¹ Sasa iamiia kwe Sabato kwa Zumbe Yesu ne akemboka kwe monda wa nafaka na wanafunzi wakwe ne wakabonda masoke, wakayafiigisa mwe mikono yao wakayada. ² Iya wekumwe mwe wada Mafalisayo wakamba, ''Ivi kwa mbwai mwagosoa kintu ambacho hicho chedi kisheia kukigosoa siku ya Sabato''? ³ Zumbe Yesu akazumia akaamba, ''Nkamokodiiki kosoma kia Daudi ekugosoacho ekuwaho na saa, yeye na wagosi ekwao nao? ⁴ Kaita kwe nyumba ya Muungu akadoa mikate mitakatifu mitatu akaida, na yekumwe akaiavya kwa wantu ekwao nao kuida, hata ati ne ni halali kwa makuhani kuida.'' ⁵ Naho akawamba, ''Mwana wa Adamu ni Zumbe Yesu ya Sabato.'' ⁶ Ikaawiia kwe Sabato ntuhu akengia mwe sinagogi na kuwahinya wantu uko, ne hana mntu mwe kuhooa mkono wakwe wa kudiia. ⁷ Wagondi na Mafalisayone wakamkaua vyedi ati endane houye mntu siku ya Sabato, ili wadahe kupata sibabu ya kumshitaki kwa kugosoa nkivyo. ⁸ Lya kamanya wekuwacho wakafanyanya, akamgombeka mntu mwe kuhooa mkono, ''Enuka, gooka hanuhe wantu.''Yuda mntu akenuka akagooka hada. ⁹ Zumbe Yesu akagombeka kwao, ''Nawauza nywinywi, ni vyedi siku ya Sabato kugosoa yedi au ubanasi, kuohoa maisha au kuyabananga?'' Naho akawakaua wose na kumwamba yuda mtu, ¹⁰ ''Enua mkono wako.'' Ekogosoaho ivyo mkono wakwe ukohonywa. ¹¹ Lya wakatozwa ni maya, wakatamwiizana wenye kwa wenye kwa wamtendeni Zumbe Yesu. ¹² Lawiia siku izo kaita kwe muima kwenda kuomba kio chose kumuomba Muungu. ¹³ Keo dakwe, akawetanga wahinywa wakwe akawasagua kumi na waida mwe awo, akawetanga ''mitume.'' ¹⁴ Mazina ya wada mitume ne ne Simoni (ambae pia amwetanga Petto) na Andrea nduguye, Yakobo Yohana, Filipo, Batoomayo, ¹⁵ Matayo, Tomasi na Yakobo mwanangwa ya Alifayo, Simoni mwetangwa Zelote, ¹⁶ Yuda mwana Yakobo na Yuda Isikaliote mwekumsaiti. ¹⁷ Naho Zumbe Yesu akaseea hamwe nao kuawa kwe muima na kugooka hantu tambalale wahinywa wagenyeao ne waoko hamwe na zumo da wantu wekoawao Uyahudi, Yelusalem na mpywaui ya Tilo na Sidoni. ¹⁸ Weza kumtegeeza na kuhonywa ntamu zao. Wantu wekuao wakapishwa ui mpyepo wachanaa nao wakaoholwa pia. ¹⁹ Kia muoneka kwe ido zumo kageeza kumdouta kwa via nguvu za uhoaji ne zikaawiia mwakwe na akawaohoa wose. ²⁰ Naho akawakaua wanafunzi wakwe na kuwaamba, ''mbalikia nywinywi masikini kwa kua ufaume wa Muungu ni wenu. ²¹ Mbalikiwa nywinywi wenao saa isasa kwa via mwendamwegoswe. Mbalikiwa nywinywi muiao isasa kwa via mndamseke. ²² Mbalikiwa nywinywi wantu wendao wakimwe ni nywinywi na kuminega na kumishutumu nywinywi kwa muwavu kwa ajii ya Mwana Adamu. ²³ Esekeeni kwe siku iyo na kusooka kwa nyemi, kwa via mndamwe na sawabu nkuu mbinguni kwa kua tatizo wawagosoea ivyo ivyo manabii. ²⁴ Lya mmbui zenu mataaji kwa kua mlozwa kae. Mmbuizenu mwekwegutao isasa! Kwa kua mndamuone saa aho. ²⁵ Mmbui zenu msekao isasa mwenda omboleza na kuia aho. ²⁶ Mmbui zenu mwendao mtogolwe ni wantu wose kwa via tatizo wawagosoa manabiiufyosi ivyoivyo. ²⁷ Lya natamwiia kwenu nywinywi mnitegeezao wakundeni wankuu wenu na kugosoa natana kwa wakimwao na nywinywi. ²⁸ Wabalikini wada wamikauio nywinywi na muwaombee wada wamioneao. ²⁹ Kwakwe ye akutoae funda dimwe mhituie na da kaidi. Ati mntu akakuloka joho dako mwenke na nkazu. ³⁰ Mwenke kia akoombezaye. Ati mntu akakuhoka mai yako, wesekumwamba akuvuzie. ³¹ Enga mkundavyo wantu wamigosoee nanywi wagosoeeni ivyoivyo. ³² Ati mkawakunda wantu wamikundwao nywinywi du mwapata sawabu yani? Kwa kua hata wena zambi wawakunda wada wawakundao. ³³ Ati mkawagosoea vyedi wada wamigosoeao nywinywi yedi iyo ni sawabu yani kwenu? Kwa kua wena zambi wagosoa ivyo ivyo. ³⁴ Ati mkakopesha vintu kwa wantu mkamanya wenda wamivuzie iyo ni sawabu yani kwenu? Hata wena zambi wamikopesha wena zambi kwa kumanya wendawahokee kiasi icho icho vituhu. ³⁵ Lya wakundeni wankuu wenu na wagosoeeni vyedi. Wakopesheni mwesekua na utente kwa ajii ya kuvuziwa, na sawabu yenu yendaiwe nkuu. Mnda muwe enga wana wa Zumbe, kwa via mwenye ni yedi kwa wantu wesao ntogozi na wabanasi. ³⁶ Muwe na mbazi, enga Tati enu eivyo na mbazi. ³⁷ Mwesekuachwa, nanywi nkamnamnahwe, mwesekuigita nanywi nkamnamvigitwe, wasameheni wantu, nanywi mwendamsamehewe. ³⁸ Wenkeni watuhu nanywi mndamwenkigwe kiasi cha ukaimu wakumemao na kwetika mwe mavindi yenu, kwa kua kihimo chochose mwendacho mtumie kuhima kihimo icho ne chendacho kitumike kumhimia nywinywi.'' ³⁹ Ne akawamba kwa mfano.'' Je mntu mwesekuona adaha kumwongoza mntu mwesekuona? Ati ne kagosoa ivyo wose nkawanawagwiie mwe shimo? ⁴⁰ Mhina nkawa mkuu kuiko mwaimu yakwe, iya kia mwoneka akabinda kuhinywa vitana ena awe enga mwaimu yakwe. ⁴¹ Na kwa mbwai wakaua basi de mwe ziso da nduguyo na noliti de mwe ziso dako nkodikaua? ⁴² Wenda umwambe vii vihi nduguyo, ''Ndugu naonda niavye basi de mwe ziso dako,' Nawe nkukaua ziti de mwe ziso dako mwenyewe? We umnafiki voka kuavya ziti mwe ziso dako mwenye ne wendaho ukaua vyedi kuavya basi mwe ziso da nduguyo. ⁴³ Kwa kua nkakuna mti mtana uvyaao matunda yeseyokuwa yedi, wala nkakona mti wesaokuwa wedi uvyaao matunda yedi. ⁴⁴ Kwa kua kia mti wamanyigwa kwa matunda yakwe kwa kua nkawaaha tini kuawa mwe miwa wala nkawaaha zabibu kuawa mwe michongoma. ⁴⁵ Mntu yedi mwe hazina ntana ya moyo wakwe aavya yedi, na mntu mbanasi mwe hazina mbovu ya moyo wakwe kwaawaubanasi kwa kua kanwa chakwe chatamwiia yaumemeezayo moyo wakwe. ⁴⁶ Kwa mbwai mwanetanga Zumbe, Zumbe,' na ukunkamgosoa yoda nitamwiiayo? ⁴⁷ Kia mntu mweza kwangu na kutegeeza mbui zangu na kuyagosoea ndima ne ndani waonyeseeivyo. ⁴⁸ Aigana na mntu mzenga nyumba yakwe na kufuka asi sana, kuzenga wa nyumba uanga ya mwamba imala. Mafuliko yekwezaho mapolomoko ya mazi yakatoa mwe nyumba, iya nkekudaha kuikucha kwa kua ne izengwa vitana. ⁴⁹ Lya yoyose mwenda anive mbui yangu na akaiemea; mita ni mntu mwe kuzenga nyumba aunga ya alizi hesehokua na msingi, mazi yekuseeaho kwa nguvu nyumba nee yagwa.