¹ Kwa ego Agripa akamukerya Paulo, orekiriribhwa okwikurira. Ng'o Paulo akemukya okubhoko kwaye akekurira ega. ² "Ndemaha okubha omuntu wa obhujomerwa, omukama Agripa, okukora ekeesi yaani kubhukangati bhaho rero eguru ya amasitakya gonsego aga Abhayahudi. ³ Kwa okubha bhukong'u uuwe orimung'eni wa egimiira gya Abhayahudi na amabhuryo. Kwa ego ndasabha unyitegerere kwa obhuhari. ⁴ Mbhwahene, Abhayahudi bhosnego bhamanyiri kya ego nekeeri kurwa kubhumura bhwani mukyaro kyani Yerusalemu eyo. ⁵ Bhamanyiri kurwa kubhwambhiro na bharenderwa okwikirirya ega nekara nkya omufarisayo erijehebhu erya omwimiriro omuhari mudini yetu. ⁶ Bhoono nimiriri hanu njibhibhwe kwa okubha endani inu Waryubha yakora na bhataata bhetu. ⁷ Inu ng'yo endahi inu amakabhira gonsego ekumi na gobhiri garesi ga okuturung'ana kama bharamusyengera Waryubha kwa bhukong' bhutiku na mubhasu. Nkwa orusumo rwa okwisiga rinu, omukama Agripa, ega Abhayahudi bharansitakya. ⁸ Kwaki wowonse hagati yenyu areganirirya ega nkiruguryo Waryubha arahyukyanga abhaku? ⁹ Omweya gumwi neeganirirya omwene ega nakakoreri amang'ana maru eguru ya erina rya Yesu wa Nazareti. ¹⁰ Nakora ganu Yerusalemu; Nabha bhohe abhekirirya bhaaru mwigereja, na naringa na obhuturo kureka kubhakuru bha abhasyengeri okukora ego; na eribhaga eryo, okwitwa, natema ekuura eguru yabho. ¹¹ Mara karu nabhatema mumasyengerero gonsego na naregeja okubhakora bhange eimani yabho. Naringa na enkoro embhibhi bhukong'u eguru yabho na nabhakenya hata mumigi egya obhugeni. ¹² Eribhaga hanu nakoranga ganu, nagya Dameski, nanga na obhuturo na amaragiriryo okurwa kubhasyengeri abhakuru. ¹³ Hanu naringa kunjira kumweya gwa mubhasu, omuka ma narora obhurabhu kurwa murwire bhunu bhwaringa obhuhari kukira eryubha na bhwarabha okutwi hinda oni na abhantu bhanu bharinga bharagya hamwi na oni. ¹⁴ Bhetu bhonsego hanu twagwa hansi, enkegwa eriisi rirahahira na oni rya gambha kwa ekabhira ya ekiebhurania, "Sauli, Sauli! kwaki oranyankya? Mbhukong'u kuuwe okutema ekitimbho kwa okuguru. ¹⁵ Ng'o nkagambha, 'Uuwe niwi Omukuru?' Omukuru akakyukya, 'Oni ni Yesu oranyankya. ¹⁶ Bhoono iimuka wimiriri kwa amaguru gaho; kwa okubha kwa ering'ana rinu oni ndobhokeri kuuwe, nkusoreri okubha omukori na omwimiriri eguru ya amang'ana ganu omanyiri eguru ya amang'ana ganu omanyiriri eguru yani bhoono na amang'ana ganu nakakorokye embere; ¹⁷ Na ndakuturya kurwa kubhantu na abhantu bha ebhyaro bhanu ndakuragirirya. ¹⁸ Okusikura ameso gabho na okubharusya mukisunte okugya mubhura bhu na okurwa mweginguru gya erisambhwa bhamwihunjukire Waryubha, bhanyore okuturung'ara kurwa ku Waryubha ekyabhira kya obhusarya na enghabho inu nabhahana bharya nahura kwa eimani inu eringi ku oni. ¹⁹ Kwa ego omukama Agripa, ntatura okujera obhuroti bhwa murwire, ²⁰ nawe kubharya bharingi Dameski okwambha na kweki Yerusalemu na ekyaro kyonsego ekya Yudea, na kweki ku abhantu bha ebhyaro ebhindi; ndarike ega bhatige obhusarya na okumwihunjukira Waryubha, bhakore amakorwa ganu garendera okutiga obhusarya. ²¹ Kwa ego Abhayahudi bhangwata mwisyengerero, bhakaregeja okunyita. ²² Waryubha yambhera mpaka bhoono, kwa ego ndemirira na okwimiririra kubhantu bha obhusimuka na kubharya abhakuru eguru ya garya ganu abharoti na Musa bhagambha gararobhoka na etari bhundi; ²³ Kwa ega Kristu aranyanka na arabha wa okwambha okuhyuka okurwa mubhaku na okwarika obhurabhu kubhayahudi na abhantu bha ebhyaro. ²⁴ Hanu Paulo yamara okwikurira, Festo yagambha kwa eriisi enene, 'Paulo, uuwe orimujuru! amasomegaho gakukura okubha omujuru. ²⁵ Nawe Paulo akagambha, "Oni ntari mujuru omutungwa Festo; nawe kwa obhuhari ndagambha amang'ana aga obhuhene hene. ²⁶ Kwa okubha omuka amanyiri eguru ya amang'ana ganu na kwa ego, ndahahira kwa obhwihagaru kuweki, kwa okubha hina obhuhene ega ritariho nyoryonse erinu ryabhiswa kuweki, kwa okubha rinu ritaakorwa kabejo. ²⁷ Orekirirya abharoti, omukama Agripa? Mmanyiri ega orekirirya. ²⁸ Agripa akamukerya Paulo, 'Kwa omweya muke oratura okung'ene rerya oni na okunkora omu Kristu? ²⁹ Paulo akagambha, "Ndamusabha Waryubha ega, kwa omweya omuke au omutambhi, etabha kuuwe omwenego, etari kweki bhonsego bhanu bharanyirero bhabhe kya oni, awe bhabhe bhataana eminyororo ginu egya erigereja." ³⁰ Ng'o omukama akemirira na Liwali na Bernike kweki na bharya bhanu bharinga bhekeeri hamwi nabho, ³¹ Hanu bhemuka mwibhuru, bhakahahira bheki kwa bheki na okugambha, 'Omuntu unu atakwenderwa oruku kasi ekibhoho. ³² Agripa akamukerya Festo, "Omuntu unu yakaturiri okuhati rwa bhwiyagaru singa atasabhiri okugya embhere kukaisari."