¹ Kila nafsi jibhe ne hesima ku kumulaka gha ahalughulu, kutuhu milimo jakuhebhwa muntu ila jakufuma kwa Kabhumba ne miumo jiliho jonse jibhikilwe na Kabhumba. ² Ghoghonse akopinga mamlaka ekupinga hamli ja Kabhumba; ne bhabhali bhekupinga bhalopokela hukumu jabho bhene. ³ Kusabhabhu bhutawala syoiti sio ja bhakola masogha, ila kubhatenda mabhii. Ukutami kughaghobhana mamulaka? Kola ghali masogha ulosifiwa nagho. ⁴ Ninga bholi mkulamilimo ghweke Kabhumba kumobhe kuajili jeke Kabhumba. Ila kobhe ghwatenda mabhii ghobhaha nyene twali kutwala lupanga bhusila sabhabhu, kusabhabhu ni mutumisi ghweke Kabhumba, muliha kisasi kughulya mutenda mabhii. ⁵ Uhensilwe bhutii sio kusabhabhu ja ghazabhu bali kusabhabhu ja zamili. ⁶ Kusabhabhu jeji ukuliha ikodi kusabhabhu bhakanya mamulaka ni bhatumisi bheke Kabhumba bhabhali bhekuendelea kukola igambo leli. ⁷ Bhalihe kila muntu syobheku bhadai: Ikodi kughogholie ekusitahili ikodi; bhushulu kughogholie ekustahili bhushulu hofu kughogholie ekustahili hofu hesima kughogholie astahili hesima. ⁸ Musidaiwe sintu syosyonse, isipokuwa kwiteha umwe kumwe. Ghogholi amutehile jilani jaje hatimisya syelia. ⁹ Kusabhabhu tiwazini tiwajihaghe tiwajibhe tiwatamani," Ninga kwabha hamuli jindi jijumulisye momowe mukati: ulomuteha jilani jobhe kobhe ughwe nyene." ¹⁰ Bhupendo tibhuli kumuzulu jilani ghwa muntu bhupendo ni bhukamilike bhwa syelia. ¹¹ Kusabhabhu ja leli mumanyile kubha bhobhu ni bhwakati bhwa kufuma katika kutulo kusabhabhu bhwakati bhwetu bhwakalibhia kusumba bhulya bhwakati bhotwakaaminingi kwanza. ¹² Bhufuku bhwaendelea ne isyubha lyakalibia. Tubhiuke hambali maghambo gha giza, netufwale silaha sya nulu. ¹³ Natuje kubhe tuli kunulu, syokushelehe sya mabhii, au bhulefi natusiji katika zinaa au, itamaa jisinakobholeka kuzibitibhwa ne sio katika fitina au ibhubha. ¹⁴ Bali tumufwale Bhwana Yesu Kristo, ne tusibhiki nafasi kuajili ja mutumba ku itamaa jaje.