¹ Ikawa siku mwenga, Yesu ekuwaho akawahinya wantu mwe Hekalu na kubiikia injii makuhani wakuu na waimu wa sheia wakambasa hamwe na wadaa. ² Wakatamwia, wakamwamba, ''Tambie, ni kwa mamlaka yani wagosea mbui izi? Au ni ndai uyo ambae kakwenka mamlaka aya?'' ³ Nae akawaandua, akawamba, ''Nami naho nenda nimiuze swali nambiani. ⁴ Ubatiizo wa Yohana. Je, ulawa mbinguni hambu kwa wantu? ' ⁵ Akini wakajadiiiana wewe kwa wewe, wakagombeka, titamba ulawa mbinguni, endatiuze, 'Basi, mbona nkamwekumwamini?' ⁶ Na tikamba,; ulawa kwa wanadamu, wantu wose hanu wenda watitoe maiwe, mana wose waamini kae Yohana kawa nabii. ' ⁷ Basi, wakamjibu ya kwamba nkawaumanya wawako. ⁸ Yesu akawamba, '''Wala mie nkimyamba nywinywi ni kwa mamlaka yani nagosoa mbui izi.'' ⁹ Akawamba wantu mfano unu, ''Mntu yumwe kahanda mnda wa mizabibu, akaukodisha kwa waimi wa mizabibu na akaita sii ntuhu kwa mda mlefu. ¹⁰ Kwa ukati wekupangwao, akaagia mndima kwa waimi wa mizabibu wakamtoa, wakamvuza mikono yabue. ¹¹ Ikabinda akamwangiia vituhu mndima mtuhu nae wakamtoa na kumgosoea vibaya, na wakamvuza mikoma yabue. ¹² Akamwangiia vituhu wa ntatu nae wakamvuamiza na kumwasachongoi. ¹³ Naho zumbe wa mnda akamba nigooseeni? Nenda nimtume mwanangu nikundae. Minga wenda mheshimu. ' ¹⁴ Akini waimi wa mizabibu wekumuonaho, wakajadiiana wewe kwa wewe wakagombeka., ''Uyu nee mpazi, timkomeno ili upazi wakwe utende wetu. ' ¹⁵ Wakamlavya chongoi ya mnda wa mizabibu na kumkoma. Je bwana wa mnda onda awatende mbwai? ¹⁶ Endaeze awadagamiza waimi wa mizabibu, na enda awenke mnda uwo watuhu.'' 'Nao wekusikiao ivyo, wakagombeka, ''Muungu kaemea' ¹⁷ Akini Yesu akawakauwa, akagombeka, ''Je andiko idi dina maana yani? ' Iwe wekudiemeado wazengaji, ditenda iwe da nkandani'? ¹⁸ Kia mntu mgwa he iwe ido endaadumke ntii ntii akini yuda ndie dingwiie, denda dimhonde. ' ¹⁹ Nee wogondi na wakuu wa makuhani wakaondeza sia ya kumgwia ukati uwe uwe, wamanya ati kawa akagombeka mfano unu kwaajii yao. Akini wakagoha wantu. ²⁰ Wakamsunguumanya kwa makini, wakaagia wapelelezi wekwetendao wantu wedi, ili wapate kosa kwa hutuba yakwe, ili wamwegae kwa watawala na wenye mamlaka. ²¹ Nao wakamuuza, wakamba, ''Mwaimu, tamanya ati wagombeka na kuhinya mbui za kwei naho nkushawishiwa na mntu yoyose, akini wee wahinya kwei kuhusu sia ya Muungu. ²² Je, ni halai kwetu kuiha kodi kwa kaisali hambu nkio?'' ²³ Akini Yesu akamanya mtego wao, akawamba, ²⁴ ''Nionyesheni dinali. Sula na chapa niya yeaho uanga?'' Wakagombeaka, ' ''Ya Kaisali.'' ²⁵ Nae akawambia, 'Basi, mwenkeni kaisali yada yakwe kaisali na Muunguy yakwake Muungu.' ²⁶ Wagonda na wakuu na makuhani nkawekuwa na uweza wa kuohoa kia ekugombekacho mbele ya wantu. Wakastajabu majibu yakwe nkawekuandua chochose. ²⁷ Weklumwe wa Masadukayo wakambasa, wada ambao wamba minga nkakuna ufufuo, ²⁸ wakamuuza, wakamba, ''Mwaimu, Msa katigondea kuwa kama mntu akafiwa ni nduguye mwenye mvyeo ambae nkana mwana basi akundwa amdoe mvyee ya nduguye na kuvyaa nae kwaajii ya kakie. ²⁹ Kuwa na ndugu saba wa bosi akategua, akafa bila ya kubada mwana, ³⁰ na ya kaidi savyo. ³¹ Wa ntatu akamdoa viavia, ivyo ivyo ywa saba nkekubada wana nae akafa. ³² Baadaye yuda mvyee nae savyo akafa. ³³ Mwe ufufuo endaawe mvyee wa ndai? Mana wose saba wawa wamtegua. ' ³⁴ Yesu akawamba, ''Wana wa ulimwengu unu wateguo na kutegulwa. ³⁵ Akini wada wastahilio kuhokea ufufuo wa wafu na kwengia ugima wa milele nkawategua wala nkawategulwa. ³⁶ Wala nkawadaha kufa vituhu, kwa sibabu wa sawasawa na mamlaka na ni wana wa Muungu, wana wa ufufuo. ³⁷ Akini iyo wafu wafufulwa, hata Msa kaonyesa hantu mwe habai ya hada akamwetanga Zumbe kama Muungu wa Iblahimu na Muungu wa Isaka na Muungu wa Yakobo. ³⁸ Sasa, yeye nkie Muungu wa wafu bali ya wagima kwa sibabu wekaa kwakwe.'' ³⁹ Waimu kumwe wa sheia wakatambaisa, 'Mwaimu, kutambaisa vyedi. ' ⁴⁰ Nkawekusubutu kumuuza maswai matuhu zaidi. ⁴¹ Yesu akawamba, ''Kivivihi wantu wagombeka ati Kristu ni mwana ywa Daudi? ⁴² Mana Daudi mwenye agombeka mwe zabui: Zumbe kamwambia Zumbe yangu: Ekaa mkono wa kuume, ⁴³ mpaka niwaike adui zako sii ya miundi yako. ' ⁴⁴ Daudi amwetanga Kristo Zumbe, 'Bsi awe vihi mmwana wa Daudi?'' ⁴⁵ Wantu wose wekuwaho wakamtengeeza akawambia wahinywa wakwe, ⁴⁶ ''Jihazaini na wagondi, wakundao kwenda wavaa mavazi yalehayo, na wakundao saam maalum gwiio na viti vya heshima mwe masinagogi na maeneo ya heshima he kaamuni. ⁴⁷ Wao savyo wadiia nyumba za wajane, na wegosoa kusali sala zilehazo awa wendawahokee hukumu nkuu zaidi. '