¹ Namba maadamu moaazi ni mwana nkana tafauti na mtumwa etiho aniki mai yose. ² Badii yakwe yu si ya wagookezi na wazamini kiamuo ni aho wakati wekuikwao ni tati yakwe. ³ Savyo na swi tekuaho wateke, titozeezwa mwe utumwa wa kanuni za bosi za ulimwengu. ⁴ Yakini ukati wedi wekubuaho, muungu nee anuagiia mwanawe mvyaigwa ni mvyee mvyaigwa sii ya sheia. ⁵ Ktenda ivi ili awahonye wada wekuawo sii ya sheia ili tihokee hali ya kuwa inga wana. ⁶ Kwa ajii nywie m wana, muungu kamuagiia loho wa mwanawe mwe mioyoyetu oho mwetanga abba, tate.'' ⁷ Kwa ajii inu wee nkiye mtuwa vituhu iya u mwana basi wee nawe pia umpzi kombekea muungu. ⁸ Hata aho mwekuaho nkamummanya muungu ne muwatumwa kwa wada ambao kwa asii nkio muungu kabisa. ⁹ Akini sasa kwa ajii mwammanya muungu, ama mwamanyigwa ni mungu kwa ajiiani mwauya vituhu kwe zia mbui mbaya za bosi na zesizo na samani? je? mwonda mtende watumwa vituhu? ¹⁰ Mwatoza kwa uangalifi siku maalumu mwenge ukaawa majua na myaka naogoha kwa ajii yenu. ¹¹ Naogoha ati kwa namana fulani nkigaya bue. ¹² Nimiombeza ndugu mtende inga neivyo kwa ajii nami pia nenga mweivyo kamokunibangia. ¹³ Mwamanya ati nee ni kwaajii ya utamu wa mwii kwamba nkiibika injili kwenu kwa bosi. ¹⁴ Etiho hali yangu a mwi imiika mwe mtego nkamokunibea au kuniemea ila mnihokea nga malaika ya muungu inga via kitenda kristu yesu mwenye. ¹⁵ Haya sasa kikuhi kinyemi chenu? kwa ajii naavya ushuhuda kwenu ai nee ikasahkana nee mngoofoa ayo meso yenu na mkanenka mimi. ¹⁶ Sasa tambe nkitenda mnkondo yenu kwa ajii namyambia kwei? ¹⁷ Wamiondeza kwa hamu iyo nkio kwa wedi woonda wamitenganishe nyiwnywi ne mii ili mwaotongee. ¹⁸ Ni vyedi kia maa kuwa na hanu kwa sibabu ntana na nkio kia nkawa hamwe na nyiwnywi. ¹⁹ Wanangu wateke nahumu usungu kwa ajii yenu naho mpaka kristu engie mwe mii yenu. ²⁰ Nee nkondeza tiwe hamwe na nywinywi hada sasa nanihitue sauti yangu, kwa ajii nina kigegezi na ywinywi. ²¹ Nambiani nywie mtamanio kuwa sii ya shaia, nkamuisikia shaia yambavyo? ²² Kwa ajii yandikwa ati bulahimu nee kawa na wanawe waidi wa kigosi yumwe kwe yuda mvyee mtumwa na mtuu kwe mvyee hulu. ²³ Savyo yuda ywa mtumwa kwa mwiidumiya yuda ywa mvyee hulu kavyaigwa kwa kiaga. ²⁴ Mbui izi zadaha kutamwiwa kwa kutumia mfano, kwa ajii wavyee awa wafanana ndagano mbii mwenga kuawa mwe muima sinai wavyoa wana watumwa uyu ni hajira. ²⁵ Sasa hajira ni muima sinai weuko arabuni waiganywa na yerusalemu ya sasa kwa ajii ni mtumwa hamwe na mwanawe. ²⁶ Iya yerusaleu ye uwanga ni hulu na iyo nee mami yetu. ²⁷ Kwa via iandikwa ''tamwa, wee mvyee mgumba toa nkoo na ukeme kwa kinyemi wee mwese kumanya uvyazi kwa ajii wangi ni wana wa yuda mgumba zaidi ya wada wa yuda mwenye mgosi.'' ²⁸ Sasa ndugu inga isaka, nywie mu wana wa kiaga. ²⁹ Kwa ukati ida wekuaho muntu mwekuvyaigwa kwa mjibu wa mwii nee akamsuubu yuda mwekuvyaigwa kwa mujibu wa loho ivi sasa viavia. ³⁰ Maandiko yambaze? muuse mvyee mtumwa hamwe na mwanawe yakigosi kwa ajii mwana ywa mvyee mtumwa nkana apae hamwe na mwana ywa mvyee hulu. ³¹ Savyo ndugu sie nkiswi wana wa nvyee mtumwa iya tiwana wa mvyee hulu.