¹ Ni kwa ajii ya kwistu katerika uhulu ili tiwe hulu. kwa iyo gppkani vyedi wala mwesekutozigwa vituhu i kongwa da utumwa. ² Kaua, mimi paulo nawambia kua ati mgwiswa, kwistu nkanafaidike kintu kwa sia yoyose ida. ³ Naho namshuhudia hia mgosi mwe kugwiswa kua aondigwa awajibike kwa shaia yose. ⁴ Mviikusa hae na kwistu, wada wse mwekutaaziwao haki mgwiia hae na neema. ⁵ Mana kwa sia ya loho kwa imani tagoja ujasii ua haki. ⁶ Mwe kwistu yesu kugwiswa au kwesekugwiswa nkakuna maana yoyose. na imani du ne ndiyo igosoe ndim kwembokea ukundiso ne kumaanisha kiutu. ⁷ Ne mkaguuka vyedi ni ndai mwekuwazuiae mwesekutii kwei? ⁸ Usongeezi wa kugosoa mui nkavawia kwa wada ekuwetangao nywinywi. ⁹ Ngwadu ncheche yabananga douge gima. ¹⁰ Nna matumaini na nyie mwe zumbe kua nkamkunda kutenganya kwa sia ntuhu yoyose. yoyose yuda mwenda awaze ne mwenda enue kuahwa kwakwe mwenye yoyose yuda. ¹¹ Ndugu ati mwazidi kutangaza tohala kwa mbwai mkeekugaya kwa mbui ida kia kizuizi cha msaaba chadaha kubanangwa. ¹² Nee nikundavyo mimi kua wada wawaongozao vibaya unda weuse wenye. ¹³ Muungu kwetanga nywinywi, dugu kwe uhulu iyamwesekutendesa vibaya uhulu wenu kwa fulusa ya mwii. badii yakwe muwe na ukundso, mzingati nywinywi kwa nywinywi. ¹⁴ Kwa ajii shaia yose ibindiikia mwe amli mwenga nayo ni ''ni lazima umkundise jilani yako enga wewe mwenye. ¹⁵ Iya ati mkangwenyana na kudana ekaueni kua mwesekubanangana nywinywi kwa nywinywi. ¹⁶ Naamba, mwendo kwa loho na wala nkamnamzigosoe tamaa za mwii. ¹⁷ Kwa kua mwii una tamaa nkuu zidi ya loho na loho ina tamaa nkuu zidi ya mwii izi zikatoana kia mwenga ni ntuhu matokeo ni kua nkmgosoa vintu mtamaniavyo kuvigosoa. ¹⁸ Iya ati loho endaawaongoze nywinywi nkamko sii ya shaia. ¹⁹ Isasa matendo ya mwii yaonekana nayo ni ukianga, uchana ofisadi, ²⁰ Ibada ya sanamu, usawi kutoana husuda, kwenua maya kuvigana talaka, kubadana kwa mazehebu, ²¹ Kinyuu, ukozi, ulafi na mbui mtuhu enga izo. nawaonya nywinywi kua via nikuwaonavyo aho bosi, kwa wada wagosoao mbui enga izo nkawanawalisi ufaume wa muungu. ²² Iya tunda la loho ni ukundiso, viseko, npeho, kuzizimiza, loho ntana, untu wedi, imani, ²³ Uhovu na kiasi nkakona shaia zidi ya mubi enga izo. ²⁴ Wada wa kwistu yesu wausuubisha mwii kwa shauku ya tamaa zao ambazo nkio zedi. ²⁵ Ati tikekaa kwa loho tende kwa loho. ²⁶ Tese kuhikuka kupatiizana kia yumwe na mweziwe, wala tese kuoneana kinyuu.