¹ "Abhairi na bhatata bhani, mwitegerere obhwangiri bhwani bhunu nda bhukore kubhenyu bhono." ² Anu bhekumwana Paulo akaahira nabho kwa ekibhurania, bhakakira, Akagamba, ³ "Oni mmuyahudi, nebhurwa mumugi gwa Tarso mkyaro kya Kilikia, ira okubha nanyora obhung'eeni kukubha mumugi gunu, mumaguru ga Gamalieiri, neigiribhwa kuring'ana na eginjira eginjomu egyameragirirya ga bhatata bhetu. Oni neginguru gya, Waryubha nkama bhenyu bhonsego muringi rero. ⁴ Nabhanyankya kwa enjira hinu mpaka mukakwa nkabhabhoha abhasaja na abhakari no kubheesa mwibhohero. ⁵ Naho omukuru wa erisyengerro na abhakaruka bhonsego bharatura okurusha obhuhene okubha nanyora enyarubha okureka kubheeki kwa orusumo rwa abhahiri bhanu bharingi Dameski oni okugenda okugwa heyo. Yaharinga mbarete abhantu abhantu Yerusalemu we njira hirya naho bhabhowe na okunyankibwa. ⁶ Eraryurega aryananga nino rugendo ndendakuika Dameski, eribhaga rya omubhasu Nho endingasi enene ekarwa murwire ekamba kumbarirya. ⁷ Nkagwa ansi na okwigwa erisi rikambarya, Sauli, Sauli kwaki oranjimya? ⁸ Nkamukyukya, "Uuwe niwi omukuru? Akamburya, "Oni Yesu Mnazareti, unu oranjimya.' ⁹ Bharya bhaaringa na oni bhaaro obhurabhu, Naho bhategwa erisi rya urya yaahira na oni. ¹⁰ Nkagamba, 'nkoreki oni, Omukuru?' Omukuru akamburya 'himirira osohe Dameski eyo oribhuri bhwakira ekintu kinu orenderwa okukora.' ¹¹ Nantura okurora kwa kubha ya endingasi ya oburabhu bhurya, N'go nkagwa nkagwa Dameski kwa akoro kibhwa na amabhoko ga bharya bhanga na oni. ¹² heyo nkasikana na omuntu unu arabhirikirwa Anania, yanga omuntu unu yanga agwatiri amaragiriryo na omwene entungwa embere ya abhayahudi bhonsego bhanu bhekaranga eyo. ¹³ Akaja kuoni, akemirira embere wani, na akagamba 'Omuhiri wani Sauli, onyore okumaa kwa eribhaga rirya rirya nkamurora. ¹⁴ Akagamba, 'Waryubha wa bhatata wetu okusoreri uwe onyore okumanya ameega gaaye, okumurora orwa ohobhubhene, na okwiga erisi rinu rirarya mumunwa gwaye. ¹⁵ Kwa kubha oribha omurusha wa obhuhene kuweki kwa bhantu bhonsego eguru ya ganu yarora na okwigwa. ¹⁶ Bhona kwaki oraganya? Imuka obhatizwe, ogibhwe obhusarya bhao, oraribhirikira erina ryaye.' ¹⁷ Naho akahika Yerusalemu, anu nanga ndasabha mwishengerero, akarya ega nkahanwa okurora. ¹⁸ Nkamurora akamburya, kora bhwangu orwe Yerusalemu bhwangu, kwa kubha bhatarikirirya obhugambi bhwao kuoni.' ¹⁹ Nkagamba, 'Omukuru bhayo abhene bhamanyiri nabhatura mukibhoe nokubhatema bhara bhakukumwa okurwa sinagogi. ²⁰ Na manyinga ga Stefano omurusha yobhwene bhwao anuyetera oni weki naabhanga ni miriri ang'i na okwikirirya nabhanga ndangararira emyenda gya bharya bhamwita! ²¹ Okubha yamubhurya, uwe genda, Kwa kubha oni ndikutuma ogende are kubhantu bhe kyaro." ²² Abhantu bhakamuhana omweya ahaire eguru ya ering'ana rinu. Nao eribhaga bhakatirya erisi na okugamba, "Murusyeo omuntu unu kukyaro! Kwa okubha atakwenderwa yekare." ²³ Anu bhanga bharatirya erisi, na okwesa emyenda gyabho na okwesa ko amarobha eguru. ²⁴ Jemedari akamu amrisha okamubhurya Paulo aretwe ngomeni. Akamu amurisha abhuribhwe enu aratemwa emijaredi, okubha omwene amanye kwaki bhaanga bharamukorera ekiturigo. ²⁵ Naho anubhanga bhamubhoeri na egingoye, Paulo akamubhurya akida unu yemiriri angi nawe, okubha mahene kubhenyu okumutema omuntu unu omurumi akyari akajibhibhwa. ²⁶ Akida urya anuyegwa amang'ana ganu, akagya kjemedari omunene na okumubhurya, akagamba, "Orenda okukoraki? Kwakubha omuntu uyo omurumi." ²⁷ Jemedari omunene akaja na okumubhurya, "Mburya, uwe numuntu wa rumi?" Paulo akagamba, "EE" ²⁸ Jemedari akamukyukya, nkuitira endengo enene eyembirya ng'o manyora obuntu, "Okubha Paulo akamuburya, "Oni murumi wa okwibhurwa." ²⁹ Mbe bharya bheki bhanga bhabheri okugwa kumubhurya bhakemuka na okumuna okumutiga eribhaga riyo na jemedari onse akemuka, anu yamanya ega, Paulo omurumi, na okwakubha yamubhoa. ³⁰ Ejo wendeko, jemedari omunene yenda okumanya obhuhene bhwa kusita kya bhwa wayahudi kukira Paulo. Hego akamufungura ebhifungo bhaye akaamurisha abhanene bha amakuhani na eribhara ja ryonsego bhasikane. Akamureta Paulo ansi, na okumutura hagati yabho.