¹ Bhasi ndikubhala, je, Kabhuumba ghaka bhatunanga bhantubhajee? Ningi kidogo. Kukubha une kabhili nighwa Israeli, ghwa bhukwa ghwa Abrahamu, ghwa kabhila lya Benyamini. ² Kabhumba teghaka bhatunanga bhantu ghwaje, gho ghakabha manyanga tangu mwanso. Je temwinsi ighandiko lili kubhalabhuti kuhusu Eliya, bho ghaka mukalihila Kabhumba halughulu ja Israeli? ³ "Bwana, ghabhahagha manabhii ghobhe, nabho bha bhomola madhabhau ghobhe. Unene nengwa nansalika, nagho bhekuhensela bhupanga bhwane." ⁴ Lakini ijibhu lya Kabhuumba lili kubhala bhuti kumwobhe? "Nantunsya kujili jane bhantu elufu mupungati bhote bheku muhulila maghoti Baali." ⁵ Ningi tetyo bhwakati bhobhu ghwa nonwe kabhili kuli bhasibhile kusabhabhu ja bhuchaghusi ghwa nehema. ⁶ Lakini kubhajabha ni kunehema, tekabhili kumatendo. Fingi nesyo nehema tejila kubha kabhili nehema. ⁷ Nisii bhesi? Ighambo lyo Israeli akabhele ekuhensa, bhusila kusipata, bhali bhateule bhakasipatile, no bhandi bhaka hebhwanga bhunywamu. ⁸ Ni kobhe bhojighandikwe: "Kabhuumba ghabhaha mwegho mubhutu, menso ili bhasilole, nomatwi ili bhasi hulike, mpaka bhwalelo itii." ⁹ Nagho Daudi ekubhala, "Leka mesa syabho na sibhe wafu, mutegho sehemu ja kulikumpa, no kulila kisasi dhidi jabho. ¹⁰ Leka menso ghabho ghahebhwesikolo ili bhasikobhole kulola ghwabha jinamisya mighongho syabho daima." ¹¹ Bhasi ndili kubhala, "Je, bhalikumpa ningi kughwa?" Jisibhitetyo kamwe. Badili jabho, kupotwa kwabho, bhwokobhu bhwafika kumataifa, ili bhabho bheene bhahebhwe ibhubha. ¹² Nonwe kubha kupotwa kwabho ni bhutunsi ghwa libhwelelo, no kubha hasala jabho ni bhutunsi ghwa mataifa, ni kiasi si nkana jila kubha kukwila kwabho? ¹³ Na nonwe ndilikusahula namwee bhantu bha mataifa. Ku kubha namba mutume kubhantu bha mataifa ghandi, ndilikwifuniia huduma jane. ¹⁴ Hamwi ndakubhaha ibhubhabho bhali mutumba ghumwi no une. Hamwitula kubhasabhula baadhi jabho. ¹⁵ Maana kubhajabha kutuni sisibhwa kwabho ni malisia nogha libhwelelo, kupokebhwa kwabho kula kubha bhuti ila bhupanga kufuma kubhafwile? ¹⁶ Kobhe majabho gha kwansa ni akibha, bhojili kwidonge lya bhufuma. Kobhe musisi niakibha, matawi nagho tetyoe. ¹⁷ Lakini kobhe ghandi matawi ghaputwa, kati ughwe, tawi itimba lya museituni, ghwa bhyalangwa kati jabho, nokobhe wakabhanga hamwi nabho kumisisi sya bhutunsi ghwa miseituni, ¹⁸ usilisifu halulughuluja matawi. Lakini kobhe ukwisitu, teughwe gho ukujifuna misisi, bhali misisi jili kukufuna ughwe. ¹⁹ Bhasi ulakubhala, "Matawi ghakaputwanga ili impale kubhyalwa kwisina." ²⁰ Tetyo ni bhwene. Kusabhabhu ja bhusila kuamini kobhe bhaputwanga, lakini ughwe ghwaju ghalalanga imala kusabhabhu ja imani jobhe. Usililanganyi mwene ku hali ja halunde nkana, bhali ghubhaha. ²¹ Kwa maana kubhajabha Kabhuumba tegha kaghalekulula matawi gha asili, te alo kufwila sighongo ughwe pia. ²² Kunga bhasi, matendo masogha no bhukali ghwa Kabhuumba. Kubhuhande ghumwi, bhukali ghwakesanga halughulu ja Bhayahudi bho bhakaghwanga. Lakini kubhuhande ghundi, bhwema ghwa Kabhuumba ghukojisa halughulu jobhe, kubha ghulya kudumu kubhweema ghwaje. Fingi nefyo ughwe kabhili ula kuputilibhwa halee. ²³ No pia, kobhe tebhala kuendelea mukuto kuamini kwabho, bhala kubhyalwa kabhili. Mana Kabhuumba ali no bhuwezo ghwa kubhabhyala kabhili. ²⁴ Ku maana kubha umwe mukaputwile hanse kubhwa asili museituni ni mwitu, no sinyume sya asili mwakabhyalwanga ku museituni bhobhuli bhweema, tesumba nkana abhe Bhayahudi, bho ni kati matawi gha asili kukobhola kubhyalwa kabhili mukati mwa museituni ghabho bhene? ²⁵ Kukubha bhamughana sihensile mumanye, kuhusiana no sili iije, ili kubha musibhi no hekima muku langanya kusenyu bha no.sili iije ni kubha bhukake ghwa fumilila ku isllaeli,hadi ku kwila kwa mataifa hokulo kesa. ²⁶ Tetyo Israeli bhonse bhaleku sabhulibhwa, kati bhojighandikwe: "Kufuma Sayuni alokesa mukombosi. Alakubhufumya bhubhi kufuma kwa Yakobo. ²⁷ Naleli lilakubha ilaghano lyane hamwi nabho, bhwakati hondokasifumya saambi syabho." ²⁸ Kubhuhande ghumwi kuhusu injili, bhekughajwa kusabhabhu jenu. Kuluhande ghundi kutokana no bhuchaghusi ghwa Kabhuumba, bha nyomwa kusabhabhu ja mabhabhu. ²⁹ Kukubha sawadi no bwito ghwa Kabhumba teghuku badilika. ³⁰ Kukubha awali umwe mukabhele mwamubhihya Kabhumba, lakini nonwe mwajipokela lehema kusabhabhu ja bhubhii ghwabho. ³¹ Ku nsila jejoe, nonwe abhe Bhayahudi bha bhihya. Matokeo ghaje ni kubha kutokana no sighongo jo mwakahebhwanga umwe bhana kobhola kabhili kupokela lehema. ³² Maana Kabhumba ghabhahamba bhantu bhonse ku bhuasi, ili akobhole kubha fwila sighongo bhonse. ³³ Kati bhosili nkulu bhutunsi no hekima no maalifa gha Kabhumba! Tesili kuchunguswa nkalilo syaje, no nsila syaje tesili kumanyika! ³⁴ "Maana ni ghanyi ghoghakajimanyania ja Bwana? Au nighanyi ghabha mushauli ghwaje? ³⁵ Ama ni ghanyi kwansa ghoghaka muhanga sintu Kabhumba, ili alihwe kabhili?'' ³⁶ Kukubha kufuma kwaje, no kunsila jaje no kwaje, fintu fyonse filiho. Kumwaje ghubhe bhutukufu milele. Amina.