¹ Yemirira amang'ana ganu, Paulo yemuka Athene okugya Korintho. ² Heyo akamunyora muyahudi unu rabhirikirwa akwira omuntu wa mukyaro kya ponto, wekina mukaye unu arabhirikirwa Prisca bhaja okureka heyo Itaria, kokubha Klaudia yabhake rya abhayahudi bhonsego bhemuke Roma, Paulo akaja owabho. ³ Paulo akekara no kukora emirimu nabho, weki arakora emirimu inu eraunkana ne yabho bhonse bharinga bharakora amabhuru. ⁴ Paulo bhakabhuran'ya nabho gati sinagogi orusiku rya sabhato yabhangererya wayahudi amawi na abhagiriki. ⁵ Nawe Sila Timotheo anubhaja okureka Makedonia, Paulo bhamusukya no mutima okubhahikira abhayaudi okubha ng'o Kristu. ⁶ Eribhaga abhayahudi anubhamwanga no kumutunga, ego Paulo akakunkumura eritati ryaye embere yabho, no kubhabhurya, "Amanyinga genyu gabhe eguru gyemwitwe gyenyu bhene; oni ntana ekosa okureka bhonwego nokugendererya ndagya mubharo.'' ⁷ Kwego akemuka okureka harya akagya kunyumba ya Tito Yusto, omuntu unu yamwikirirya Waryubha. Nenyumba yaye eringi hang'i ne sinagogi. ⁸ Krispo, omuragirirya wa sinagogi amwi na bhantu bhaika waye bhakamwikirirya omukuru. Abhantu bharu bha Korintho bhanu bhamwigwa Paulo arahaira bhamwikirya no kubhatijwa. ⁹ Omukuru akamubhurya Paulo bhutku kwe ginjira gyo kumaha ahare, "Atige okobhoha, nawe ahira atige okukira. ¹⁰ Oni ndingi amwi nauwe, atariho omuntu unu arikaria kukunyahara ensonga ina bhantu bharu gati yomugi gunu." ¹¹ Paulo akekareyo kweribhaga ryo mwaka ogumwi na mweri esansabha areigirya eng'ana ya Waryubha munsi yabho. ¹² Nawe gariho anuyakorwa omugaya wa Akaya, Wayahudi bhemirira amwi kiutete na Paulo nokumuira embere ye kitumbi kyo obhujibhya. ¹³ Anubhagamba, "Omuntu unu arabhang'enererya abhantu bhamwi krirye Waryubha kiutete kye riragiriryo." ¹⁴ Eribhaga Paulo anuyaringa gati yokuhaira Gario akamukerya wayahudi, "Bhenyu abhayahudi kama ekabheri obhusarya ekabheri bhujomu okubhakorera emirimu. ¹⁵ Nawe kokubha amang'orwa ganu garasuntarirana ma amang'ana ga murina, na maragiriryo geneyu mukore amaragiriryo genyubhene oni ntakukora enamba omukuru werigereja wamang'ana gayo.'' ¹⁶ Galio akabha ragirirya bhemuke embere yekitumbi kyobhujibhya. ¹⁷ Kego, bhakamugwata Sosthene omuragirirya wa sinagogi, bhakamtema embe yekitumbi kyo bhujibhya. Nawe Galio atasuka kukinu bhakora. ¹⁸ Paulo, yemiririra okwikara arya arya kweribhaga eritambi, yabhatigu abhairi nokugya kumeiisira amwi na Prisca na Akwila. Akyari okwimuka mwituko, yakasa egintukya gyaye yabhanga ateniri okubha mnadhiri. ¹⁹ Anu bhaika Efeso, Paulo yamutiga Prisca na akuira arya, nawe weki amwene akasahu musinagogi nokubhuran'ya na wayahudi. ²⁰ Arubhamukyerya Paulo ye kare nabho kweribhaga eritambi weki yanga. ²¹ Nawe akemuka awabho, akabhakerya, "Ndiinda kweki owenyu, anu eribha amega ga Waryubha." Anu yamarayo akemuku kwemeri okureka Efeso. ²² Paulo anuyahika Kaisari, yatira okugya okukeren'ya erisyengerero rya Yerusalemu akamara aketuma ansi werisyengerero rya ka Antiokia. ²³ Anu bhamara okuikara kuribhaga harya, Paulo yemuka okuhita amaeneo ga Galatia na Fragia nokubhaha na omutima abhehigira bhaye. ²⁴ Muyahudi oumwi arabhirikirwa Apolo, unuyebhurwa heyo Alexandria yaja Efeso yaringa omungeni gati yokuhaira nayanga amanyiri amang'orwa. ²⁵ Apolo yaringa abhuribhwe gati ya magiriryo go mukuru kego yangabheri eginguru no mutima yahaira no kwihigirya kwo bhwanga rariri amang'ana ganu gangagara mwendera Yesu ila yamanya obhwibhurwa bhwa Yohana. ²⁶ Apolo akama okuaira kwo kwikumwa gati yerisyengerero. Nawe Prisila na Akwila anu yamwigura, yakora obhusani nawe bhakamubhurya eginjira gya Waryubha gyo bhukweri. ²⁷ Anu yegomba okwimuka okugya Akaya, abhahiri bha muana omutima go kubhang'orerya enyarubha abheigira bhanu bharingi Akaya nabho bhanyore okumuturung'ana, yahika yahika kwentungwa yabhabhera bhukongu bharya bhekirirya. ²⁸ Kwe ginguru gyaye no bhung'eni, Apolo yabhakira Wayahudi kubhantu bhonsego akabhorokya okuhitira amang'oruru gokubha Yesu ng'o Kristu.