¹ Ndugu ati mntu kagwiii mwe ubanasi, nywinywi mwe loho mwoondigwa mumvuze uyo ndugu kwa loho ya uhovuuku mkekauwa wenye mwesekugeezwa. ² Mdoeana mizigo, kwa iyo kamilisha shaia ya kwistu. ³ Ati mntu yoyose akeona ni yedi wala nkio kintu, etiia mwenye. ⁴ Kia mwoneka aihime ndima yakwe naho enda awe na kint chakwe mwenye cha kwefua, bila kweeganisa na mntu yoyose. ⁵ Mana kia mntu endaenve mzigo wakwe mwenye. ⁶ Mntu akahinywa mbui lazima amshiikishe matana yose mwaimu yakwe. ⁷ Mwesekutiiana muungu nkana ufyosi kia anandacho mntu e abondacho. ⁸ Kia mhanda mbeyu we asili yakwe ya zambi endaozoe ubanasi, akini kia ahandae mbeyu mwe loho endaaozoe ugima wa milele mwe loho. ⁹ TEsekusokea kugosoa matana, maana kwa ukati wakwe mnda tiozoe ati nkatina tife moyo. ¹⁰ Basi ukati ndiho tiwe na nafasi kia mntu agosoe matana tigose matana zaidi kwa wantu wenao imani. ¹¹ Kauani ukuu wa baua nekuwaandikiazo kwa mkono wangu. ¹² Wada wakundao kugosoa matana kwa kuupendeza mwii nee walazimishao kugwiswa wagosoa ivyo kwa ajii wesekwengia mwe mateso ya msaaba wa kwistu. ¹³ Hata ao wekugwiswao pia nkawaitoza shaia badii yakwe woonda nywinywi mgwiswe ili wamitavangie. ¹⁴ Yesekuawiia mkadenkenyeka isipokua kwa msaaba wa zumbe yetu yesu kwistu ni mwe yeye ulimwengu usulubiwa kwangu na mi mwe ulimwengu. ¹⁵ Kwa kua nkaijulisha kugwisa au kutokugwiswa uwa ui kintu. badiii yakwe uvyazi mhya ni muhimu. ¹⁶ Kwa wose wenye kwekaa kwa kanuni inu, wawe na amani na lehema iwe uanga yao wose na uanga ya izi;aeli ya muungu. ¹⁷ Tangu isasa mntu yoyose asekwepisha mana kenua chapa za yesu mwe mwii wangu. ¹⁸ Neema ya zumbe yetu yesu mwisto iwe na loh zenu nduu amina.