¹ Bhamughana, nia ja mwegho ghwane no ombilyane kwa Kabhumba ni kujili jabho, kujili ja wokobhu ghwabho. ² Kukubha ndikubhashuhudia kubha bhali no juhudi kujili ja Kabhuumba, lakini te kujili ja bhufahamu. ³ Kukubha tebhamanyile haki ja Kabhuumba, no bheku hense kujenga haki jabho bheene. Tebhakabhanga bhakode ku haki ja Kabhuumba. ⁴ Kukubha Kristo oh bhutimilifu ghwa shelia kujili ja haki ja kila muntu gho ekuamini. ⁵ Kukubha Musa ekughandika kuhusu haki jo jikojisa kutokana no shelia: "Muntu gho akojilita haki ja shelia alokwikala ku haki jeji." ⁶ Lakini haki jo jitokena no imani jikotenda itye, "Usitendi mumwegho ghobhe, 'Ghanyi alokughuluka kuja kwighulu?' (Jeji ni kumuleta Kristo hansi). ⁷ No usitende, 'Ghanyi alokusoka mwihulu?" (Jeji ni kumuleta Kristo halughulu kufuma ka bhafu). ⁸ Lakini jikubhala bhuti? "Ighambo lili hehi noghwe ku sinywa syobhe no kumwegho ghobhe." Lelyo ni ighambo lya imani lyo luli kutangasya. ⁹ Kukubha kobhe ku sinywa syobhe ulikumukili Yesu ulakuokoka. ¹⁰ Ku kubha kumwegho muntu ako amini no kupata haki, no kukinywa bhakokili no kupata wokobhu. ¹¹ Kukubha ghandiko litensile, "Kila ghwaku muamini tealopondwa nsonyi." ¹² Kukubha kutuhu tofauti kati ja Muyahudi no Muyunani. kukubha Bhwana ni ghulya ghulyae ni Bhwana ghwa bhonse, no ni mutunsi kubhonse bhobheku mutangila. ¹³ Kukubha kila muntu gho akotu isina lya Bhwana alaku okoka. ¹⁴ Kujinsi ja bhuti ukobhwele kumutangila nyene gho bhasyali kumutangila nyene gho bhasyali kumuamini? No jinsi sii bhana kobhola kumuamiini katika nyene isipokuwa bhalaghisibhwa? - Kati bho jighandikwe, "Jinsi bhuti bho maghulu gha bhalya bho bhekutangasya habhali sya fulaha sya maghambo masogha!" ¹⁵ No jinsi sii bhanakobhola kuhubhili, isipokuwa bhatumwa? No kuamani ujo bha sila kumumanya!" ¹⁶ Lakini bhonse tebhaka huliki syanga injili. Kukubha Isaya akonena, "Bhwana ni ghanyi gho ghakahulikanga bhujumbe ghwetu?" ¹⁷ Tetyo imani jiko jisa kutokana no kuhulikisya, no kuhulika ku ighambo lya Kristo. ¹⁸ Lakini ndili kubhala, "Je tebhakahulikanga?" Ndijo, ku hakika nkana. "Sauti jabho jakahwa kufuma hanse ku ilongo lyonse, no maghambo ghabhokuja miisho sya libhwelelo." ¹⁹ Sumba ja ghonse, Ndilikubhala, "Je Israeli teghakamanyanga?" Kwansa Musa akonena, "Ndakubhasanka kubhala ibhubha kubhantu bho te taifa. Kunsila ja taifa lisili no bhuelebhwa, ndakubha syanila mpaka mughaje." ²⁰ No Isaya ali no bhusima nkana akotenda, "Nankapatwanga no bhalyo bho tebhaka nhensanga. Nankaloleka kubhalyabho tebhaka nhensanga." ²¹ Lakini ku Israeli akobhala, "Nfuku syonse nanka ghololenga mabhoko ghane kubhabhusila kutii no kubhantu bhakake."