¹ Yesu akengia na kwembokja gatigati ya Yeliko. ² Na aho nee muntu yumwe mwetangwa Zakayo. ambae nee mkuu ywa watoa ushuu naho muntu tajii. ³ Nee akageeza kumona Yesu ni muntu ywa namna yani akini nkee kudaha kuona kwaajii ya utifii wa wantu kwa kuwa nee ni mjihii ywa kimo. ⁴ Ivyo akatamwiia mbele za wantu akakwea uanga ya mkuyu ili adahe kumuona kwaaajii Yesu nee yu heni kwemboka sia iyo. ⁵ Ukati Yesu ekubuaho hantu hada kakaua uanga akamwamba, ''Zakayo, seea kinyanyi maana ivyeo lazima nsinde nyumbai mwako.' ⁶ Akagosoa kinyionyio akasea na kumkiabisha kwa nyemi. ⁷ Wantu wekuonaho ayo wakasininika wakamba kenda kwengia kwe muntu mwenye zambi.' ⁸ Zakayo akagooka akamwamba, Bwana Bwana kauwa nusu ya mai yangu nawenka masikini na kana nkimhoka muntu yoyose kintu nenda nimvuzie maa nne. ' ⁹ Yesu akamwamba, ivyeeo wokovu ubua mwe nyumba inu kwakuwa yeye pia ni Mwana ywa Ibwaahimu. ¹⁰ Kwakuwa Mwana ywa muntu keza kuondeza na kuokoa wantu wekwagao. ' ¹¹ Wekusikiaho ayo wakaso ngwa ni kutamwiia na akaavya mfano kwaajii ne yuhehi na Yelusalemu na woo wafikiii ya kuwa uzumbe wa Muungu nee kuonekana maa mwenga. ¹² 'Ivyo akawamba ofisa nyumwe nee kaita sii ya hae ili ahokee uzumbe na ikabinda auye. ¹³ Kawetanga watuhu wakwe kumi, akawanka mafungu kumi akawamba, gosoani biashaa kiamuo ndiho niuye.' ¹⁴ Akini wantu wa si yakwe wakakimwa nae na ivyo wakatuma wagosi waite wamtongee na kwamba, ''Nkatikunda muntu uyu atibawale.' ¹⁵ Ikawa ekuuyaho nyumbai badii ya kutenda ufaume akaamuu wada wandima wekua kawabadia pesa watangwe kwakwe apate kumanya faida wekupatayo kwa kugosoa biashaa. ¹⁶ Ywa bosi akeza akamba, Bwana fungu dako digosoa mafungu kumi zaidi.' ¹⁷ Uyu ofisa akamwamba, ''Nivyedi mtumishi mtana nee mwaminifu mwe mbui ndodo wenda uwe na mamlaka juu ya mizi kumi. ' ¹⁸ Ywa kaidi akeza akamba, 'Bwana, fungu dako digosoa mafungu mashano. ' ¹⁹ Uyo Afisa akamwamba, 'Doa mamlaka uanga ya mizi mishano. ' ²⁰ Namtuhu akeza akamba, bwana inu pesa yako nee nkiika vitana mwe kitambaa, ²¹ kwakua naogoha kwaajii wewe umtu mkaiwausu kia wekwesacho kuika, na wabonda wesachokuhanda. ' ²² Uyo ofisa akamwamba kwei kaawa chako mwenye hita nikuahe wee mtumishi mbaya kumanya kuwa mimi ni mintu mkai nadoa nesachokuika na kubonda ambacho nchee kukikundu. ²³ Basi mbona nkweekwika hea yangu mwebenki ili nikauya niidoe hamwe na faida? ²⁴ Ofisa akawamba wantu wekuwao hehi, mhokeni ido fungu na mmwenke yuda mwenye mafungu kumi.' ²⁵ Wakamba, 'Bwana, yeye ana mafungu kumi. ' ²⁶ ''Namyamba, ka mntu mwenacho enda enkigwe kwembosa, akini mwesena hata kia enacho chenda kidoigwe. ²⁷ Akini awa wakuu wangu ambao nkawakunda niwe Zumbe ywao, waeteni aha na muwakome mbele yangu. '' ²⁸ Badii ya kwemboka ayo wakasogwa ni kuita mbele wakakwea kuita Yelusalemu. ²⁹ Ikawa ekubuaho hehi na Besefage na Besana hehi na muima wa Mizeituni, akatuma waidi mwe wahinywa wakwe, ³⁰ ''Akamba: 'Hitani mwe mizi we hehi. Mkengie mwenda mbwiie mwananpunda nkazati kukwema mchopoeni mmwete kwangu. ³¹ Kana muntu akamiuza mbona mwamchopo mmwambe bwana amkunda. '' ³² Wada wekuagiiwao wakaita wakamwona mwana npunda kana wekuavyo waagiiwe. ³³ Wekuaho wakamchopoa mwana npunda wenye npunda ywao wakamwamba, ''Kwani mwamchopoa mwana npunda uyu?' ³⁴ Wakamba, 'Bwana amkunda. ' ³⁵ Basi, wakamwengia Yesu, wakaatandika nguo zao uwanga ya mwana, npunda, wakamkweza Yesu uwanga yakwe. ³⁶ Ekuwaho akaita wantu wakatandaaza nguo zao baabaani. ³⁷ Ekuako akaseeya mwiima wa Mizeituni jumuia yose ya wahinywa wakasoka kuhachiiza na kumgimbika Muungu kwa sauti nkuu kwaajii ya mbui nkuu wekuonazo, ³⁸ wakamba, 'Nee mwekubalikiwa mfaume mweza kwa zina da Bwana npeho, na mbinguni utukufu uwanga!' ³⁹ Mafalisayo wekumwe mwe bunga wakamwamba, Mwaimu wambia wahinywa wako wa manyamae. ' ⁴⁰ Yesu akatambaisa akamba, 'Kana awawaka nyamaa maiwe yenda yaavye sauti. ' ⁴¹ Yesu ekubuaho hehi akauona mzi akauiia, ⁴² akamba, ati nee ukamanya hata wewe mwe siku inu mbui ambayo yakuetea npeho! Akini sasa yafiswa he meso yako. ⁴³ Kwakua siku zeza ambazo wankuu wako wenda wazenge gwegwe hehi na wawe na kukuzunguka na kukukandamiza kula wa kia upande. ⁴⁴ Wenda wakugwise si wewe na wanao nkawana wakubadie hata iwe dimwe uwanga ya tuhu kwaajii nkawekumanya ukati Muungu ekuacho akageeza kukuohoa.' ⁴⁵ Yesu nee engia mwe Hekalu akavoka kuwaguusa wakuao wakataga biashaa, ⁴⁶ akawamba, ''Igondwa, Nyumba ya sola, akini nywinywi mwaitenda kuwa npagae ya wanyanganyi.'' ⁴⁷ Kwa hiyo, Yesu nee akahinya kia siku mwe hekalu, makuhani na wagondi wa shaia na vingozi wa wantu nee wakaombeza kumkoma, ⁴⁸ Akini nkawakudaha kupata sia ya kugosoa ivyo kwaajii wantu wose nee wakamtegeeza saawa.