¹ Paulo kweki anuyaja Derbe na Lystra, ndarora arya anuyaringa na omwihigiri arabhirikirwa Timotheo, mumura anuyebhurwa na mai wekiyahudi unu muumini natata wetu Mgiriki. ² Abhantu bhe Lystra na Ikonia walimshuhudia bhojomu. ³ Paulo yamwenda kweki asafiri weki, kwego akamgega na akamsari kokubha abhayahudi anubhang'ao eyo kweki onsego amumanya ega esewabho Mgiriki. ⁴ Anu bharinga abharagya bhahita kumigi na okurusya amaragiriryo masyeng'erero okugasuka amaragiriryo gayo gang'orwa na abhatumwa na abhakaruka eyo Yerusalemu. ⁵ Kwego amasyengerero gakeribhya gati ya amahene bhanu bhekirira bhakaruha kurusiku. ⁶ Paulo na mrikyaye abhakagya Fairigia na Galatia, kokubha omtima gwa Waryubha abhakan'ya okurarika eng'ana eyo kyigunguri rya Asia. ⁷ Anu bhasuntara Misia, bharengya okugya Bithinia, nawe omtima gwa Yesu akabhakan'ya. ⁸ Kwego bhakaita Misia bhakaja mpaka omgi gwa Troa. ⁹ Ekiroto kyamjira Paulo obhutiku, kwaringa na abhantu bha Makedonia yemiriri, arambirikira na okugamba mjemtubhere enu Makedonia. ¹⁰ Paulo anuyarora ekiroto, tukesemya okugya Makedonia, amanyiri kokubha Waryubha akatubhirikira okugya okubhararikira obhurariki. ¹¹ Kwego tukemka okureka Troa, tukagya kimwii Samothrake, orusiku runu rwaja tukahika kumgi gwa Neapoli. ¹² Okurwayo tukagya Filipi mbo obhyumi bho mgi gwa Makedonia, omgi, mrebhugati yo obhurabhe bhyakirumi natuna kataa orusiku nyabhurebhe. ¹³ Orusiku rwe sabhato, tukagya kibhara yekiseku kunjira yoruji, ahasi anutwa ganyang'a aribha ahasi okukorera amasabho, twekara ansi na okuaira bhamai bhanu bhaja hamwi. ¹⁴ Omkari umwi arabhirikirwa Lidia, omgurya Waryubha, okurwa gati yomgigwa Tiatira wokusyengera Waryubha, yatutwegerera. Omkuru yamkundukura omtima gwaye na okutura amang'ana ganu ga gambwa na Paulo. ¹⁵ Kweki okubhatija weki nenyumba yaya yonsego, atukomererya akagamba kyego mwandora okubha oni ndimhene gati yo mkuru bhono ndabha komerera msohe na okwara owani akatukomererya bhukong'o. ¹⁶ Kyego kokubha twanga turanga ahasi wokusabha, omhara oumwi unuyaringa nerisambwa ubatizi akasikana nabhetu amretera omkuru waye obhwera obhwaru bhukurengererya. ¹⁷ Omkari unu akagya ku Paulo hamwi na bhetu, arakora ekituri na okugamba bhanu abhasaja abhakoribha Waryubha weki mnene. ¹⁸ Yakora ego ginsiku njaru, nawe Paulo akabha yabhihirwa eng'ana akakyuka enyuma na okumkera erisambwa, "Ndakukemera kurina rya Yesu orwe msi mwaye onse akahuruka na okumtiga rumwi. ¹⁹ Abhakuru bhaye anubhamaa okubha eringanyiriri ryobhwera bhwabho bhwagya, bhakabha gwata Paulo na Sila okubhakurura kundira embere ya abhakuru. ²⁰ Anubhabhahi kwamahakimu bhakagamba abhasaja mba yahudi nabhara kora erihe erinene gati kumgi gwetu. ²¹ Bhararagirirya amang'ana anu gatari erira giriryo bhetu okugagwata okuga gira nawe Abharumi.'' ²² Ubhumwi bhabhemkira enyuma ku Paulo na Sila , abhakuru bhakatamra egingibho gyabho na okubharusya eriragiriryo bhatemwe ebhisamri. ²³ Kweki okubhatema ebhisamri ebhyaru bhakabhesa mwigereja abhasirikare mwigereja okubha ng'arira bhojomu. ²⁴ Badala okwikirirya eriragiriryo riyo, omsirikare gereza yabhesa gati ya eriko mnsi mwigereja na okubhabhoha amaguru gabho ahasi anu anayabhatura. ²⁵ Eribhaga oobhutiku bhya omanane, Paulo na Sila bhakabha bharasabha na okwimba amembo gokumkumya Waryubha, enu abhabhowa abandi bharabhetegerera. ²⁶ Ghafla kikarobhoka ekirigiti ekinene obhurusa erigereja bhikasi ngisiwa, ebhiseku erigereja bhikasi kuka na eminyororo gya abhabhowa bhonsego gika nyonyoga. ²⁷ Omwimiri mwigere, yemka okurwa mntiro akarora ebhiseku bhyonsego erigereja abhisikwirye kwego akagega eripanga ryaye kweki akenda okumanya kokubha yeganirirya abhabhowa bhonsego angabhamariri okutoroka. ²⁸ Nawe Paulo akakora ekituri kwerisi rinene, aragamba "Oteita kokubha bhonsego turingi ahasi hanu.'' ²⁹ Omwimiriri werigereja yasabha entara giretwe na akasoa mnsi gereza kabhwangu, ararigita na okobhoha, abhagwira Paulo na Sila. ³⁰ Na okubhahurukya kibhara gereza na okugamba abhasukwa nkore egaki nyore okuturika? ³¹ Bheki bhakamkery, "Mkumye Omukuru Yesu uwe oriturya hamwi na enyumba yao.'' ³² Bhagamba eng'ana kumkuru, kuweki, hamwi na bhantu bhonsego bhaika owaye. ³³ Omwimiriri werigereja yabhagega obhutiku bhurya na okubhogwa ahasi anu bhanyaharika weki hamwa na abhantu bhaika waye bhakabhatijwa. ³⁴ Akabhareta Paulo na Sila ika owaye okubhahana ebhyakurya onse akabha obhujomerwa obhuhene hamwi na abhantu ika waye kokubha bhamkumya Waryubha. ³⁵ Anu yaringa mbhasu, abhakuru bhatuma eng'ana kuurya omwang'ariri erigereja bharagamba, bhahatire bharya abhantu bhagende." ³⁶ Omwiriri rigereja akamkerya Paulo eguru ya amang'ana gayo, ahakuru bhatuma eng'ana mbahatire bhemke kwego mhuruke kibhara mgende korusumo.'' ³⁷ Nawe Paulo akabhakerya, "Bhatutema kubhurabhu abhantu bhanu Warumi bhakutuhukumu bhakaamra okutwesa mwigereja kweki bhono bharenda okutuhurukya kobhuguni? kyego ega etukura, bheki abhene bhaje okutu hurokya ahasi hanu. ³⁸ Abhemiriri bhakabhakerya abhakuru, eguru kumang'ana gayo, mahakimu bhakobhoha bhokung'u harya bhamanya okubha Paulo na Sila obharumi. ³⁹ Abhakuru bhakaja okubhakan'ya bhahuruke nahanubhahuruka kibhara mwigereja bhabhasabha Paulo na Sila bhahuruke kibhara omgi gwabho. ⁴⁰ Kwego Paulo na Sila bhakahuruka kibhara mwigereja bhakaja ika owa Lidia. Paulo na Sila anu bharora omhiri, bhabhahana omtima kweki bhakemka gati mngiguyo.