¹ Paulo, mtumisi ghwake Yesu Kristo, ghoghaketwanga kubha mulaghisibhwa, no kutengwa kusabhabhu ja injili jeke Kabhumba. ² Jeji jojilya injili jojajiahindingi kale kuhitila bhaghwelaghu bhaje kamanyegho ghabhwene. ³ Kuhusu mwanaje ghoghakafukanga kufuma kubhukwa bhweke Daudi kunsila ja mutumba. ⁴ Nyene ghakatangasibhwanga kwa mwana ghwe Kabhumba kumanagha gha Mwegho kubhutakatifu bhwa bhushyuko bhwa bhafu, Yesu Kristo Bhwana ghwetu. ⁵ Kuhitila nyene twapokela nehema kubhu kondeke bhwa imani kati ja fihugho fyonse kwajije, sina lyaje. ⁶ Kati jafihugho, fefi nohuhuoe kumwi mwajita kubha bha Yesu Kristo. ⁷ Barua jeji ni kubhonse bhobhali ku Rumi, bhobhanyomilwe no Kabhumba, bhobhaketwa kubha bhantu bhatakatifu nehema jibhe kumwanyu, ne amani kufuma kwa Kabhumba sifwe no bhwaghwetu Yesu Kristo. ⁸ Kwanza, ndikumushukuru Kabhumba ghwane ku Yesu Kristo kwa ajili jenyu mwense, kusabhabhu imani jenyu jiakutangasibhwa kubhwelelo bhonse. ⁹ Mana Kabhumba nishyahidi ghwane, ghondikumutumia kufuma mumwegho mumwane, kuinjili ja mwanaje, bhondikudumu kukabhatenda. ¹⁰ Kilefuku ndikusegha kusala shyane shyose kubha kwisina ghoghonse impate bhuhela bhobhali na mafanikio elo kukukunyomwa kweke Kabhumba kukwisa kumwenyu. ¹¹ Maana ndikutamani kubhalola, mukubha impate kubhahomwe baadhi ja kalama shyamu mwegho, impate kubha imalishya. ¹² Yaani, kungilila kuhebhwa, mwegho hamwi nomwa, kunsila ja imani ja kila ghumwi kati jenyu, ne jaane. ¹³ Nonwe bhamughana ghwane sihensile mubhule kumanya kubha, mala nyingi ndikukusudia kwisa kumwenyu, laninzuilike mpaka nonwe. Nankahenganga teti ili kubha na majabho kumwenyu kobhebho jili kumwi mubhantu bhafigho. ¹⁴ Ndikudaiwa ne Bhayunani, ne bhagheni kumwi, bhelevu ne bhankansa. ¹⁵ Kutetyo, kuluhande lwane, nune nditayali kutangashya injili kumwenyu kumwi nomwe bhomuli koko Roma. ¹⁶ Kwa maana sili kujilolela nsonyi injili, bhukobha ni bhukobhole bhweke Kabhuumba bhobhuli kuleta bhusabhulo kukila ghoaamini, kumuyahudi kwanza no kumuyunani kumwi. ¹⁷ Bhukolela haki jeke Kabhuumba jadhililisibhwa kufuma imani ninga mimani, kobhe bho jakanyeghwanga, "Gho aline haki alakwikala kuimani." ¹⁸ Bhukobha sisila shyeke Kabhumba sizihilisibhwa kufuma kwighulu dhidi ja bhuasi nobhuovu bhwa bhantu, bho kunsila ja bhudhalimu bhekubhufisa bhwene. ¹⁹ Jeji ni kusabhabhu, ghonse ghogho namanyika juu jeke Kabhumba ni wazi kumwabho. Maana Kabhuumba ghabhafahamishya. ²⁰ Maana maghambo ghaje ghoghasili kuloleka fisogha ghakabha wazi tangu kubhumbwa kwa bhwalelo. Matokeo ghaje bhantu bhabha bhasili ne bhuhulu. ²¹ Jeji ni kusabhabhu, ninga bhobhakamanyanga kuhusu Kabhumba, tebhakamtukuzanga nyene kobhe Kabhumba, wala tebhakamuhanga, shukulani. Bhadala jaje, bhabha bhapumbafu mu mawazo ghabho ghabho, ne mwegho jabho jojili nebhunkansajakabhikwanga sikolo. ²² Bhakejitanga bhantu bhasogha lakini bhabha bhankansa. ²³ Bhakashuhindulanga bhutukufu bhweke Kabhumba gho asili no bhuhalibhifu kuasi ja muntu gho alino bhuhalibhifu, negha tunyonyi, negha manywele fyofili ne maghu ane nefyo fikwibhulumula. ²⁴ Kutetyo Kabhumba ghakabhelekanga bhalonde itama shyabho mwegho jabho kubhu chafu, kumitumba jabho kufedheheshya bhaipa jabho. ²⁵ Ni bhene bhakabhadilingi bhwene bhweke Kabhumba, kubha malami, nebhobhaka abhudungu no kutumikia fibhumbwa bhada ja ghakafibhumbanga, gho alikusifiwa myaka jonse. Amina. ²⁶ Ku sabhabhu jeji Kabhumba ghakabhalekanga bhalonde itama shyabho shya nsonyi, bhukobha bhakemabhabho bhakabhadilingi matumizi gha asili jabho kusilya shyo sili kinyume ne asili. ²⁷ Tetyowe, ne bhaghosi, bhaleka, matumizi ghabho gha asili kubhakema no kubhane itama zidi ja kumwabho bhene. Bhabha bhakabhele ni bhaghosi bhobhakelanga na bhaghosi bhenabho gho ghasihensilwe, ne ghakakahebhwa azabhu jo sistahili kubhuovu bhwabho. ²⁸ Bhukohela, bhakatwuanga kubhane Kabhumba, mubhufahamu bhwabho, bhakabhalekanga bhande mawazo ghabho ghoghasihensile, bhele maghambo ghalya ghasihensilwe. ²⁹ Bhabhumbike bhudhalimu bhuovu, itamaa, no bhubhi bhabhumbike nee bhubha, bhwihaghanyi, masola, malami, ne niambii. ³⁰ Bhene kumwi nibhakutenda bhantu, bhakulembekeshya ne bhobhamughajile Kabhumba, bhabhali ne vulughu, mpaka, no kwivuna bhene ni bhakutunga mabhi, ne bhasili kutii bhafyeji bhabho. ³¹ Bhene tebhali no bhufahamu; bhasili kuaminika, bhasili no mapenzi gha bhwene, ne bhasili ne sighongo. ³² Bhalikusimanya kanuni shyeke Kabhumba, shyakubha bhantu bhobhali kwila maghambo ghagho bhasitahili kufwa. Lakini kubha bhalikwia maghambo ghaghowe, bhabo kumwi bhekukubhaliana ne bhalya bhobhali kwila maghambo ghagho.