¹ Baaada ya Yesu kubinda kiya kintu ekuwacho asema kwa wantu wamtegezao, kengia Kapernaumu. ² Mtandima yumwe wa akida, mwekuwa na samani sana kwakwe, ne kawa mtama sana hehi na kufa. ³ Akini kawa kasikia kuhusu Zumbe Yesu, yuda akida ne amtuma kiongozi wa Wayahudi, kumwombezea eze amwohoe mtandima wakwe ase kufa. ⁴ Wekubuaho hehi na Zumbe Yesu, wamwombeza kwa bidii na kwamba, ''Astahii kugosoewa iviivi kwa ajii yakwe, ⁵ kwa ajii adikunda taifa detu, na nee mwekuzenga sinagogi kwa ajii yetu.'' ⁶ Zumbe Yesu kaendeeya na ntambo zakwe hamwe nao. Akini kabla nkazati kuita hae na nyumba afisa yumwe kutumwa mbuyaze kutamwiya naye Bwana wesekwesokeza mwenye kwa ajii yangu nkistahii wewe kwengia mwe taa da nyumba yangu. ⁷ Kwa ajii inu chekumanya hata mimi mwenye inga nafaa kweza kwako, akini gombeka mbuii tu na mtandima wangu ondaahone. ⁸ Naho hata mimi inga ni mntu mwekuikwa mwe madaaka naho ninao asikai asi yangu. Namba kwa uyu, ''Hita naye aita, na kwa mtuhu.'' Soo''nae eza, na kwa mtandima wakwe,''Gosoa iki, naye agosoa.'' ⁹ Zumbe Yesu ekusikiayo ayo ne adunduwaa, na kuhitukia mkutano wekuwao ukamtongea na kwamba. Namihinya, inga nkizati kuona mntu mwenye imani nkuu inga uyu hala uko Israeli. ¹⁰ Naho wada wekutumwao wekuuyaho kaya wabwiya mtandima kahona. ¹¹ Baada ya yao ayo iyawiya Zumbe Yesu ne atamba kuita mzii mtuhu wetangwao. Naini wahinywa wakwe waita hamwe naye watongeana na utifii mkuu wa wantu. ¹² Ekubuaho hehi na mwango wa mzii kuwa na mntu mwe kufa kenulwa na mwana wa ikedu mwa mami yakwe mwe kufiwa ni mgosi. Utifii wa wantu kuawa mwe mzii wawa hamwe. ¹³ Ekumwonaho Zumbe ne asogea hehi yakwe kwa mbazi nkuu sana akamwambia, ''Usekwiya.'' ¹⁴ Ne asogea mbee adonta jeneza ambado denua mwii na wada wekwemuao ne wagooka ne amba, ''Wee mwana namba enuka'' ¹⁵ Mntu mwe kufa ne enuka na kwekaa asii na kuvoka kutamwiya. Ne zumbe Yesu amwmbia kwa mami yakwe. ¹⁶ Nee hofu ya wengia wose ne waendelee kumgimbika Muungu wakamba ''Nabii mkuu kenulwa gatigati yetu na Muungu wawakauwa wantu wakwe'' ¹⁷ Izi habai ntana za Zumbe Yesu zienea Yudea yose na kwa mikoa yose ya jiani. ¹⁸ Wahinywa wa Yohana wamwambia mbuii inu yose. ¹⁹ Nee Yohana awetanga waida wa wahinywa wakwe na kuwatuma kwa Bwana na kumwambia, ''Wewe ndie yuda ezaye, au kuna mtuhu timkauwiyaye? ²⁰ Wekubuaho hehi na Zumbe Yesu ne wamba, ''Yohana mbatizaji katituma kwako tambe wewe ni yuda ezaye au kuna mntu mtuhu timngojaye?'' ²¹ Mwe ukati uwo kaohowa wantu wangi wekuwao watamu na suuba, kuawa mwe loho nchafu, na kwa wantu wenye upofu kawenka kuona. ²² Zumbe Yesu akawajibu na kuwamba.'' Akini mwitaho mwe kulawaho mwambieni Yohana mwe kuonacho na kukiva, wesiokuona waona na viwete wenda, wenao ukoma wangazwa, wesio na magutwi wasikiiya, watakufa wafufulwa na kuwa wagima vituhu, wakiwa watambiswa mbuii ntana. ²³ Na mntu ambae nkana aeke kunikubai mimi kwa ajii ya mbuii zangu kabaikiwa.'' ²⁴ Inga wada wekutumwao ni Yohana kuuiya wekuawako. Zumbe Yesu akavoka kuwambia mkutano kuawa kwa Yohana mwita chongoi kukauwa lasi dikakunguitwa ni npeho? ²⁵ Akini mwita chongoi kukauwa mbwai, mntu mwekuvaa vitana? Kauwa wantu wada wavaa nguo za kifaume na kwekaa kwe loho na stalehe wauko kwe nafasi za wafaume. ²⁶ Lya mwaita chongoi kukauwa mbwai, Nabii? Haya, natamiwa kwenu zaidi sana sana kuliko nabii. ²⁷ Uyu ne mwekuandikiwa, ''Kauwa natuma ntume mbee ya meso yenu, mwondaagosoe si akwa ajii yangu, ²⁸ Naambae kwenu kwa ajii ya wada wekuvyaigwao ni mvywee, nkakuna mkuu enga Yohana. ²⁹ Na wantu wose wekusikiao ayo hamwe na watoza kodi, ne wabikiya Muungu ne mwe haki. Wa wao aho gatigati yao wada awekubatizwao kwa ubatizo wa Yohana. ³⁰ Akini mafalisayo na watalaamu wa sheiya za kiyahudi, ambao nkaokubatizwa ni yeye waemeza viugo vya Muungu kwa ajii yao wenye. ³¹ Nao nadaha kuwaiganya na mbwai wantu wa kivyazi iki? Wavivihi hasa? ³² Wafanana na wana wasizigao mwe gwiyo, wekao na kwetangwa yumwe baada ya mtuhu wakamba, ''Titoa fiimbi kwaji yenu nkamokuvina tiombeza na muiya.' ³³ Yohana mbatizaji keza nkekuda mkate waa nkekunywa divai, ne mwamba, ''Ana npepo. ³⁴ Mwana mntu keza kada na kunywa ne mwasema, ''Kawa mbafu na mkozi, mbuya wa watoza kodi wenye zambi! ³⁵ Akini viugo vimanyikana kana haki kwa wanawe wose.'' ³⁶ Yumwe wa mafalisayo kamwombeza Zumbe Yesu aite akade hamwe na yeye. ³⁷ Kauwa kuwa na mvywee yumwe mwe mzii uo mwekuwa na zambi. Kamanya kuwa ne kekaa ha falisayo, akaeta chupa inukiayo manukato. ³⁸ Kagooka nyuma yakwe hhei na miundi yakwe kwa mesozi, akaiya. Naho kavoka kwetosa miundii yakwe kwa mesozi na kuhangusa kwa fii za mwemtwi wakwe akaibusu miundii yakwe na kuyahaka manukato. ³⁹ Na yuda falisayo mwekuwa kamwalika Zumbe Yesu ekuonaho ivyo ne agegeza mwenye akamba, ''Kana uyu mntu ne kawa nabii, nee kamanya uyu ni ndai na ni mvyee wa aina yani mumdonta, hangi ni mwenye zambi. ⁴⁰ Zumbe Yesu ne ajibu na kwamba. ''Simioni nina kintu cha kukwambia'' ''Akamba kitambaiza mhinya!'' ⁴¹ Zumbe Yesu akamba ''kuwa na wadeni waidi kwa mwekuwakopesha yumwe. Yumwe ne akadaiwa dinai mia shano na wakaidi adaiwa dinai hamsini. ⁴² Na wekuwako nkawana hea za kuiha kawasamehe wose. Ni yuhi monda akundwe zaidi? ⁴³ Simoni kamjibu na kumwambia, ''Enga mwe kusamehewa zaidi.'' Zumbe Yesu kamwamba, ''Kuhukumiwa kwa usahihi.'' ⁴⁴ Zumbe Yesu kamhitukia mvywee na kumwamba Simoni, ''Wamwona uyu mvywee nchengia mwe nyumba yakwe. Nkekunenka mazi kwa aji ya miundi yangu. Lya uyu kwa mesozi yakwe katosa miundi yangu na kuihangusa kwa fii zakwe. ⁴⁵ Nkekuni busu, akini yeye tangu ekwengiaho umu nkekueka kubusu miundi yangu. ⁴⁶ Nkekuihaka miundi yangu mavuta, iya kehaku miundi yangu manukato. ⁴⁷ Kwa mbui inu nkwamba ne ana zambi nyingi naho kafiwambazi zaidi, naho kakundwa zaidi. Akini mwekufiwa mbazi kidogo akunda kidodo tu.'' ⁴⁸ Baadaye akamwamba we mvywee, ''Zambi zako zisamehewa'' ⁴⁹ Wada wekwekao mwe meza hamwe naye wakavoka kwambiana wenye kwa wenye, ''Uyu ni ndai msamehe zambi?'' ⁵⁰ Na Zumbe Yesu akamwambia we mvywee, ''Imani yako ikuokoa. Hita kwa amani''