1 Haa' na hiitlaa asa da Yeesu Kristo sugwaa hadisi ha Iliitleemu magilagami sa yoondimiisee dosi giimbe kwaandi giyay ca/iye balulu hhaankii.Giyaa laqi madugu caahli hari ya/abaraa da malaykaa gosi dee yoondimisay gosii Yohanage. 2 Yohana yaa kaay giimba sliimaa giyaa arimi daqa giimba gu Ilutleemugu haa giimba daa kaay gu Yeesu Kristo. 3 Dugwaa /aafi ina goo somima hari afoo haa hhakaa goo akhamisiyeei giimba u tletimisee ti haa akhamisaa daa haandikimi tii sagiimba qatlay yaani daadaauusi. 4 Yohana,sa kanisusuu lahhou gu waareei Asiyage:dangu /aafiye unkuray haa hhoinay gwaa daqa dosi dahha gu waara,haa gwaa khawa,haa daqa munaii lahhou gu pandaa da kitii gosii gu seguge, 5 haa daqa Yeesu kristogo ina na ilabu'umisay gu hhou,dadisu gu paandaa gu hhaka'a gwaa kaka/iyeei haa hhaka'a goo waray qadimidiye ei hhapalooee gu khapapu gu khooroti,daqa dosii ina gundi sla'a haa handaa qaasi ceenceege daqa tlakwaroo dooraa hari ceedee dosi, 6 Ha ndaa laqi daandi ma hhapalooe tleehhidani yondimiisee da Iliitleemu haa Taatua gosi-daqa dosii wantu waqamee haa/uuru goba hiifaakoo taysa na qatloo .Guti lou. 7 Arimi ,yaa khoci hari tloonga;ilaa goo giti anay.Sliimaa haa goonkoinaa gugwaa Mutimeei ha hida goo gu khooroo maa keeebeimidiyayi daqa dosii ee gulou. 8 ''Ana na guni tlaatleesoo haa guhifaakoo ina naa kaay Looimoo Iliitleemu,''ina gwaa waaraa haa gu waara,haa karaai gwaa khoca gu kooma /uuru.'' 9 Ana yohana naankooguna haa leei goo sliimaa yoondiida haa unkuray daqu laba'asuge haa tawaloo da Iliitleemu haa hiikaasa da loige da daqa Yeeesuge waara,haa daqa wakay waara doo eteedine na paatimoo sa giimba gu Iliitleemu haa kakaaruu gu Yeesu. 10 Haa daqa muunage waara baloo da Looimoo.Haa akhasi aluu koaa afoo da rawaa ubee da paraanda pahha, 11 Kakaanta,''handikimi daqa kitabuuge hii gaa aanti haa ya/abaku daqa kanisasuu lahhouge,handikalee Efeso,kayde,hada kayde Smirna,hada kayde pergamooge,hadakayde Thiatirage,huda kayde sardiyage,hada kayde philadelphia haa hada kayde Laodikiyage.'' 12 Hagii fookidi ma'arimi afoo miyaa gwaa cocacoa haa ana,haguu ilii fookidi haa arimi kalagagu gu sahaabu gu kooomeei oyimee ubee gufee lahhou. 13 Tta/aa gu kalagu da ooymeege yaa wana lee ubee nanku Adaamu pahha,yaa daasi kaansu da siramaisoo pahha da tleedi daa daadi ye'eroo na qatloo hhapeege ,haa coo/ay gu sahaabu gwaa nini/idu manai kosi. 14 Sagu gosi haa guubu gosi gwaa /abaaku ubee sufi gu /abuaaku ubee mincaratuu pahha haa ilaa kosi yaa ubee dagana pahha da khwayla. 15 Ye'eroo kosi ubee saba pahha daa diinci hari khista ubee saba ka'a pahha daoy catisi hari aslaa haa afoo dosi ubee afoo da ma'ay gu wa/a goo' gu umeei hari /uuru. 16 Yaa ooy tica/eeraa faaqu daba gosii qu /uyage haa daqa afoo dosaa yaa kontaa paangaa gu dihhu gwaa kooma dihhay bureemoo cada.Pandaa dosi yaa waqaagata ubee waqamee da dihhi da letu. 17 Gwaa ilii arimi,hagi huu yeeroo kosii ubee heedi gwaa gwaau pahha.Gii qaasi daba gosi gu /uya rawa koii haa gi kaay,''hhaantoo tla'amuta!ana na guni paandaa haa gu hiifaakoo, 18 Ha hoo ibiida.Waka'alee haa gwaai,Inkoo arimi ha ibiiida ibinaa dooba hiifuakooo!Ha kooma fuunguoo gu gwaa'ara haa gu hhaantee. 19 Inkoo,handikimi idoo gaa aanti da waara iinkoo haa hika'a gwaa sla'a hiica/a damaa gesaa hiicaise hii. 20 Sa giimba hiingana yakwi sa tica/eera faaqu hhaka'a gaa aanti daqa daba gooii gu/ayage haa kalagagu koomeeii waqamee faaqu na hhaka'a kanisasuu faaqu.''