¹ Kara kagi arimi raw gu pabu haa yaamu gu /abi sa giimba raw gu paandaa haa Yaamu gu pandaa yaay catiri haaa tlawoo yaa wanaaibaa karaai. ² Haa arimi yaamu gu wanaqamee,Yerusaleemu gu /abi,gwaa khaw hhapeege daqa rawgo daqa Iliitleemugo ,daa haandikimi ubee hadee da a'aw daa /aliidi sa hhawatagosi. ³ Haa akhasi afoo da didiri yedaa daqa kitii gu segugo kakaana,''Arimi!ibinaa da Iliitleemu sliima waanta haa hida ,inasee ibidii slimaa haa inay,maaa kida kosi,haa Iliitleemu inaloi maa sliima wanay haa maa Ilitleemu goo ina. ⁴ Maa buusli hherehheraaa goo daqa ilaa koinaa haa damaa wanaaba gwaa'araa karaai,aw gaidimoo.aw a/imuu ,aw slahha'amee,giimba gu waka'alee yaaycati. ⁵ Ina gwaa ibiidu rawaa gu kitii gu seguge yaa kaay,''Arimi! yoondimaamida giimba goo maguy /abeesi.''Yaakaay,''Haandikimi hii sa giimba giimba guti gulou haa guti lou.'' ⁶ Sinaa kuay,''giimbaki yaay cati!Ana guni tlaatleesoo ha guni hiifaakoo tlaatleesoo haa hiifaakoo,gumaa arimaa wakhaa suguhadisa idoo da kitahhuu hari kiviga gooba daqa hhahkiyoo gu ma'ay gu slafeemaa. ⁷ Ina gumaa kaba/a maa aali giimbake haa maa Iliitleemu gosi,inasee maa naakway. ⁸ Kara gini ilii wana daqa hkaka,ay gwaa tla,amuu mudiyeege gooba/iimba,goo qupidimisiye ,goo ce/iyeei,slipalauusee,miisliise,goo daareesiyee gieeri,haa gwaa afa'a fu midiyeei goonkoinaa,daqa dooina maa tlawa da aslaa da kibiriitii doo da/a.Teqeesay inimaa ilii waanta gwaa'araa da cada.'' ⁹ Lee gu malayikaa faaqu yaaa khay daqa dooii lee' gwaa kooma gulu/uumbaaee faaqu gwaa hacaa haciyee sagadadukhu faaqu gu hiifaakoo haa yaa kaay.''Khoca tiii.Sugu laqama hadee da a'aw hadee da naanku bee/imoo.'' ¹⁰ Da hhe'si naay oy segeenge daga muunage daqa Roho gu didiruge gu tleedu haa sinaa laqumi yaamu gu waaqamee,Yerusaleemu ,yaayi/eeti hhapeege yedaa rawgo daga ilii Iliitleemugo. ¹¹ Yerusaleemu yaa koonta waaqamee da Iliitleemu,haa hhoinay gosi yaa ubee kiyoo da kaari ubee tlaa/a da kiyoo da khoi da yaspi. ¹² Yaa konta bi/inaa gu didiru gu tleedu gwaa kooma afamaraaee mibi haa cada.Sliimaa haa malayikaa mibi haa cada afamaraaege,rawaa gu afamaaraaege daa haandikimi umari gu kabiraruu mibi haxcada gu ya'ay gu Israeli. ¹³ Bara da raawaage yaa wanay afamaraaee tami ,bara da gwaacaage afamaaee tami bara da gorowaage afamaraee tami haa bara ,da biraage afamararaaee tami. ¹⁴ Bi/ina gu yaamu yaa kona tlaatleesoo gu bi/ina mibi haa cada gu ya/abimiisee mibi haa cada gu naanku bee/imoo. ¹⁵ Lee gwaa cocoou haa ana yaa kona ila khua da hhadaa daa boo/imisi hari sa haabu sari ila khuukhu'umisu gu ma'ay afamaraa eekosi haa bi/inaa gosi. ¹⁶ Yaamu digaa gaasi wa'ay gu ilakhukhu usa dosii tledaruu kosi.Yaa ila khuukhu'usi ma'ay hari ila khuukuusa dari khadaa,qoomay gosi 12,00 tledaruu kosi (tledaruu' kosi hiitlakhwaroo,haa goomay hiingaati gogomi). ¹⁷ Teqeesaysee yaa ila khuukhu'usi bi/inaa gosi khuusa da hidage(yaa ila khuukhuusa da malayikaa). ¹⁸ Bi/inaa dugwaa tleehhi hari yaspi haa yaamu gu koomeei sahuabu gu ,ubee kiyoo da hhoi. ¹⁹ Tlaatleesoo gu bi/inakee dugwaa /aliidi hari kalay goo gutlee' gukaari.Da paandaa daa yaspi da cada yakuuti samawi.Da tumii naa kalkedoni,da cigahhii zumaridi, ²⁰ da kooani sardoniki,da lahhou akiki,da faaqu kriso litho,da gweleti zabarajadi,da dagati ya kuti da manjanoo,da mibi krisopraso ,da mibi hao lee hiakitho ,da mibi haa cada amethisto. ²¹ Afamuraaee mibi haa cada gwaa luuluu mibi haa cada afamuraaee goo diraa luuluu lee boo/imisi .Toongogu gu yaamu gwaa sahaabu gu hhou ,ariimuuge ubee kiyoo da hhoi. ²² Haa arimiiba kanisa leensee wa'ay gu yaamuge sagiimba Looimoo Iliitleemu,goo' warayiqadi mida idadu goo haa naanku bee/imoo ti kanisaa dosi. ²³ Yaamu yaa saiyaaiba tleemaa aw slehhee may waagasi daqa doosi sa giimba waqamee da iliitleemu yaay waaqasidi daqa doosi haa ca'asiya dosi ti naanku bee/imoo. ²⁴ Hapapu khociyay hari hiicaa'asa da yaamu hhakee.Watemi gu khooroo haraa khayay hii ndogaruumaa dooina wa'ay kosii. ²⁵ Afamaree kosi digi piinginaabu qatlay gu tleemaa haa damaaa wanaaba amasi yaqay. ²⁶ Haraa khuyay hii ndaqaruumaa haa waaway gu hhapapu wa'ay kosii, ²⁷ haa damaa wanaaba slasla/iimaa damaa hiii dawa wa'ay kosii.Kara gimati wakusee goo yoo ndida yoondu gu ilamuree aw gooy corida may dayaaba,kara maa hhaka'a kilesi umaii gu naanku bee/imoge.