¹ Daqa malaykaa gu kanisaa da sardi haandikimi giimba gu hikiri gwaa oow muunaii hhakira faaqu gu Iliitleemu haa tica/eeraa fuqu.''Ha khua idoo gwa laqadi.Koonta hha,aleesa da slafeema,kara haa gwa'ati. ² Tay ha /atlisii gwaa meetu,kara coomooge waana gwaa age sagiimba haa arimii bu yoondu googu hii bu'udisi ila gu Ilutleemu gooii. ³ Inkoo,slay hikira gaay oodi haa gaa akha sidi,ilii koomi haa may tlakwatoo bere huguba hiitlawaraa,haa khaw ubee fiisisay ha caahhadaaba qatlay haloo guna ilii khaw daqa doo guu. ⁴ Wanay umaii coko/wa/a gu hida daqa sardige hhaka'a gwaaba tlakweemisuu qayroo koina.Khociyay sliima haa ana ,hii daamisiri qayroo gu /abakwi,sa giimba karaahii boo/ri. ⁵ Ina gumaa kaba/a sugumu daamisi gayroo gu /abakwi,haa gulou hagumaa hhamisaaba umu gosi daqa kitaabu gu slafee maago ,haa huguma eteeda uma gosi pandaa da Taataa gooii ha paanda da maykaage. ⁶ Bere koontaa eea,akhamisi muuna idoo giilu kakaakaane sa kanisasuu.'' ⁷ ''Daqa malaykaa gu kanisaa da philadefia handikimi:giimba gu hika'a gu ngaa ilabuuslu ha gulou-gu kooma fungu waaee gu Dawdi.Yoo afay ooyna haa wanaaba gu afay ooyma,yoo khiidina ha wanaaba guy nooa afay ooyruu. ⁸ Ha khua idoo gaa yoonditi,arimi sugu qaasi pandaa doogu afamaraa daa afay ooymi haa wanaaba guy nooa hii piingisa.Ha khua hayinooda /uuru coko/o kara haa ilii koonti giimba gooi haa hagwaa tlaandidiiba uma gooi. ⁹ Arimi!goo nkoinaa gu kanisasuu gu satanimoo,hhaka'a goo kaweei inay tuba wayahudi haa kasleenkwaa pasliyay.Kara yoo tii coridiyay hagiyaa laqa miyaa khayri haa ma keebee'emi diri panda da ye'ee roo kokuu ha caahhiyay tuba hagwaati slai. ¹⁰ Sa giimba gwa ilii konti ila kaawa dooi hari kaana hhasa da loi,haguga/aw khooorooo goo,gukoimisa hhakaa goo'goo ibii diyeei daqa yaamge. Haa khoca ciraai ¹¹ .Ooy khisla hikaa ga koonte himuu hhaantoo wana heedi gu maa hii owa /aliya doogu ¹² Haqulaqa ina gumaa kaba/a ubee unguruiya daqa kanisaa da Iliitleemu gooii,ha muyca/iyaaba khooroooge coko/osee.Ha haandikima uma gu Ilitleemu daqa doosi Ilitleemu gooi.Umu gu yaamu Ilitleemu gooi(Yerusalemu da/abi.day /eeta hhapeege yedaa rawgo daqa Iliitleemu gooaa),ha uma goo gu /abu. ¹³ Ina gu komaa eea,ha akhasiye da kakaakane muuna sa kanisasuu.' ¹⁴ ''Daqa malaykaa gu Lodikiage handikimi:giimba gosi gulou,guiliipaaruu ha ilabu'umiisay gu hhou,goo waray qadimidu daqa idadu daa bo/imisi ha Iliitleemu. ¹⁵ Ha khua idoo gaa laqadi haa gulou ugu ti caagwa gooba kara aslaa gooba ,haa slaa bere yaati aloo gwaa caagwaa aw gwaa aloo aslaa! ¹⁶ Teqeesay ,say giimba ugu ti bukhubukhuda gu aslaa gooba kara gu caagwa gooba hagwaa wa/a mayca /adi daqa dooaa. ¹⁷ Sa giimba ga kakakaante,''Ana ti ndaqari kooma khoooslay wa/a,ha sha'aaba idooleensee.Kara khuudaaba ubee ugu ti koontaaba sumaku guga'ay daraa kwaeeli guba ilaa haa sla'ay . ¹⁸ Akhasi giimba gooi:Kirigi daqa dooii sababu daa ila buusli hari aslaa ma slaydi ugusee hiindaqa ruumaa haa qayroo,gu /abakwi gu koomeei wagawagamee magi daamisidi ugu ma maydi laqaruu ilamuree gu sla'ag googu.haa du/iya da makhanay daqa ilaa kokuu ma slaydi arimaa. ¹⁹ Hika'a ga slae suguylaqasa haa hagu caacahhamisa ha idoo da ilii slaiye ibinaa;Inkoo tegeesay ti koomi waaway gu hhou ha may tlakwaroo. ²⁰ Arimi haqadida daqa afumaraage ha guutuusahiha'a gumaa akhasa afoo dooi ha gumaa afay ooyma afumaaraa haa khawa ha kii daw mara goosi ,haa maa /agima fa/a haa ina haa ina sliimaa haa ana. ²¹ Ina gumaa kaba/a,sugumaa hadisa ibinaa hhapeege sliimaa haa ana daqa kitii gooii gu seguge ubee ana pahha gaa ilii kaba/i haa gi ibidi hhareege sliimaa haa Taataa gooi daqa kitii gosii gu seguge. ²² Ina gu kooma eea,ha akhamisiy giiimba da slaiye muuna kaawa sa kanisasuu.''