¹ Anu bhahita mumugi gwa Amfipoli na Apolonia, bhagya mpaka mumugi gya Thesaronike gunu gwaringamo sinagogi ra Wayahudi. ² Kego eringi bhujomu ku Paulo yagya owabho kweribhaga ryeginsiku esatu sabhato rukabhuran'ya eguru ya amang'orwa. ³ Yaringa arabhasikurira amang'orwa no kubhabhurgega ya mwendera Kristu anyankibwa akamara akayuka kweki okareka mukuru yabhabhurya, "Yesu hunu unu nabhabhurya amang'ana gaye ng'o Kristu." ⁴ Erikemba Wayahudi bhange nereribhwa no kugwatana na Paulo na Sila hamwi na Wagiriki bhanu bhekirirya Waryubha abhakari abharu abhabhei erikundi erinene rya bhantu. ⁵ Erikemba rya wayahudi bhanu bhaekirirya, bhanu bhejura neriari, bhagya kumudira okabhagega erikemba rya bhantu abhabhibhi, wakakuman'ya amakundi go muntu oumwi, nokukorerera omuyaga mumugi, nawe bhakaso erera enyumba ya Jonson bhakenda okumugyata Paulo na Sila no kubhareta ombere gyabhantu. ⁶ Nawe anubhabhasarirya, bhamugyata yosoni na erikemba abhahiri abhandi nokubhaira ambere ya bhakuru bha mujini bhakatema ekituri, "Bhanu abhasaja bhanu bhapindura ekyaro bhahika mpaka enu. ⁷ Abhasaja bhanu bhanu bhakare bhisibhwa na yasoni bharaisa rya entungwa ya kaisari, bharagamba ariho omukama abhandi unu arabhirikirwa Yesu." ⁸ Amakemba abhakuru bha mujini anu bhegwa amang'ana ganu, bhakabha ne wasiwasi. ⁹ Korusumo anubhamara okugega egimbirya gye thamani obhurindi okureka kuyosoni na bhandi bhabhaatirya bhagende. ¹⁰ Obhutiku bhurya bhamutuma Paulo na Sila Beroya anu bhaika erya bhagenda gati ye sinagogi ra wayahudi. ¹¹ Abhantu bharya bharinga omung'eni bhukon'gu okukira bharya abhantu Thesaronike, kwo kubha bharinga no bhwangu okuripokera korusumo bhwabho, no kumaha, amang'orwa kira orusiku nokurora kego amang'ana ganu ga hairya nigo garingi. ¹² Kwego abharu bhabho bhekirirya bhangumo abhakari abhang'erererya abahene bha kigiriki na abhasaja. ¹³ Nawe wayahudi bha Thesaronike anu bhamanya ega Paulo arararika eng'ana ya Waryubha heyo Beroya, bhagyego no okwegererya no kwambisha ghasia kubhantu. ¹⁴ Ko bhwangu, abhairi bhakamuira Paulo kwenjira ye nyanja, nawe Sila na Timotheo bhasaja harya. ¹⁵ Bharya abhairi bhanu bhamuhira Paulo asene, omutima gwaye anu bhamutiga Paulo eyo, bhaturang'ana amang'ana okureka kweki ga Sila na Timotheo bhaje owaye bhwangu. ¹⁶ Ne eribhaga anurabhaganye hayo Athene, omutima gyaye gwajimibhwa munsi yaye nkego yagurora omugi gunu gwanga gwijwiri ebhinyago bhwaru. ¹⁷ Kwego bhakabhuran'ya na gati ya masinagogi na wayahudi bharya bheekirirya Waryubha na kwa bharya bhonsego bhanu bhasika na nabho kira orusiku kumudira. ¹⁸ Nawe abhantu abhandi bha mafarisayo waepukureo na Wastoniko bhamumanya na bhandi bhakagamba, "Aragambaki unu omuhiairi amwera? abhandi bha kagamba, "Erarobhokana areigirya amang'ana ga Waryubha omugeni," nawe areigirya aman'gana ga Yesu okuyuka. ¹⁹ Bhakamugega Paulo no kumuhira Areopago, nokugamba, "Nokugamba okumanya ameigiryo amaya gaturahaira. ²⁰ Nawe arareta amang'ana amapya gati ya matwi getu kwego turenda okumanya amang'ana ganu ganu ensongoki? ²¹ Nabhantu bhonsego bha hamwi na abhageni bhanu bharinga owabho, bharakora eginsa gyabho amwi gatokuaira nokyigwirana eguru ya amang'ana amapya.) ²² Kwego Paulo akemirira gati ya bhantu bha Areopago no kugamba, "Bhenyu abhantu bha Athene, ndarora okubha bhenyu mbatu bha Waryubha kwekira ang'ana, ²³ Gati yokahita kwani nokumaha ebhintu bhwenyu byo kusyengera, narora amang'ana ganu gang'orwa kubhumwi bhwa mashengerero genyu, eragamba, "Ku Waryubha unu atamanyikeni." Nigo bhonori, ng'o arabhabhurya bhenyu. ²⁴ Waryubha unuyabhumba ekyara nakira ekintu kinu kiringi munsi, kokubha mukuru wakuryire nowekyaro, atakutura okwikara gati ya masyengerere ganu ga korya na amabhoko. ²⁵ Nawe atakukorerwa amabhoko gabhantu kokubha arenda ekintu ekindi, kuweki amwene araana abhantu obhuhoru no mwika nebhintu bhindi bhyonsego. ²⁶ Okuitira omuntu oumwi yakora ebhyaro bhyonsego bhya bhantu bhanu bharekara eguru ya bhusu bhwe kyaro, na akabhaturira eribhaga no rutunga gati ahasi anu bharekara. ²⁷ Kwege, bharendenyua, okumutuna okumutuna Waryubha, bharatura bhakamuhikira nokumunyora, nokumanyirirya atari harare na kira oumwi wetu. ²⁸ Owaye turekara, turagenda no kubha no bhuhoru bhwetu nkego bhurya amutungi wetu umwe shairi anuyagamba ge webhurya awaye. ²⁹ Kwego, anu erabhe bhetu mbe bhurya bha Waryubha tutakwenderwa okyiganirirya uungu ni kama dhahabu, au shabha au mawe sanamu iriyo chongwa kwa usitadi na mawazo ya watu. ³⁰ Kwego, Waryubha yabhakirira eribhaga eginsa girya gyobhukang'i nawe bhono yasing'irirya abhantu bhonsego kira aasi bhanyore okwisasama. ³¹ Hinu kokubha yatura orusiku runu aribhaturira ekyaro kobhukweri bho muntu urya yamwikirirya. Waryubha yarusya obhukweri bhomuntu onu kukira omuntu arya yamuyukya okureka muruku. ³² Na bhantu bha Athene anu bhegwa amang'ana go kuyurwa okureka muruku, abhandi bhakumu bhihirirwa Paulo, ira abhandi bhakagamba "Turakwitegerere kweki kwa mang'ana gana inu." ³³ Okwimiririra hayo, Paulo akabhatiga. ³⁴ Nawe eribhaga rya bhantu bhagyatana nawe bhakekirirya akabhame Dionisio mwareopago, nomukari arabhirikirwa Damari na bhandi hamwi nabho.