¹ ''Daqa malayka gu kanisaa da Efesoo handikimi:'Hii na giimba gu hika'a gwaa oow tica/eeraa faaqu daba gosii gu /uyage,ina goo khookhoci ma daqa kalagugu gu sahabuge gu koomeei waqamee faaqu hii kaay taqay.'' ² ''Ha khaa idoo gaa laqadi haa maguma doogu da yoondu laa kaanahhasa doogu da khoi,haa karaai hay noo'odaabu kara ilagaasa haa inay gu koomeei,slasla/iimaa haa higaa kwikisiri gonkoinaa hhaka'a gungoo etedimeeiinay tuba ya/abimisee haa kasleenkwaa pasliyay,haa digii arimi inay yaati afa'afaa midiri. ³ Ha khua koonta baqada haa kaanahhasa,haa hay catidi hari giimba wa/a sa giimba gu amoo dooi ha huaba/atiiba kahhada. ⁴ Qatlayki hii,guni koomaa sa ugu gwaa mawsla'amuu koka gu paandaa. ⁵ Inkoo slay daqa gaa ilii huu udi ,laa kwahhada tlakwaroo haa laa yoondita yoondu gaa yoonditi tlatleesoogo.Bere haguba kwahhanaa tlukwaroo,haakhaw daqa dooguu hua kwahha kaw waqa mee doogu daqa gosaa gi ilii waantee. ⁶ Inkoo ugu koontaa hikee,wakida hikaa daa yoondidi haa wanikolai,giyaa yoondidi anasee hugu waka. ⁷ Bere hoonta eaa akhamisi hikaa muuna giyoo kaaye sa kanisasua,Ha sa ina goo kaba/a sugugaw ceeti da/agoo daqa khaimoo gu slafeemaago gu daqada paradisooda Iliitleemu.' ⁸ ''Daqa malaykaage gu kanisaa da Smirna haandikimi:'Hii ti giimba hikira gwaa paandaa haa gwaa hiifaakoo gwaa gwaau haa kara gu slafa karaai: ⁹ '''Ha khua laba'asu googu haa kwa'aluu maa doogu ckara gulou ugu tii ndaqaru (haa afa'afuumaa ),da hhaka'a gungoo eteedimeei tubu inay wayahudi (kara gulouuba -inay ti kanisaa da satanimoo). ¹⁰ Hhaantoo tla'amuta sa ila hufiduu dugu slawa Arimi!sataanimoo dangu slai kwahharaa wakinay tla/aa' googunay jeerage maslaydiri kamisu haa daangu daangu laba'asi balalu mibi.Kooma waawawi gwaa'araa na qatloo,haa sangu hadisa imbagoo da slafeemaa. ¹¹ Bere koonta eaa,akhamisi Muuna giyoomili kaaye sa kanisa suu .Ina gumaa kaba/a maa slayaaba tlakwaroo da gwaa'ara da cadii.' ¹² Daqa malaykaa gu kanisaa da Pergamo haaandikimi,Hii naina daa cocacoiye ina gu kooma hikee paangaa gu dihhu,gu kooma dihhay bareemoo cada. ¹³ '''Ha khua daqan goo ilii ibite daqa da ilii wane kitii gu segu gu satanimoo.Teqeesaysee ugu haaoodi khisla uma gooi,ha haatleenkidii ba /iimbaraa doogu da daqadooi waara.Balalii hhakiru seei gu Antipasi ila bu'umii say gaasi tla/aa' googunaa,te'esi satanimoo ginoo ilii ibiidi. ¹⁴ Kara kooma giimba coko/o sa ugui:Koonta taysi hida gaa ooweei cacahhamisa gu Baala'amu,ina gwaa cacahhamisu Balaki maqamamidi nanaqamidu pandaa da ya'ay ca/asi sadaaka sa gieeri haa slipala uumaa. ¹⁵ Daqa hiinkii nama hikee,uguse koonta wakinay goo ooweei cacahhamisu gu nikolaai. ¹⁶ Inkoo kwahhe tlakwaroo Ha bere guba laqa teqeesay haa khoca ciraai,haa laqama gau daqa dooinay hari paangaa gooy ca/a daqa afoo dooaa. ¹⁷ Bere kaonta eaa,akhamisi muuna idoo giyoo kakaani sa kanisasuu,ina gumaa kaba/a suguma hii deehhi a/agoo daa etedi na maana daa yakwei.Kara suguma hadisa tlaa/a da /abaakwi daa haandikimi uma gu a/bu rawaa gutlaa/age uma wanaaba gu khua hika'a kilesi gumayiowa.' ¹⁸ Daqa malaykaa gu kanisaa da Thiatira haandikimi.''Hii na giimba gu nanku Iliitleemu ina gu kooma ilaa kosi ubee dagana da khway la,ha ya'a ubee saaba daa diinci hari khisla: ¹⁹ '' Ha khua idoo gaa laqadi-sla'amuu koku haa ilii pa'aruu haa yoondu haa kanakhasa doogu da hhoi ,ha hata'a gaa yoonditi taqay balaa gu coomokii wa/a hikira pahhoba gaa yoo nditi tlaatleesoogo. ²⁰ Teqeesay see kooma hii daqa dooguu:hooila murita hadee Yezebeeli singoo eteeda inalenkosi tletimisay hadee,hari caacahhamisu gosi.Yoo hhamimisida de'emisee dooi slipalauuma haa /agoo fa/a daa hii ca/asi sadaakaa sa gieeri. ²¹ Haa slay qatlay gu kwahha tlakwaroo,kara slaiyaaba kwahharaa slasla/iimaa dosi. ²² Arimi!Haqu daqa buburu gu ga/ayge ha hhaka'a goo yondidiyeei slipalaumaa inase qada ilahufiduu gu dihhuge,bere teqeesay gooba mayeei tlakwaro sa giimbakaa giyaa yoondiidi. ²³ Hangu difa ya'ay kokuna kaka/iyaay haa kanisaguu goo' caahhiyay tuba ana na ina goo' lala/amisa ilaahudaa ha slahhahhauu. Sigi hadisi hida goo pihhiruu haa yoondu gosi. ²⁴ Kara tla/aa' googunay gwaa meetiyeei daqa thiatirage,hhaka'a goo' gooba oowara caca hhamisaki,haa haka'a gu hhidimeei hika'a wakinay yoo' etedinay hari ilahkaslidu gu satanimaoo,kakaaqkaama daqa doogunay ,'Hay qaasaaba qada doogunay pinda leensee. ²⁵ Hari giimba lee'nsee,kwaandi ga karahhadeei gumaa ilii khawe na qatloo. ²⁶ Gumaa kaba/a haa gumaa yoondiida hikira gaa yoondidi hii faakoo na qatloo,daqadosi ina sugumaa hadisa tawaalo daqa hhapapuge. ²⁷ Higima tawaalina hari hhadaa da sikhima,ubee bakuurii da tipa ,gimaa cu/i gamee saa ee ha qameesaaee. ²⁸ Ubee idoo gaa ilii oy gooay daqa Taataa gooaa,suqumaa hhadisa kara tica/u gu leeetlawaa. ²⁹ Bere koonta eaa,akhamisi hika'a daslaiye kaawaraa ha maana sa kanisasuu.'