¹ Naho nee yaawia ukati wantu wekwekongaho na kumzunguuka Zumbe Yesu na kagooka nkanda nkanda ya ziwa Genesareti. ² Nee aona mashua mbii zigooka nkandani he ziwa wavuvi nee waana wawa wakasunta nyavu zao. ³ Zumbe Yesu akengia mwe mashua mwenga mwe zia zekuazo hada naho nee ni ya Simoni akamwambeza ayegae kwe mazi hae kidogo na hada he si nkavu Abinda nee ekaa awahinya kaua muda mwe ido mashua. ⁴ Katamwia akamwamba Simoni, yegae mashua yako mpaka hada he kiindi cha mazi, useeze nyavu- zako udake kuvuasamaka. ⁵ simoni akatambaika akamba, ''zumbe tigosoa ndima kigima,nkatokugwia cho chse iya kwa mbui yako nnda niziseezenyavu ⁶ wekutendaho ivyo nee wazoa samaki wangi mno naho nyavu zao nee zavoka kudumuka. ⁷ wakawetanga wezwaao wekuawo mwe mashua ntuhu weze wawaambize. Nee weza wakamemeeza mashua zose ikatenda zikavoka kudidimia. ⁸ IyaAkini Simoni Petuo ekwendaho kuona via akagwa he mavindi ya Zumbe akagombeka, ''Hauke hangu kw aajii mie ni muntu mwenye zambi Zumbe. ⁹ Kwa ajii kaengemazwa ni wada wose ekwawo hamwe nao kwa uda uvuvi wa samaki wekuogosoa. ¹⁰ Idi diwahanganya yakobo na yohana wanangwa wa Zebedayo ,wekushukio na Simoni. Na Zumbe Yesu akamwamba Simoni, ''Wesekuogoha kwa ajii kivoko cha ivieo na kwendako wonda uvue wantu.'' ¹¹ Wekubindaho kuzieta mashua zao kwe si nkavu wakabada kia kintu nakumtogoa yeye. ¹² Ikaawia kuwa ekucho gatigati ya mzi umwe na mwe muntu mwekuae kamema ukoma nee yauko. Ekwendaho kumuona Zumbe Yesu, akagwa akenamiza cheni chakwe mpaka si akaombeza akamba, ''Zumbe, ati wakunda wadaha kunisunta.'' ¹³ Ekubindaho Zumbe Yesu nee amwenuia mkono wakwe akandanta akagombeka, ''Nafaigwa. Ungazwe na saa ida ida ukoma ukamueka. ¹⁴ ''Kakuagua esekugombeka kwa muntu yoyose akini kamwamba, ''Hita ukeonyese kwa makuhani na uavye sadaka ya kugosolwa kwako hamwe na kia ekuagwacho Musa kwa ajii ya ushuhuda kwao.'' ¹⁵ Mia mbui zekumtaazo yeye zikamanyika hae na hae na kunga kuu da wantu wakeza hamwe kumtegeeza akahinya na kuhonga matamu yao. ¹⁶ Mia kia maa nee akenega nkandani na kuomteza. ¹⁷ Ikaawiia siku mwenga mwe iyo misi nee akawahinya nee hawa na Mfalisayo na waimu wa shaia wekaa aho woo nee weza wakaawiia kwe mizi mingi mbai mbai mwe si ya Galilaya na Yudea, naho pia kaawia kwe mzi wa Yelusalemu. Nguvu ya Zumbe nee ihamwe nae kuhanya. ¹⁸ Wantu wangi waza wamwenua mwe mkeka muntu mwekuhooa, wondesa zia ya kumwengiza gati ili kumgoneza si mbele ya Zumbe Yesu. ¹⁹ Nkawekupata sia ya kumwengiza nyumbai kwa ajii ya zumwe zumwe, nee wakwea uanga ya chusi na kumseeza si yuda muntu kombokea kwe vigae mwe mkeka wakwe gatigati ya mntu mbele ya Zumbe Yesu. ²⁰ Akakaua imani yao Zumbe Yesu akagombeka, ''Mbuyangu, zambi zako zisamehewa.'' ²¹ Wagonda wa Mafalisayo nee wavoka kumamaankanya wakamba, ''Uyu nindai mtamwia kufuu? Ndai mdaha kusamehe zambi iya ni Muungu mwenye ikedu?'' ²² Mia Zumbe Yesu, akamanya ni mbwai wekuacho wakakiafya, akawatambaisa akawamba, ''Kwa mbwai mwauzana idi mwe myoyo yenu? Ni ²³ kihi kihufu kukitamwia, zambi zako zisamehewa hambu gooka wende?' ²⁴ Akini mmanye ati mwana ywa Adamu ana mamlaka duniani ya kusamehe zambi nakuhinya wewe, 'Enuka, daa mkeka wako na uhite nyumbai kwako.''' ²⁵ Aho aho akenda he meso yao akenua mkeka wakwe ekwao kagonea, abinda akagotoka kaya akamtunya Muungu. ²⁶ Kia moneka akaengee wakamtunya Muungu wakamema wengee wakamba tiona vihii ivieo. ²⁷ Mbui izi zekubindaho kuawiia Zumbe Yesu nee alawa uko abinda amuona mtoza ushuu mwekwetangwa Lawi kekaa ntendeo ya kukusanyia kodi, akamwamba, ''Nitongea.'' ²⁸ Savyo Lawi akenuka nee amtongea akabada kia kintu nyuma. ²⁹ Akabinda Lawi nee agoneka wantu kwe kaamu nkuu kwa ajii ya Zumbe Yesu. Nee kuna watoza ushuu wangi kuda na wantu wangi wekwekeea he meza wakada hamwe nao. ³⁰ Akini Mafalisayo na wagonda wao nee wakawakungumiza wahinywa wakamba, ''Kwa mbwai mwada na kunywa na watoza ushuu na wantu kumwe wenao zambi?'' ³¹ Zumbe Yesu akawatambaiza, ''Wantu wenao afya ntana nkawakunda mganga ni wadadu wahumao nee ndiwo waonde yumwe. ³² Nchekweza kuwetanga wantu wenao haki wapate kusosoa mia kuwetanga wenao zambi wapate kusosoa.'' ³³ Wakamwamba, ''Wahinywa wa Yohana maa kwa maa wafunga na kuombeza na wahinywa Mafalisayo nao watenda ivyoivyo iya wahinywa wako wada na kunywa.'' ³⁴ Zumbe Yesu nee awamba, ''Yadahikana muntu yoyose akawatenda wekwezao kwe wia wa mwai kufunga ukati mwai yu hamwe nao? ³⁵ Akini siku zeza ndiho mwai endaho ausugwe mwao nee mwe misi iyo ndiho wafunge.'' ³⁶ Ekubindaho Zumbe Yesu akawatamwiza kwa mfano, ''Nkakuna mtatua kipande cha nguo kuawa mwe nguo npyahamu na kukigea mwe vazi da kae na akagosoa ivyo onda aitatue ida nguo npyahamu na kipande cha nguo kuawa mwe vazi hya nee nkadidaha kutumika na nguo ya vazi da kae. ³⁷ Naho nkakuna muntu muika divai pya mwe vibiika vya kae na kama akagosoa ivyo, divai mpya yenda itue kia kia na divai nee yetika na vibiika nee vibanika. ³⁸ Mia divai npyahamu shuti iikwa mwee via vipyahamu. ³⁹ Nkakuna muntu akabinda kunywa divai ya kae monda akunde npya hambigwa ya kae ni ntana sana.'''