¹ Kwahiyo ulibhusila udhulu, ughwe gho uko kalila, bhukobha kughalyagho ukukalila bhandi uli kwibhika mu hatia ughwe ghwenye bhukobha ghwenyene uli kukalila ulikuwila maghambo ghalyae. ² Lakini tujinsi kukalila kweke Kabhumba ni kwa bhwene juu ja bhalya bhabhali kwila maghambo kobhe ghagho. ³ Lakini ughwe uhanganye lehi, ughwe gho uli kukalila bhalyabhobhali kwila maghambo ghagho kubha noghwe ulikwila maghambo ghabhe ghagho. Je ulakuepukukukalilwa na Kabhumba? ⁴ Au ulikulanganya fisesana juu jabhwema bhwaje, kutinda kwa adhabhu jaje, no bhuvumilivu bhwaje? Je ghwamanyanga kubha bhwema kumwaje bhuhensilwe kukulangishya mukaghalaghala? ⁵ Bhukobha kukukaka kobhe no mwegho bhobhe bhusili kughalaghala ulikwibhika ghwenyene hakibasisila kwifuku lilya lya sisila, yaani, ifuku lilya lya bhughambulo gha kukalila kwabhwene kwa Kabhumba. ⁶ Nyene alokamuliha muntu sipiho kobhe bhoghakelanga nyene: ⁷ kubhalya bho kubhusabiti bha matendo masogha bhahensa sifa, isima na tabhalakubhilisibhwa alokabhaha bhupanga bhwamyaka jonse. ⁸ Lakini kubhalya bhobhali bhabinafisi, bhobhasili kubhutii bhwene bhakibhekutii dhuluma, ghazabu ne sisila sikali silokabhesila. ⁹ Kabhumba alokaletaziki shida juu ja kila mwegho bhwe kila muntu ghajila mabhi, kumuyahudi kwanza no kumuyunani kumwi. ¹⁰ Lakini sifa, isima ne amani jilokabha kukila muntu gho alikwila masogha, kumuyahudi kwanza no kumuyahudi kumwi. ¹¹ Bhukobha kutuhu bhupendeleo kwa Kabhumba. ¹² Bhukobha kobhetilya bhengi bhakabhinhyanga kusili shyalia bhalakutajika kusili shyelia, bhukobha kila bhakabhinhyanga kulingana ne shyelia bhokakaliuwa ku shyelia. ¹³ Bhukukobha tebhako hulika shyelia bhobhali ne haki mbele jeke Kabhumba, bali ni bhalya bhobhalikwila shyalia bhobhalo kapandilwa haki. ¹⁴ Bhukobha bhantu fihugho, bhobhasili ne shyelia, bhalikwila kumila shyabho maghambo ghashyelia, bhene, bhabha shyelia kumyegho jabho ninga bho bhene bhali bhusila shyelia. ¹⁵ Kuleli bhalikulangishya kubha matendo ghoghahensilwe kumujibhu ghwa shelia ghanyeghilwe mkukati mumyegho jabho. Zamili shyabho kumwi, sibhakungile bhene, ne mawazo ghabho bhene jili kubhasitaka ninga kubhalinda bhene ¹⁶ kumwi kwa Kabhumba. Ghagha ghalokatokea kwifuku lyo Kabhumba alokasikalila sili shyonse, kobhe injili jane, kwisina lyeke Yesu Kristo. ¹⁷ Tutende kubha ulikwijita ghwenyene Myahudi, ghoghakekala kushyelia, shangilia kukwisifa kwa Kabhumba, ¹⁸ ghamanye mapenzi ghaje no kupima maghambo gho ghatofautiiene, baada ja kulaghisibhwa ne shyelia. ¹⁹ Na tutende kubha ughwe ghenyene uli na bhusimu kubha ughwe ghwenyene ni kalombo ghwa bhahofu, silangasi kubhala bho bhali musikolo, ²⁰ musahihishyaji ghwabha nkansa, tutabhuhemba ghwa bhana, no kubha ulinajo shyelia jinsi ja elimu no bhwene. ²¹ Ughwe bhasi, gho ulikuhubili bhandi, jatolikwifundishya ghwe nyene? Ughwe gho ulikuhubhili kuleka bhwifii, je ughwe ulikwibha? ²² Ughwe gho ulikutenda no silibhumahaja, je ulikwila bhumalaja? Ughwegho ulikughaje mamukuti, je ulikwibha mwi pelelo? ²³ Ughwe gho ulikwiteha kushyelia, je toli kumufedheheshya Kabhumba kukufunagha shyelia? ²⁴ Bhukobha isina lyeke Kabhumba lili kufedhehesibhwa kati jabhantu bha fihugho kusabhabhu jenyu," kobhe bho jinyeghilwe. ²⁵ Bhukobha kutahiliwa bhwene kuhensilwe kubha ghwa jitii shyelia, lakini kobhe ughwe ni mukiukaji gha shyelia, kutahiliwa kobhe kulikubha kusili kutahiliwa. ²⁶ Bhasi kubha, jabha, muntu asili kutahilibhwa ghaendele kuhulika shyelia bhojihensile, je kuleka kutahiliwa kwaje tekunatwalwa kobhe ghatahilibhwa? ²⁷ No ghulya asili kutahili ahakukukalila kubha ghatimishya shyelia? Jeji ni kusabhabhu uli na manyegho gho ghanyeghwanga ne tohala kumwi lakini ushyali uli kuikuka shyelia! ²⁸ Bhukobha nyene ni Myahudi gho ali kuhali ja kunse; wala kutahilibwa tekulya kwa kunse tue kumutumba. ²⁹ Lakini nyene ni Myahudi gho ali kumukati, ne tohala ni ja mumwegho kumwegho, tekubhunyegho. Sifa ja muntu ghwatetyo tejili fumila bhantu bali jilikufuma kwa Kabhumba.