¹ Kara hagi arimi malaykaa yaay /eeti yedaa rawgo ,yaaa kuna fvunguoo gu boondaa gooba hiifa koo haa nyololoo da dadiri koseii. ² Yaa ooy deesa kira deesa gu segu,inati satarimoo haa gigikhiidimi koraaraa mibeeri mibi. ³ Giyaay kwahhi daqa boondaa gooba hiifaakoo,gugi piingimi haa gugiilii gaasi chapaa rawaa kosii.Hii yaa taqay ma may hii coriduu hhapapu kara damaati cati gesaa hii cati koraraa mibeeri mibi gimua ilii fuakiyee.Daaitii hheesi teesua dugumaa may hari qasaw kari qatlay gu coko/u. ⁴ Kara gaa arimi kiteeri gu segi.Gwaa ilii ibudiye eti ti khakira saa hadisi /uuru gu hukumuu teqesaysee haa arimi ila hudaa gu hhakira daa afakere,emi sagaii sa giimbo gu arimaa gu Yeesu haa sa giimba gu Iliitleemu.Gwaabu daareesa mukimoo haa gie eeri kosi haa gwaa siiyeei hii owaraa chapaa rawaa gu paandaadu koinay aw dabu.Yakhayri slafeemaage ,haa gi waray qudidiri sliimaa haa kristo hari koraaraaaa mibeeri mibi. ⁵ Tuueenaa gwaa meetiyee yaa khariiba slafeema age daa ilii cati koraraa mibeeri mibi.Hii na suufeemaaa gu paandaa. ⁶ Daa/aasi gaa waqamee ti goo gumay owadaqa daqa hiitlaasa da puandaa!Gwaa aru da cada koontabu /uuru daqa hidage ubee hhaa'.Maawanay hhapalooee da Iliitleemu haa gu Kristo maa waray qadimdiyay haa ina hari koraraa miberi mibi. ⁷ Qatlay koraraa mibeeri mibi gimaa ilii duyeei hii faa kooge,satanimoo duguma afay ooyna yeedaa jeera dosaa. ⁸ Ma waudi khoorooge say coridaa hhapapu daqa somaii cigahhage gu khooroo-gogu haa magogu -mugiraa sliimaa sa guu,maa wanay wa/a ubee hhupee ubee hhapee da tlawa. ⁹ Yaa waudiri raqa muuge gu yaamuge inaysee yaa nini/imidiri lubeeraa gwaa/eembiyei Ilutleemuu.Yaamu da slaiye.kara aslaa yaa khaydi yedaaa rawgo haa gigicu/udi. ¹⁰ Satanimoo gwaay coru dugwaay kwahhi waay gu tlawaa doo oowa kibiriitii da makimoo haa tletimiisuy guafa afuumaa digay kwahhi,digimaa laba asu tleemaa haa umasi goba hii fukoo. ¹¹ Kara hagi arimi kitii gu didiru gu sagu gu/abaaku haa hikira gwaa ibiidu rawaa kosii khoorooo haa raw yaalakidiri segeenge daqa giyaa ilii waa ntengo ,kara yaa waa ntaba doo ina da kawa. ¹² Hagiyaa arimi gwaa kakaa/iyee gudeni haa hhakaaaseei dooba ilii pa'avuu yaa qadimidiri daqa kitii gu seguge haa kitababaa daga tlamisi kara kitaabuu waku dugwaaay tlaasi kitaabuu gu slafeemaa gu tuueenaa digaa hukumi harigu slafeemaa gu tuueenaa digaa hukumi hari hikira daa haandikimi wa'ay gu kitaabubuge hii ca/amu gu hukira giyaa yoo ndidiri. ¹³ Tluwa yaay ca/asidi tuueena gwaa wa'ay kosii waaree,gwaaruu haa hhaantee higaa hii ca/siri tuueenaa gwaa wa'ay kosii waareei.haa tuueenaa daa hukumi haa ila khuu khuusa yoondu giyaa yoondidiri. ¹⁴ Gwa'araa hwa hhuantee digaa kwahhi wa'ay gu tlawa da aslaage,aslati ti gwaara da cada tlawa da aslaa. ¹⁵ Beri uma gu heedi leense duguba handikiruu waway gu kitaabuu slafeemwa dugwaaykwa hhi wa'ay gu tlawa da aslaage.*