¹ Kuginsiku etano egya enyuma, Anania omusyengeri omukuru, abhakaruka abhandi na omugabhi oumwi unu yabhirikirwanga Terituro, bhakagya harya Abhantu bhanu bhareteri amasitakyo eguru ya Paulo ku Gavana. ² Paulo hanu yemirira kubhukangati bhwa Gavana, Terituro akambha okumusitakya na okugamba ku Gavana kwa okubha ku uuwe tuuna omurembhe omukuru, na kwa obhuroti bhwaho bhurareta amabhadiriko mujomu mukyaro kyetu. ³ Kwa obhukumya bhonsego turaturung'ana kira ekintu kinu orakora, Ndakukeran'ya omutungwa Feriki. ⁴ Nawe ntige kukurosya bhukong'u, ndakwisasama unyi tegerere kumang'ana amahe kwa obhwitegereri bhwaho. ⁵ Kwa okubha tumunyoreri omuntu unu omubhibhi, na arabhakora abhayahudi bhonsego okwanga mukyaro, kweki mumukangati wa amajehebhu ga abhanajorayo. ⁶ Na kweki yasagya okutura obhubhibhi mwisyengerero kwa ego tukamugwata. (Ikomererya ! Ahasi wa amang'ana ago muchafya gunu 24:6 gutarimo mumang'ore amjomu agakare) ⁷ (Ikomererya: Omuchafya gumi; Ritaja okujera, omukuru yaaja na okumugega kwa eginguru mumabhoko getu, gutarimo mumang'ore amajomu agakare). ⁸ Hanu oramubhurye Paulo eguru ya amang'ana ganu, hata oratura okwihigira ni ekintuki kinu kirakora turamusitakya." ⁹ Abhayahudi bhonse bhakamusitakya Paulo, bhakagambha, ega amang'ana ganu garinga ga obhuhene. ¹⁰ Liwali hanu yamwi kirirya kwa okubhoko Paulo ahire, Paulo yakyukya, "Manyiri ega kwa emiaka myaru waabho omwamuri wa ekyaro kinu, na niina obhujomerwa okwiga mbhirira omwene kuuwe. ¹¹ Oratura okurora ega gitakahitiri eginsiku kukira ekumi na ebhiri kwambhira hanu natira okugya okusyengera Yerusalemu. ¹² Na hanu bhanyora mwisyengerero, ntahakana na omuntu wowonse, na ntakora erihe mukikaro, kora mwisyengerero kora musi ya omugi. ¹³ Nabho bhatakutura okurora kuuwe amasitakyo ganu bharansitakya eguru yani. ¹⁴ Oni ndekirirya rinu kuuwe, ega kwa njira irya inu bharaibhirikira erijehebhu, kwa enjira iyo iyo ndamukorera Waryubha wa bhataata bhetu. Oni ndimuhene kugonsego ganu garingi mumaragiriryo na amang'ore ga abharoti. ¹⁵ Niina obhuhari bhurya ku Waryubha bhunu bhayo nabho bharabhuganya, okuja kwa obhuyukyo bhwa abhaku, kubhonsego abhabhuhene na bhanu bhataana obhuhene kweki, ¹⁶ na kwa rinu, ndakora emirimu mbhe na ameganiriryo ganu gataata ehatia kubhukangati bhwa Waryubha na kubhukangati bhwa abhantu kuhitira kumang'ana gonsego. ¹⁷ Bhoono emyaka emyaru gihitiri nijiri okureta kukyaro kyani na omutuho gwa egimbhirya. ¹⁸ Hanu nakora ega, Abhayahudi abhandi abha Asia bhanyora munsi ya enyangi ya okwogibhwa munsi ya erisyengerero bila erikembha rya abhantu kora eriihe. ¹⁹ Abhantu bhanu bharenderwa okubhaho kubhukangati bhwabho bhoono ego na bhagambhe kirya bhaana kyo eguru yani kama bhari na ering'ana yoyonse. ²⁰ Abhantu bhanu abhene na bhagambe mbhubhibhiki kuoni hanu nemirira kubhukangati bhwa eribharaja rya Abhayahudi; ²¹ Etari kwa eguru ya ekintu kimwi kinu nagambha kwa eriisi hanu nemirira hagati yabho, 'nkwa okubha rya obhuhyukyo bhwa abhaku bhenyu mwanjibhya." ²² Feriki yaringa abhuribhwe bhujomu eguru ya enjira, na akanyaragariya ekikaro Lisia omukuru wa erijesi hanu yakaaje hansi kureka Yerusalemu nakarusye obhwamuri eguru ya amasitakyo genyu." ²³ Ng'o akamuragirira akiida amurinde Paulo, abhe na omweya na hata ataaja kubhaho omuntu wa okubhakan'ya abhasani bhaye bhatamusakirya kora okumuribhatira. ²⁴ Eginsiku nyabhurebhe hanu gyahita, Feliki akahuka na Durusira omukari wa unu yaringa omuyahudi, akatuma okumubhirikira Paulo na aketegerera kurwa kuweki amang'ana aga eimani kuhitira ku Kristu Yesu. ²⁵ Nawe Paulo hanu yaringa bharahahira nawe eguru ya obhuhene, okubha na endengo, na obhunjibhya bhunu bhuraja, Feliki akanyora obhoobha akakyukya, "Genda hare kwa bhono, nawe hanu nakenyore omweya kweki, ndakubhirikira." ²⁶ Omweya guyo guyo, yesiganga ega Paulo aramuhana egimbhirya kwa ego yamubhirikira mara kaaru akahahira nawe. ²⁷ Nawe emyaka ebhiri hanu gyahita, Porkio Festo akabha liwali hanu omweya gwa Feriki gwahita nawe Feriki yendanga okwijomya ku bhayahudi kwa ego akamutiga Paulo insi ya obhwangariri.