¹ Ekitabho kyakara nakingora, "woni, Theofilo, Nkagamba gonsego ganu Yesu yakangata kukora na okubhegirya; ² Norusiku runi weki yaramirirwa eguru. Hinu yanga gikaga ginu yarusha riragiriryo ukuhitira kubheginkoro ingisuhya bhakagegwa mo bhanu yanga chwagwiri. ³ Baada yenkanko yaye, weki yanyorekanira owabho aringi muhoru na akeyorohya na bhinu yana nabho. Kugisiku mirongo ena akeyorohya owabho, bhakamurora no kuhahira nawe kuhusu obhukama bhwa Waryubha. ⁴ Hanu bhasikananga nabho hamwi, yabhurya bhatige kugya Yerusalemu, naho bhaganye kinu tata yaraha, na ganu yagamba, "Mwegwa kureka kuwoni. ⁵ Kubha Yohana yabhatija hene kwa manji nawe mribhatijwa kweginkoro gyobhuhene(gyokwisuhya) gati yeginsiku nkeego." ⁶ Na hanu bharinga bharasikana hamwi bhabhurya, omukuru ginu ngyoginkaga gya kubhahintirya ubhunene kubha Israeli? ⁷ Weki akabhakerya etari bhujumu kubhenyu okumanya ginkaga(au ginsiku ginu tata yapanga omwene kobhurito bhwaye. ⁸ Nawe mragege ginguru, obhukati bhunu enkoro yobhuhene erija eguru yenyu, na bhenyu muribha abhemiriri(abhashahidi) bhani honse honse kukyaro rya Yerusalemu na uyahudi yonse na Samaria mpaka kubhutero bhe ekyaro.'' ⁹ Omukuru Yesu hanu yamara okugamba gayo bhanga bharamaha eguru, weki akeng'engibhwa eguru na erisaru rikamukundikirya bhatamurora kwa ameso gabho. ¹⁰ Obhukati (ginkaga ginu bhamahanga kurwire kokomererya weki aragya, bhaketakya, abhantu bhabhiri bhakemirira gati gati yabho bhebhuheri egingibho gindabhu"(amafarare amarabhu)" ¹¹ Bhakagamba, "Bhenyu abhantu bha Galaliya, kwaki muremirira hanu na muramahirira kurwire? Hunu Yesu hunu yarina eguru murwire kurwire ariinda ego ego kyego wamurora aragya murwire. ¹² Ng'o bhakahinda Yerusalemu okureka ku nkuku gya mizeituni, ginu giringi hang'i na Yerusalemu, orugendo rwe ginsiku gyobhoyo. ¹³ Hanu bhahika bhagya ghorofani hanubharinga bharekara. Nao m Petro, Yohana, Yakobo mwana wa Alfayo, Simoni Zelote na Yuda mwana wa Yakobo. ¹⁴ Bhonsego bhekumanya bhakabha kama muntu humwi, kwa kitunyo bharinga bharagendererya okumusabha Waryubha. Hamwi nabhayo bhangaho abhakari, Mariamu ng'ina wabho Yesu, na bhahiri bhaye. ¹⁵ Kuginsiku giyo Petro yemirira gati gati ya abhahiri bhaye, kama abhantu enganarimwi na mirongo ebhiri(120) akagamba, ¹⁶ Mura yanga eringiga mang'orwa gahihibwe, kyego ahare emitima gyobhuhene gyagambanga ko kuitira kumunwa gwa Daudi kukubhata ku Yuda, hunu yabhoro kya bhanu bhamugwata Yesu. ¹⁷ Ko kobha weki yaringa humwi wetu akaramira rifungu raye eryobhwera bho murima guyo. ¹⁸ Bhono omuntu yagura ahasi hukinuyaramira kubhusaryi bhwaye na hayo akagwa ahangatire omutwe, omubhiri gukatana na mara gaye gonsego gahabha hayo nokwitika. ¹⁹ Bhonsego bhanu bhangabhanyeri Yerusalemu bhakegwa kuhusu riyo; kwego ahasi hayo bhakahabhirikira kwa kigambo kyabho ega- "Akeldama" guyo mugunda gwamanyinga.'') ²⁰ Kukitabho kyebhuri yang'orwa, Tiga ahasi hayi abhe ritongo na Erija kutukira hata ohumwi okwikara hayo; "na gubheho omwanya go muntu ohundi agege omwanya gwaye go bhutunge.' ²¹ Mbe, abheho humwi mubhasaja bhanu twagendanga nabho obhukati bho omukuru Yesu hanu yareka na okusoha kubhetu. ²² Kuwanjira kubhutiriri bhwa manji ku Yohana mpaka orusiku rurya yagegerwa eguru, mbwahene abhe umimiriri wobhufunuri hamwi na bhetu. ²³ Bhakatura kubhembiro bhasaja bhabhiri, Yusufu hunu arabhirikirwa Barnaba, unu kweki arabhirikirwa Yusto na Mathia. ²⁴ Bheki bhasabhanga na kugamba, "Uwe" Omukuru omanye eginkoro gyabhantu bhonsego kwego oture kubhurabhu niwe gati yabhabhiri bhanu unu usorerimo. ²⁵ Owokugega omweya kukuoresya huduma na kusakira, hanu Yuda yahora ubhusarya na okugya ahasi haye. ²⁶ Bhakatema gikura kubheki, na ekura ekamugwira Mathia hunu yabharwa hamwi na bharya abhantu ekumi na umwi.