¹ Nee awambia mfano wa namna ikundavyo kuamba daima na wasekukata tamaa. ² Akamba nee kuwa na hakimu mwe mzi msiku ambae nee nkamuogoha Muungu wala nkahishimu wantu. ³ Nee kuna mvyeengwa mwe kufiiwa ni mgosi mwe mzi uo nae nee kambasa maa nyingi akamba, ''Nambiza kupata haki kulawa kwa mnkuu ywangu.' ⁴ Kwa mda mungi nkeekuwa tiyali kumwambiza akini baadaye akagombeka mwe moyo wakwe, 'Hatiho mimi nkimuogoha Muungu au huhishimu muntu, ⁵ akini kwa via uyu mvywee anipisha nimwambiza kupata haki yakwe ili asekunisokeza kwa kunibasabasa maa kwa maa.'' ⁶ Vituhu Bwana akamba, 'Tegeeza akagombeka vyo uyo hakimu mbaya. ⁷ Je Muungu nkana aete haki kwa wantu wakwe ambao wamwiia musi nakio? Je yeye nkana awe na kuzizimiza kwa? ⁸ Namyamba kuwa enda aete haki kwao kinyanyi akini ukati mMwana wa Adamu akeza kweza enda abwiiye mbazi duniani?' ⁹ Nee awamba mfano unu kwa wantu ambao waona wowo kuwa watahaki na kuwaze leu wantu watuhu, ¹⁰ wantu waidi nee wakwea kuita kwe hekalu kuvika: Mfalisayo mtuhu mtoza ushuu. ¹¹ Falisayo akagooka akaombeza mbui izi juu yakwe mwenye, ''Muungu, nakutogoa kwa via mimi nkikana wantu watuhu ambao ni mabaaga wesao adabu kianga au kana mloza ushuu. ¹² Nafunga kaidi kwa wiki. Naavya zaka mwe mapato yose nipatayo.' ¹³ Akini yuda mtoza ushuu, akagooka hae bila kwenua meso yakwe mbinguni akatunta kifua chakwe akamba, ''Muungu nilehemu mimi mtazambi.' ¹⁴ Namyamba mntu uyu kauya nyumbai akawa kataaziwa haki kwemboka yuda mtuhu kwakuwa kia mwekukweza enda aseezwe akini mwe mwezizitizwa enda enulwe. ¹⁵ Wantu nee wamusetea wana wao wateke ili adahe kuwadonta akini wahina wakwe wekuonaho ayo wakawafingiza. ¹⁶ Akini Yesu akawetanga kwakwe akamba. ''Waenu wana wateke weze kwangu mwesekuwa fingiza maana uzumbe wa Muungu ni wantu kana ao. ¹⁷ Amin, namyamba muntu yoyose mwekuhokea uzumbe wa Muungu kana mwana ni wazi nkana angie.' ¹⁸ Mtawala yumwe akamuuza akamba, ''Mwaimu mtana nigosoe mbwai ili niupae uguma wa kae na kae?' ¹⁹ Yesu akamwamba kwambwai wanetanga mlana? ²⁰ Nkakuna muntuambae ni mtana iya Muungu ikedu. Wazimanya amli- usekugosoa kianga, usekukoma usekubawa, usekuziga wantu umbea, wahishimu tatiako na mamiako.' ²¹ YUda atawala akamba, 'Mbui izi zose nkizitoza tangia nekuwaho nibwanga. ²² Yesu ekusikiaho ayo akamwamba, ''Kuhungulwa ni mbui mwenga lazima utoge vyose wengivyo na uwapangue masikini nawe wenda uwe na hazina mbinguni ukabinda soo unitogee.' ²³ Akini taajii ekusikiaho ayo akasininika sana kwa kuwa nee ana mai nyingi sana. ²⁴ Yesu akamwona ekusininikavyo sana akamwamba, 'Nikwa viivihi ndivyo iwe vigumu kwa tajii kwengia mwe Uzumbe wa Muungu! ²⁵ Maana ni vihufu sana kwa ngamia kwemboka mwe anga da sinagano kuliko tajii kwengia mwe uzumbe wa Muungu.' ²⁶ Wada wekusikiao ayo wakamba, 'Nndai basi mwenda adahe kuokolwa?' ²⁷ Yesu akatambaisa, 'Mbui zesazakudahikana kwa mwanadamu kwa Muungu zadahikana.'' ²⁸ Petuo akamba, 'Naam swiswi tibada kia kintu na kukutongea wewe.' ²⁹ Yesu akamba, Amin, namyamba nkakuna mwekubada nyumba au mkaziwe au ndugu au wavyazi au wana kwa ajii ya Uzumbe wa Muungu, ³⁰ ambae nkana ahokee mangi kwembosa mwe ulimwengu unu na mwe ulimwengu wezao ugima wa kae na kae.' ³¹ Baada ya kuwakuba wada kumi na waidi akawamba, 'Kauwa takwea kuita Yelusalemu na mbui zose ambazo zigondwa ni manabii kuhusu Mwana wa Adamu zendazikamiishe. ³² Kwakuwa enda agewe mwe mikono ya wantu wa Mataifa na enda agosweewe zihaka na jeuwi na kuswiiwa mate. ³³ Wakabinda kumtowa vibonko wenda wamkome na siku ya ntatu enda afufuke.' ³⁴ Nkawekweewa ni mbui inu wala kanwa ikidifiswa kwao nkawekweewa mbui ekugombekayo. ³⁵ Ikawa Yesu ekuwaho hehi na Yeliko muntu yumwe tuntu nee kekaa nkandai ya baabaa ambeza kufiiwa mbazi, ³⁶ ekusikiaho bumba da wantu dikemboka akauza kuawiia mbwai. ³⁷ Wakamwamba Yesu ywa Nazaleti embako. ³⁸ Kwa iyo yuda tuntu ekaia kwa sauti, akamba, 'Yesu Mwana wa Daudi, unilehemu.' ³⁹ Wada wekuwao wakenda wakamwegezea yuda tuntu wamwamba anyamae. Akini yeye akasongwa ni kuia kwa sauti,' Mwana ywa Daudi unilehemu. ⁴⁰ Yesu akagooka akaamulu muntu yuda aetwe kwakwe ikabinda yuda muntu ekuwaho hehi Yesu akamuuza, ⁴¹ ''Waonda nikugoswee mbwai?' Akamba, ;Bwana, nafaigwa ni kuona.' ⁴² Yesu akamwambia, ''Udahe kuona. Imani yako ikuhonya. ' ⁴³ Maa iyo akapata kuona akawatongea, Yesu akamgimbiko Muungu. Wekuonaho idi wantu wose wakamtogoa Muungu.