiryo ga abhatumwa kubhugwati bhwa okurya omukate na okusabha. ⁴³ Kira omuntu akabha na obhobha bhwa waryubha kwa orusumo rwa okumusyengera waryubha, na ebhirengyo bhyaru bhikakorwa na abhatumwa ⁴⁴ Bhanu bhekirirya bhonsego bharinga hamwi bhonse bharinga na kira ekintu ⁴⁵ Bhagurya ebhintu bhyabho bhinu bharinga nabhyo bhakagabhira kira omuntu kyego yaringa arenda omwene. ⁴⁶ Bhakasikana nsiku gyonsego kwa obhumwi bhwa emitima gyabho mwisyengerero, bharasanga omukate kukira omugi, bhararya ebhyakurya bhyabho kwa obhujumerwa na omutima murabhu ⁴⁷ Bharamukumya waryuba na okujomererwa abhantu bhonsego kira rusiku waryubha akongerya abhantu bharinga bhakyaturibhwa.