¹ Kutetyo ndili kubhakanya, bhamughana, kusighongo syaje Kabhumba, mujifumye mitumba syenyu sibhe sabibu jojili mpanga, takatifu, jojili kuswa ku Kabhuumba. Lije oh ibada jenyu ja maana. ² Bhwala musilondelesye namuna libhwelelo ilyee, bhali muhindusibhwe mukwilwa bhuhyania syenyu. Jileteti mupate kumanya bhunyomu ghwa Kabhuumba bhobhuli bhweema, ghakumupendesya no kamili. ³ Kwa maana ndikubhala, kusabhabhu ja nehema jo nahebhwanga, kubha kila muntu ghoaliho miongoni mwenyu te ahensibhwe kulanganya nkana halughulu jaje nyenee kuleka bho jimuhensile kulanganya. Bhali, jimuhensile kulanganya ku hekima, kati bho Kabhuumba ghabhaha kiasi fulani sya imani. ⁴ Kukubha tuli no fiungo fingi kumutumba ghumwi, lakini te fiungo fyonse fili no mulimo ghumwi. ⁵ Tetyoe, ufwe bho tuli bhengi tuli mutumba ghumwi katika Kristo, no fiungo kila ghumwi kwa mwinaje. ⁶ Tuli no kalama syosili hale hale ku kadili ja nehema jomwahebhwanga. kubha kalama ja muntu ni bhunabhii, no jijitwe kadili ja imani jaje. ⁷ Kubha kalama ja muntu ni huduma, no atumike. Kubha kalama ja muntu ni huduma, no atumike. Kubha ghundi ali no kalama ja kufundisya, bhasi afundisye. ⁸ Kubha kalama ja muntu ni falaja, bhasi, afaliji. Kubha kalama ja muntu ni kufumya, ajile tetyo kubhukalimu. Kubhakalama ja muntu ni kulombosya bhantu, no lijilitwe kubhuangalifu. Kubha kalama ja muntu ni kulolesya sighongo, no lijilitwe ku fulaha. ⁹ Pendo lisibhi no bhunafiki. Ghaje bhubhii; munighilile ghali masogha. ¹⁰ Kuhusu bhupendo ghwa bhamughana, mwinyomwe umwe ku umwe. Kuhusu heshima, mwiheshimu umwe ku umwe. ¹¹ Kuhusu katampa, musibhi bha kakojola. Kuhusu mwegho mubha no shauku. Kuhusu Bhwana, mumutumikie. ¹² Mufulahi kubhusimu bhomuli nabho kuhusu nfukusyo siisile. Mubha no subhila ku matatizo ghenyu. Mudumu mukusegha. ¹³ Mushiliki kumahitaji gha bhaumini. Hense nsila nyingi syakulolesya bhukalimu. ¹⁴ Mubhahensele bhalaka bhonse bhobheku bhasanfya umwe; mubhabhaliki no bhwaala musi bhalaani. ¹⁵ Mufulahi hamwi no bho bhakufulahi, lila hamwi no bhobhe kulila. ¹⁶ Mubhe no nia jimwi umwe kuumwe. Musilanganyi muku libhuna, lakini mubhaswe bhantu bha hali ja hansi. Musibhi no hekima halughulu ja mawaso ghenyu bhene. ¹⁷ Musimulihi muntu ghoghonse ibhi ku ibhi. Jile maghambo masogha mu menso gha bhantu bhonse. ¹⁸ Kobhe jina kobholeka, kati bhojabhikwanga kumwenyu, mubhano amani no bhantu bhonse. ¹⁹ Bhapensi, musililihi kisasi mwe bhene, lakini muji hisye ghadhabhu ja Kabhuumba. Kukubha jighendikwe, "Kisasi ni sya kumwane; une ndakuliha; ekubhala Bhwana." ²⁰ Lakini kubha adui ghobhe ali no nsala, mulisye. Ghabha nonkangu munywesye. Kukubha kubha wajila tetyo, ula kumujihilila makala gha mulilo hatunde ja mutwe ghwaje." ²¹ Usipotwi no bhubhii, bhali upote bhubhii ku bhweema.