¹ Eribhagha rinu twatigana nabho, na turagya munyanja, tukaika rumwi rumwi kumugi gya kosi, na ejo yaye tukaika kumugi wa Roda, na okurweyo tukaika kumugi gwa Patara. ² Anu twanyora emeri inu erambuka okugwa Foinike, twatira tukagya. ³ Anu twaika embere ya ekisiwa kya Kipro, tukaitiga kurubhara rokushoto, tukagya mpaka Siria, Tukatura enanga okubha kumugi gya Tiro, kwakubha heyo ng'yo emeri yanga erasabhurwa eshehena yaye. ⁴ Anu twabharora abhehigira, tukekara heyo eginsiku muungati. Abheigira bhanu bhakamubhurya Paulo kuitira kumutima okubha weki atataja Yerusalemu. ⁵ Hatego anu twaikya eginsiku giyo, bhetutukemuka tukagya gyetu bhonsego amwi, na bhakari bhabho na bhana bhabho, bhatueregesha okubha kuginjira gyetu mpaka anutwareka kibhara yo mugi. Kweki tukatema amaru pwani, tukasabha, tukaragana kira umwi. ⁶ Tukatira emeri, enu bhonse bhakahinda hika wabho kweki. ⁷ Okubha anu twamara orugendo okura Tiro. Tukaika Tolemai arya twakerania abhairi, na okwikara nabho kwa orusiku rumwi. ⁸ Ejo wendeko twemuka tukagya Kaisaria. Bhetu tukasoa mumugi gya Filipo, omurariki werin'gana, unu yanga ohumwi bhararya muungati na bhetu tukekara amwi nawe. ⁹ Omuntu unu yanga na abhahara bhane abhabhikira bhanu bharota. ¹⁰ Kwakubha bhekara eyo kuginsiku giyo, akateremuka okurwa uyaudi na omurooti umwi unu arabhirikirwa Agabo. ¹¹ Weki yaja owetu na akagega omuchipi gwa Paulo kwa guyo yesibhika amaguru na mabhoko gaye omwene na okugamba, "Omutima omurabhu guragambega," "Abhayahudi bha Yerusalemu bharimubhoha omunagya ho muchipi gunu, nabho bharimuhana mumabhoko ga abantu bhe kyaro." ¹² Anu twegwa amang'ana gayo bhetu na bhantu bhanu bhanga bharekara hara twamubhurya Paulo atatira okugwa Yerusalemu. ¹³ N'go Paulo akaunjura, "Murakoraki, murakura na kumbuna omutima gwani? Kwakubha ndingi bhujomu etari kubhowa, okubha kukwire yo Yerusalemu kwa orusumo rwa rina rya Omukuru Yesu." ¹⁴ Kwakubha Paulo atenda okubhuri bhwa, twatiga na okugamba, "Mbe amega gomukuru gakoreke." ¹⁵ Okubha eginsiku ginu, twagega ebhisandaroti bhyetu na kutira Yerusalemu. ¹⁶ Abhake bha bhehigira okurwa Kaisaria kweki bhoserana na bhetu. Bhakamureta omuntu umwi unu arabhirikirwa Mnasoni, omuntu wa Kipro, mwiigira wa kare, n'gunu twekara nawe. ¹⁷ Anu twaika Yerusalemu, abhahiri bhatukaribhisha kwa obhujomerwa. ¹⁸ Ejo wendeko Paulo yagya amwi nabhetu ku Yakobo, na bhakaruka bhonsego bhangao. ¹⁹ Anu bhamara okubhakerania, abhahana erin'gana rimwi wakubha yehindi ya man'gana anu Waryubha yakora hagati we kyaro kokuita obhuhani bhaye. ²⁰ Okubha anu bhegwa gayo, bhakamukumwa Waryubha, na bhakamubhurya, "Orarora abhahiri, bhario emirongo bharinga bhakumwa obhuhani bhwa abhayahudi. Bheki bhonsego bhane hamu yokugwata amaragiriryo. ²¹ Bhabhuribhwa okuhahirira uwe, okubha orehigirya abhayahudi bhanu bharekara agati ye kyaro okutigana na Musa, nakubha arabhabhurya bhatabha sara abhana bhabho, na bhataseta egimira gya kare. ²² Turenderwa tukoreki? Anu bharigwa ega uwe ujiri. ²³ Hego kora kirya bhetu turakubhurwa bhono. Tunabho abhantu bhane bhanu bhatura enadhiri. ²⁴ Bhagege abhantu bhanu na wimahiririre uwe mwene amwi nabho, na obharihire egigarama gyabho, okubha bhature okukasa emitwe gyabho. Ego kira ohumwi anyore okumanya okubha amang'ana ganu bhabhubhei, bharihigira okubha uwe onse oragwata amaragiriryo. ²⁵ Okubha kuman'gana gye kyaro bhanu bhabha abhetegerereri, twan'gora na okurusha amaragiriryo okubha bharenderwa okwirusha kubhintu bhinu bhya rusibhwa adhabhihu kwe ebhinyago, na amanyinga, okurwa kukirya kyanyi gwa, na bherushe kubhumaraya." ²⁶ N'go Paulo yabhagega abhasaja na orusiku rwakabhiri, akerosha omwene omwi nabho, akasoha mwishengerero okurarika kurusiku okwirosha, mpaka omuchango gyarushibhwa kwa orusumo rya kira oumwi wabho. ²⁷ Eginsiku giyo muungati anu gyasuntara okuwa, abhake bhabhayahudi okurwa Asia bhakamurora Paulo mwishengerero na abhasikani bhakajima, na bhaka mwinurira amabhoko. ²⁸ Bhanga bharatema ekituri, "Abhantu bha Israeli, mututurye. Hunu numuntu urya arehigirya abhantu kira asi amang'ana ganu enyuma na abhantu, amaragiriryo ahasi anu. Kweki yabhareta abhayunani okubha mwishengero na na okubhahana ahasi anu ahajomu. ²⁹ Kwakubha embere mwanga mumuruji Trofimo Muefeso aribha amwi nawe mjini, nabha bhamanya okubha Paulo yamureta mwishengerero. ³⁰ Omugi gonsego gwanga na mujinjiga nwiyo, na abhantu bhakakenya amwi na okumugwata Paulo. Bhakamuhuru kya kibhara ya erishengero, na ebhiseku bhikasikwa. ³¹ Anu bhanga bharajaribhu okumwita, amang'ana gamuikira omunene wa erijeshi rya bharindi okubha Yerusalemu yonsego yangaijwiri eire. ³² Hayo ego akabhagega abhasirikare na jemadari akabhakenyerera abhantu okubha anu bhamurora omunyne wa majeshi na abhasirikare bhakatiga okumutema Paulo. ³³ Okubha omukuru wa erijeshi yamu karabhisha na akamugwata Paulo, na akagamba abhowe eminyororo ebhiri. Akamubhurya weki niwi na yakoraki. ³⁴ Obhuke bhwabhantu kubhikumunsi bhanga bharahanyuka ekintu kinu na abhandi ne kindi kwakubha jemedari tatura okubhabhurya kyokyonse kwakubha kwakirya ekituri, akagamba Paulo aretwe munsi ya erituko. ³⁵ Okubha anu yahika kugingaji Akagegwa na abhasirikare kwa kubha obhujimu bhebhikumunsi. ³⁶ Okubha ebhikumunsi bhyabhantu bhamugira na bhagendererya okutema ekituri, "Mumurusheo unu!" ³⁷ Paulo anu yaretwa mwituko, yamubhurya omukuru wa amajeshi, "Ndatura okukubhurya ekintu?" Omukuru werijeshi akagamba, "Okubha orahaira kiyunani? ³⁸ Okubha uwe otari ommisri unu owembere yongerya obhusarya na yagega abheginguru bhiku bhina nyikani?" ³⁹ Paulo akagaamba, "Onu ni omuyahudi, kukurwa mumugi gwa Tarso ya Kilikia, oni ndingi omuntu wa mumugi guyo Ndabhasabha, mung'aane omweya ng'aire nabhantu." ⁴⁰ Eribhaga rinu jemadari yamuana omweya, Paulo akamirira kugingaji na akaryokya ekirengyo kubhantu kwa amabhoko gaye okubha anu anukwangao obhukiru bhukong'u, akaahira nabho kukiebrania. Akagaamba,