¹ Ghwumwi ghwa misambwa mupungati akabhele fitasa mupungati akesile no kumbalila, "Jisa, nkulolesye hukumu ja malaja mukulu gho ajikele halughulu ja mansi mengi, ² gho bhafalme ghwa ilonga bhajila maghambo gha bhumalaja nagho no halughulu ja malwa ghwa bhu malaja ghwa je gho bhekwikala kutibhwelelo bhakolesibhwa." ³ Misabwa ghakantwala katika Mwengho mpaka nyikani, no nankamulolanga mukema ajikele katunde ja inywele lyabhegho abhumbike masina gha matukano. Inywele lyo likabhele no mitwe mupungati no pembe ikumi limwi. ⁴ Mukema akafikilwe mwenda ja zambalau no jabhe no abambilwe kusahabu, mabhwe gha kale, no lulu. Akabhele ganinghilile kubhoko kwaje sikombe sya sahabu syo sibhumbike fitu fya machukizo gha bhuchafu gha bhumalaja ghwaje. ⁵ Halughulu ja bhusyu ghwaje lighandikwe isina lya sili: "BHABHELI MUKULU, MAJO GHWA GHUMALAJA NOJA FINTU FYA MACHUKIZO GHAILONGO." ⁶ Nankalolanga ja kubha mukema ujo akabhele gha kolwa ku malaso ghabhaumini no malaso ghobhakafwanga kujili ja Jeesu. Bhwakati nankamulolanga nkabhele no musyangao mukulu. ⁷ Lakini misabwa ghakambalila, "Kusi ukushangaa? Ndo kubhalila maana ja mukema no inywele gho ekumutwala (inywele ujo mkanya mitwe mupungati no silya pembe ikumi limwi). ⁸ Inywele gho wa mulolanga akabheleho, ali hatuhu kabhili nonwe, lakini alitaja li kubhyala kufuma kwihulu lya bhusila mwisho. Kabhili ghaendela no bhuhalibhifu. Bhalya bhekele halughulu ja ilongo, bhalya masina ghabho teghakaghandikwa kusitabhu sya bhupanga tangu kubhikwa misingi ja libhwelelo - bhalokashanga hobhalokamula inywele lyo lika bheleho, kubhate aliho nonwe, alihehi kwisa. ⁹ Bwito bhobhu ni kujili ja masala gho sili no hekima. Mitwe mipungati ni misosi mupungati homukema ghakekalanga halughulu jaje. ¹⁰ Nagho kabhili ni bhafalme mupungati. Bhafalume bhatano bhaghwa, bhwakati ho alokesa alokekala kumuda mutofu tuwe. ¹¹ Inyele lyolikabheleho, lakini nonwe liliho tuhu, nyene kabhili ni mufalume wa munane; lakini ni ghumwi ghwa bhalya bhafalume mupungati no ajile kubhu halibhifu. ¹² Silya pembe ikumi limwi syo wakasilolanga ni bhafalume ikumi limwi bhobhasyali kupokela bhafalume, lakini bhalopokela mamulaka kubhe bhafalume kulisa limwi hamwi no inywele. ¹³ Abhe bhalino shauli jimwi, no bhalo muha managha ghabho no mamulaka ghulya inywele. ¹⁴ Bhajila vita baina jabho no Mwana kondoo. Lakini Mwaana kondoo alobhapota ku sabhabhu Bhwana ghwa mabhwana no Mufalume ghwa bhafalume - no katika nyene tukatangilwe, tukasaghulibhwe, bhaaminifu." ¹⁵ Misabwa ghombalila, "Ghalya mansi ghowaghalolanga, haho hoghajikalanga ghulya kahaba ni bhatu, matukano, mataifa no lugha. ¹⁶ Silya pembe ikumi limwi syo wakasilolanga - sesyo no lilya inywele bhalo mughaja ghulya kahaba. Nabho bhalomwila kubha mupweke no bhutuhu, bhalomulya mutumba ghwaji, no bhalo muteketesya kwa mulilo. ¹⁷ Maana Kabhumba ghabhika kumyegho syabho kutweta kusudi lyaje kwa makubaliano gha kumuha inywele managha ghabho kumutawala mpaka maghambo gha Kabhumba ho ghalo katimila. ¹⁸ Ghulya mukema gho wakamulolanga ni mji ghulya mukulu bho bhukutawala halughulu ja bhafalume ghwa inchi."