¹ Baada ja fintu fefi namulolanga miisambwa asokile hansi kufuma kwi ighulu. Nyene gho akabhele no mamulaka nkulu, no ilongo lika angasibhwe kubhutukufu ghwaje. ² Ghakalilanga ku sauti nkulu, koku ekutenda, "Wanghwa, waghwa, ghulya lugho mukulu Babeli! Ghwa bhasehemu ghwa kwi kalaho mapepo, no sehemu jakwikala kila mwegho mubhii, no sehemu jo ekwikala kila musama no linyonyi lya kumubhihya. ³ Kukubha mataifa ghonse ghanywanga mufinyo ja tama no bhuashelati ghwaje bho bhuko muletela sisila. Bhafalume bha ilongo bhajile bhu malaja naje. Bhajila bhiasala bha ilongo bhabha bhatunsi kumanagha gha maisya ghaje gha bhumalaja." ⁴ Kabhili na nkakuli kanga sauti jindi kufuma ku ighulu jile nsile, "Fuma kumwaje bhantu bhane, ili musiisimuka shiliki ku saambi syaje, no ili musiisi kupokela mapigho ghaje ghoghonse. ⁵ Saambi syaje silundikene halughulu kobhe ighulu, no Kabhuumba ghaghakumbuka matendo ghaje mabhii. ⁶ Mumuliha kati bho akabhalihile bhandi, no muka mulihe mala mbili kujinsi bhoghakelanga; ku sikombe syo ghakasisansikanya, museleghanyila mala mbili ku jili jaje. ⁷ Kati bho ghakalitukusyanga nyenee ghonghwa, no ghakekalanga ku bhumalaja, mumuha mateso mengi no bhusuni. Kwa kubha akotenda mu mwegho ghwaje, 'Nanjikala kobhe malkia; wala te mulekwa, no wala tendo kalola maombolezo.' ⁸ Ku tetyo ndani ja nfuku jimwi mapigho ghaje ghalo muelemea: lufu, maomboleso, no nsala. Aloteketeswa ku mulilo, kukubha Bhwana Kabhuumba ni mkanya managha, no mukanya kuhukumu ghwaje." ⁹ Bhafalume bha ilongo bho kelalanga bhumalaja no kuchanganyikibhwa hamwi naje bhalo lila no kuombolesesya ho bhalo kabhulola lyonsi lya kuhya kwaje. ¹⁰ Bhalo jughalala hala naje, ku hofu ja maumifu ghaje ukwe bhakutanda, "Ole, ole ku muji mukulu, Babeli, muji ghwa managha! Ku lisaa limwi hukumu jobha jajisa." ¹¹ Bhajila bhiasala bha ilongo lile nokuombolesya kujili jaje, kukubha kutulu ninga ghumu ghwa kughula fiashala jaje kabhili - ¹² bisaa sya sahabhu, fedha, mabhwe gha thamani, lulu, kitani nsogha, sambalau, halili, jabhee, namba syonse sya fiti sya hahitu nsogha, kila syombo sya pembe sya ndofu, kila syombo syo sikajojiliwe ku fiti sya thamani, shaba, ijela, ibhwe, ¹³ mudalasini, fiungo, ubhumba, manemane, bhubhani, mufinyo, mafuta, bhufuma musogha, ngano, ng'ombe no kondoo, falasi no miutuka, nobhasya, no myengho sya bhantu. ¹⁴ Majabho gho ghwaka ghatamani ku managha ghobhe ghafuma kufuma kumwobhe. Anasa syobhe syonse no mapambo gha fuma, teghakapatikane kabhili. ¹⁵ Bhajila bhiasala ghwa fintu ifye bhobhakapatile bhutunsi ku bhunyomwe ghwaje bhalo jughalala hale kufuma kumwaje ku sabhabhu ja hofu ja maumifu ghaje, kokubha kulila no sauti ja maomboleso. ¹⁶ Koku bhekutenda, "Ole, ole muji ghulya mukulu ghobhufikilwe kitani nsagha, sambalau, no jabhee, no kupambwa kwa sahabu, no finyu fya thamani no lulu!" ¹⁷ Ndani ja lisaa limwi bhutunsi bhonse ubho bhukafumile. Kila na hosa ghwa meli kila bhahalia, no bhonse bhanamansi, no bhonse bhobhe kwila mulimo kubhahali, bhakajughalla hali. ¹⁸ Bhakalilanga hobhaka bhulonga lyonsi lya kuhya kwaje. Bhakatensile, "Ni muji si ghususeneno muji ghoghu mukulu?" ¹⁹ Bhakataghanga lufundu halughulu ja mitwe syabho, no bhalilanga, bhekufumisibhwa machozi no kuombolesa, "Ole, ole muji mukulu mahali bhonse bhobhakabhele no meli syabho ku bhahali bhakabhele bhatunsi kutokana no nsabho syaje. Ndani ja nsaa jimwi bhwa angamisibhwa." ²⁰ "Nyomwe juu jaje, ighulu, umwe bhaumini, mitume no manabhii, kwa maana Kabhuumba ghaleta hukumu jenyu halughulu jaje!" ²¹ Msamba mukanya managha ghakabhusyanga ibhwe kobhe ibhwe ikulu lya kusyela no ghaka litaghanga kubhahali, no ekutenda, kunsila jeji, Babeli, ghulya muji mukulu, ghulota ghwa hansi kubhukatili no tebhwa kaloleke kabhili. ²² Sauti ja finanda, bhana muziki, bha saha filimbi, no talumbeta tejaka hulikwe kabhili kumwenyu. Wala fundi ghwa namba jojonse teghakaloleke kumwenyu. Wala sauti ja kinu teja kahulikwe kabhili kumwenyu. ²³ Ilangasi lya taa telyaka lyangasya ndani jobhe. Sauti ja Bhwana bhwenga no bibi bhwenga tesyaka hulikwe kabhili mukati mwobhe, maana bhajila fia sala ghobho bha kabhele bhakulu bha ilongo no bha mataifa, bhalembwa ku bhulosi bhwa kumwobhe. ²⁴ Ndani jaje malaso gha manabhii no bha amini jaka loleka, no malaso ghabhonse bho bhakatwa halughulu ja ilongo."