¹ Anu Paulo na Barnaba bharinga mumugi gwa Ikonia bhasoha hamwi murisinagogi rya bhayahudi kyego bharinga bharariri bhakanyoramo abhayahudi na abhayunani bhanu bhabhekirirya. ² Nawe abhayahudi bhanu bhatabheheikirirya bhasarya giakiri ghabhantu abhandi na kubhakora bhabhe abhabhibhi kubhahiri. ³ Kwego bhekara kuhibhaga etambi bhakahaira kwa bhuhari kwe ginguru gya mkuru henu bhararusha ering'ana rye nonkwe ya omukuru yakorego kokurusha visusano na mang'ana makuru gakorwe mumabhoko ga Paulo na Barnaba. ⁴ Nawe mugi gwabharukana abhantu abhandi bharinga hamwi na bhayahudi abhandi na bhatumwa. ⁵ Eribhaga rinu abhantu abhandi na bhayahudi bhasaki anga bhanangwa bhabhakorere bhubhibhi bhabhateme na magina Paulo na Barnaba. ⁶ Bharimanya riyo bhakang'osera mumugi Likaonia Listra na Darbe na hasi handi. ⁷ Neyo bhehigirya ring'ana rijomu. ⁸ Neyo Nistra yanga muntu umwi yangayekeri hatanga na nguru mumaguru gaye muremabhu ukurwa munda ya ng'ina wabho ataika kugenda. ⁹ Muntu huyo yamwigwa Paulo arahaira, Paulo akamtununurira meso na kurora ega yana imani ya kuenibha. ¹⁰ Kwego aka ahira kwa herisi rye eguru "Itihina kwa maguru gao omuntu unu akabhururuka eguru akamba kugenda. ¹¹ Anu bhantu bharore kinu Paulo yakora bhakora kituri bhakagamba mkigamba mkigambo kya kirikaoni emisambwa gitwikiri kubhususana bhwa muntu. ¹² Bhakatoga Barnaba Zeu na Paulo Herme, kokubha yanga omgambi mkuru. ¹³ Umushengeri wa Zeu hunu rishengerero ryaye ryaringa kibhara ya mugi bharere geni ya ng'ombe na maua bhakaika mukseku kya mugi weki na bhantu abharu bhendanga kurusha kimweso. ¹⁴ Nawe umwigirya Barnaba na Paulo hanu bhegwa riyo bhatamura gingibhoga bho bhwangi bhakagia kibhara mubhantu bharakura. ¹⁵ Nakagamba bhenyu kwaki urakora mang'ana ganu? bhetu bhose turibhantu keme bhenu turabheretera mang'ana majomu ega mkiwiye umrue kumabhibhi mgende kwa Waryubha umuhori unu yabhamba urwire mukyaro enyanja na bhinu bhirimo. ¹⁶ Kuribhaga rinu ryahita yabhehekirirya abhantu bhagendere muginjira gyabho abhene. ¹⁷ Nawe yanga akyari okururyaho bhira obhimiriri kuriyo yakora ubhujomu sana kubhahane mbura okurua murire kuribhaga ryo bhakuria Nkabhaijuriya imitima gyabho kwa bhakuria na ubhujomererwa. ¹⁸ Kwego amang'an gayo, Paulo na Barnaba bhe kwenyanko bharibhirira bhantu kubharusia ekimwenso. ¹⁹ Nawe awayahudi abhandi ukurya ahoha na Ikonia bhaja kung'ererya abhantu abhandi bhakatema Paulo na magina bhakamkurwa bhakamuhira kibhara ya omugi bhakakorega akwiri. ²⁰ Hata egi abhaigirya bhanga nini hang'i nawe, yemuka, bhakasoa mumugi orusuku rya kabhiri yegya Derbe hamwi na Barnaba. ²¹ Hanu yarora okuigirya ering'ana rya Waryubha kumugi gurya yakora weigira bharu bhaunjuke Listra, kuikira Ikoniamu, na kuikira Antiokia. ²² Bhaenderera okukong'ya eitima gya abheigirya na kubhakumirirya bhatame kuimani akagamba niga tusore mubhukuru bhwa Waryubha kuitira nyanko njaru.'' ²³ Hanu bhabhasora kurusumo rwabho abhakaruka bha makemba abhahekirirya wakabha bhasabhiri na kugira ebhakuria bhabhatura kubhakuru hunu bhamuhiki rirya. ²⁴ Ego bhahita Pisidia, bhakaika Pamfilia. ²⁵ Eribhaga hanu bhahaira amang'ana perga bhahiringita kugya atalia. ²⁶ Kureke ego bhatira emeri okuikira Antiokia hana bhanga bherusirye kwe nonkwe ya Waryubha korusumo rwa minimu ginubhakora. ²⁷ Hanu bhaika Antiokia nakukumaniya erike mba hamwi abhabhabhurya amang'ana ganu Waryubha ganu yabhekorera kyego bhafungurirwa ekiseku kya imani kwabhantu bha ebharyo. ²⁸ Bhekera eribhaga erinene na abhehigirya.