¹ Kishya ni faida sijoalinajo Muyahudi? Ne faida jatohala ni si? ² Nifisogha nkana kukila nsila. Kabhula ja ghonse Bhayahudi bhakakubhisibhwanga bhughambulo kufuma kwa Kabhumba. ³ Lakini, filokabhuti kubha bhaadhi ja Bhayahudi tebhakabhanga ne imani? Je, kuleka kuamini kwabho kulakumwila Kabhumba kubha bhatili? ⁴ Aje. Badala jaje leka Kabhumba, aloleke kubha ni wabhwene, ninga kila muntu kubha ni ghwa malami, kobhe bho jikabhele jinyeghilwe, "Kubha uloleke kubha uli ne haki kufilando fyabhe ubhusinde houlokengila kukukalilwa." ⁵ Lakini kubha fyabha mabhi ghetu ghali kulangishya haki jeke Kabhumba, tutende si Kabhumba temubhiho alikufumya sisila shyaje kumwetu, je ali tetyo? Ndikutenda kutokana ne mantiki jabhuntu. ⁶ Aje! Ni jinsi si Kabhumba alokabhukalila bhwelelo? ⁷ Lakini kubha jabah bhwene bhwene bhweke Kabhumba kuhitila malami ghane kufumya sifa nyingi kwajili jaje, kusi nenshyali nendi kukalilwa kobhe ali ne sambi? ⁸ Kusi tusitendi kobhe bho twakalembekesibhwanga ne kobhe bhandi bhobhali kusibhitishya kubha tulikutenda, "Twile mabhi, mukubha masogha ghese? Kukalila juu jabho ni jabhwene. ⁹ Nisi kansi? Tulikwitetea fwebhene? Aje kabhisa. Bhukobha fwebhene twabhatuhumu Bhayahudi ne Bhayunani bhonse hamwi, kubha bhali ne sambi. ¹⁰ Jeji ni kobhe bho jakanyeghwanga: "Kutuhu ali ne haki ninga ghamwi. ¹¹ Kutuhu muntu gho alikuelewa. Kutuhu muntu gho ali kumuhensa Kabhumba. ¹² Bhonse bhahinduka bhene kubha hamwi bhobha bhali bhusila maana. Kutuhu alikwila masogha, ninga ghumwi. ¹³ Mapompomilo ghabho ni kabuli shyo sili wazi ndishyabho shyalemba kubha sumu jansoka jili hefo ja milomo jambo. ¹⁴ Tunywa twabho tubhumbike laana no bhuchungu. ¹⁵ Maghulu ghabho ghalina lubhilo kughona malaso. ¹⁶ Bhuhalibhifu no kusamba fili munsila jabho. ¹⁷ Bhantu bhabha bhashyali kumanya nsila ja amani. ¹⁸ Kutuhu hofu jeke Kabhumba kumenso ghabho." ¹⁹ Nonwe twinsi kubha shyoshyonse shelia shyojili kutenda, kutenda ne bhalya bhali hefo ne shelia. Jeji ni kubha kila kanywa kahambwe, no kubha bhwelelo bhonse bhukobhole kuwajibhika kwa Kabhumba. ²⁰ Jeji nikusabhabhu kutuhu mutumba bhobhuloka pandilwa haki kumatendo gha shyelia kumbele ja menso ghaje. Bhukobha kuhitila shyelia bhuko sabhabhishya bhufahamu bhwa sambi. ²¹ Lakini nonwe kusili shyelia, haki jeke Kabhumba jamanyika. Jakashuhudiwanga shyelia ne bhaghwe laghu, ²² jejo ni haki jake Kabhumba kuhitila imani jake Yesu Kristo kubhalya bhonse bhobhaamini. Maana ni kutuhu bhutofauti. ²³ Bhukobha bhonse bhajila sambi, no kupungukilwa no bhutukufu bhweke Kabhumba. ²⁴ Bhapandilwa haki bhule kunehema shyaje kunsila jabhukombozi kunsila ja Yesu Kristo. ²⁵ Maana Kabhumba ghakamofumyanga Yesu Kristo abhe bhupatanishyo kunsila ja imani kumalaso ghaje. Ghaka mufumya Kristo kobhe bhushahidi bhwa haki jaje, kusabhabhu ja kusilekulu la sambi shyakahitanga ²⁶ kubhu vumilivu bhwaje ghagha ghonse ghakafumilanga ili kulangishya haki jaje bhwakati bhobhu bhwa nonywe. Jeji jikabhele mukubha akobhole kwizibitishya nyene kubha haki, no kulangishya kubha kumupandila haki muntu ghoghonse kusabhabhu ja imani kwa Yesu. ²⁷ Kuliha kwiteha? Kutengilwe. Kumisingi jihe? Misingi ja matendo? Aje lakini kumisingi ja imani. ²⁸ Kutetyo tulikuhitimishya kubha muntu alikupa ndilwa haki kuimani tekumatendo ghashyelia. ²⁹ Au Kabhumba ni Kabhumba ghwa Bhayahudi tue? Je nyene te Kabhumba ghwa fihugho kumwi? Ni bhwene ghwa fikugho findi kumwi. ³⁰ Kubha jabha kubhwe Kabhumba ni ghumwi, alakubhapandila haki bhobhali bhatohala ku imani, ne bhasili kutahiliwa ku nsila ja imani. ³¹ Je ufwe tulikujibatilishya shyelia ku imani? Aje! Kinyume ja ghagho, ufwe tulikusibhitishya shelia.