¹ Kara malayikaa sinigi laqami sa'amaa da ma'ay gu slafeema.ma'ay gwaa hadimisuu ubee gu bilaurii,yaati gumga gunay daqa kitii gu segugo gu Iliitleemu haa gu naanku bee/imoo. ² Hii cataraa hari tla/aa gu yaamu hari daqeemoo goo gu sa'aamaa daawana khaimoo gu slafeemaa,goo laqwala/aamu pasla pasloo mibi haa cada gu/aamu.Haa yoo laqwali /aamu slehheeri goo',loo/oo da khaimoo ti sari hhoeemisaa gu hhapapu. ³ Kiti gu sequ gu Iliitleemu haa gu naanku bee/imoo maawana wa'ay gu ma'ayge haa yu /abiisee dosi gumaa daareesiyay. ⁴ Gumaa anay paandaa dosi ,haa uma gosi maa paandaadu koinay. ⁵ Daa wanaaba amasi karaai,daa kara wanaba sla'araa da ceencee da caa'asiya aw letu sa giimba looimo Iliitleemu maa hii waqasi daqa dooinay .Inaysee maa waray qadimidiyay waraya qadimiduu goba hiifaakoo taysa na qatloo. ⁶ Malayikaa sinigi kaay.''giimbaki guti/iimba raa haa gu gulou Looimoo iliiteemu gu muunuii gu tletimisay yaa ya/abi malayikaa gosi malaqami yoondimiisee dosi idoo daay ca/a taqay balalu hhaankii.'' ⁷ ''Arimi!Haakhoca ciraai dugwaa/aafi ina goo ilii kooma giimba gu tletimiisay gu kitaabu ki.'' ⁸ Ana,Yohana,naa akhasi haa naa arimi giimbaki,gaa ilii akhasi haa gwaa ilii arimi,haa huui hhapeege ana paanda da ye,eeroo gu malayikaa magu daareesi malayika sinaa laqamu giimba kee. ⁹ Sinigi kaay.''May laqaraa tegeesay!Ana yoondikiisay dana'a googu sliimaa haa hhiee koku tletimisee.Sliimaa haa hhaka'a goo ilii koomeei giimba gu kitaabuki daaareesi Iliitleemu!'' ¹⁰ Sinigi kaay.''hhaantoo ilii qaasida Chapaa giimba gu tletimiisee gu kitaabuki,sa giimbaa qatlay yaani dadauusi. ¹¹ Heedi goo yondida yoondu gu tlaku ,ila kone yoondukee gu tlaku.Gu kooma slasla/imaa qatlay gosaa,haa ila kane slasla /imaa qatlay gosaa.Goo yoondiida yoondu gu hhou ilakone yoondu gu hkou .Gwaa slasla/uudu,haa ilakone hari slasla/iimaa dosi.'' ¹² Arimi!Haa khoaa ciraai gueeemaa koi sliimaa wanay haa ana,buaraa hida goo yoondu gooina idoo giyaa ilii yoondidiri goo ay bueemaa seei digimaati ila khukhuhuusi haa yoondu gosi. ¹³ Ana ti tlaatleesoo haa hiifaukoo,gu paandaa haa gu hiifaakoo,tlaaleesoo haa hiifaaakoo. ¹⁴ Digaa/aafi hhaka'a goo fulilimeei qayroo koina maslayiri hhoinay gu /agoo daqa khaimoo gu slafeemaago haa may guniri yaamuge harii cataraa hari afamaraaee. ¹⁵ Khoorooge da wana gwehheeri,Miislisay .Slipaalauusee,cu/udiisee,goo daaresiyeei gieeri haa idadu goo gislaiy haa gii arimi ila bu'umiisay gu afa afuumaa . ¹⁶ Ana,Yeesu,haani ya/abi malayikaa gooi masaangu kakaami giimbaki sa kanisasuu.Anati gamaa gu laqwaloo da Dawdi.Tica/u gu leetlawaa goo waaqa.'' ¹⁷ Muuna haa hadee da a'aw yaa kaadi.'' Khoca!''Haa ina goo akhamisa kakaana.''Khoca!''tla/aa googujnay gu kooma wakhaa,haa khaye ,haa goo slahhaohhaa,haa slaye ma'ay gu slafeemaa hari iii. ¹⁸ Kaawa sa hida goo' goo akhasa giimba gu tletimiisee gu kitaabuki: Bere leense maay roogisi daqa hikeesii Iliitleemu sugumaa hiiroogisi sagadadahhuu daa haandikimi daqa kitaabukii. ¹⁹ Bere heedi leensee maa looysi gumba gu kitaabuki gu tletimiisay.Iliitleemu looysi daqa dosi daqa khaimoo gu slafeemaago haa daqa yaamu gu waqameego,daa haandi kimi tlawoo kosi wa'ay gu kitaabukii. ²⁰ Ina goo kakaama giimbaki hii kaay,''Gulou!Haa khoca ciraai.''Gulou!khoca.Looimoo Yeesu! ²¹ Hhoinay gu looimoo Yeesu ibiidiye haa hida goo.Gulou.