¹ Baada ja maghambo agha nankahulika sauti kati ja mulio mukulu ghwa ikundi ikulu lya bhantu kwighulu itensile, "Haleluja. Bhokobhu, bhutukufu, no managha ni gha Kabhuumba bhwetu. ² Hukumu syaje ni bhwene no sya haki, kukubha ghakamuhukum kahabha mukulu gho ghakajibhihyanga inchi ku bhufyala ghwaje. Ghajila kisasi ku malaso gha bhatumisi bhaje, jo ghakaji honianga nyene mwene." ³ Kwa mala ja bhubhili bhakatensile, Haleluja! Lyonsi likofuma kumwaje milele no milele." ⁴ Bhalya bhakekulu makumi abhili no bhane no fiumbe hai fine fyaka sujudu no kumwabhudu Kabhuumba gho ajikele ku kiti sya enzi. Bhakabhele bhekutenda, "Amina. Haleluja!" ⁵ Ho sauti jikafumile kukiti cha enzi, jitensile, "Mmumusifu Kabhuumba ghwetu, umwe bhatumishi bhaje bhonse, ume omuku mucha nyene, bhonse bhonse bhasila bhumuhimu bhakanya managha." ⁶ Ho nanka hulikanga sauti kati sauti ja ikundi ikulu lya bhantu kati ja hilimulo lya mansi mengi, no kobhe ihilimulo lya ladi, itensile, "Haleluja! Bhwana ni Kabhuumba ghwetu, mutawala juuja bhonse, bhutawala. ⁷ No tusyangilia no kufulahi no kumuha bhutukufu kusabhabhu bhwenga no syelehe ja Mwana kondoo jajisa, no bibi hahusi ali tajali." ⁸ Ghakaluhusibhwe kufikwa kitani safi no ja kung'ala (kitani safi ni matendo gha haki gha bhaumini). ⁹ Mmusambwa ghakatenda nanee, "Ghaghandike agha: Bhabaliki bhwe bhobha katikwanga ku syelehe ja bhwenga ja Mwana kondoo." Kabhili ghambalila, "Aghe ni maghambo gha bhwene gha Kabhuumba." ¹⁰ Nankasujudi mbele ja maghulu ghaje nanka muabhudu, lakini gha mbalila, "Usijili teti! Une ndi mutumisi mwinobhe no ghwa bhamughana ghobhe mukanya kubhunigha bhushuuda bhwa Jeesu. Mupelesye Kabhuumba, kukubha bhushuuda hwa Jeesu ni mwegho ghwa kinabhii." ¹¹ Kisha nandola ighulu sya hambuluka, no tasama kubhele no falasi ghwa swee! No ghulya ghoakabhele amutandile ajitwile Mwaminifu no ghwa Bhwene. Hhukumu ku haki no kwila fita. ¹² Menso ghaje ni kobhe kijinga sya mulilo, no halughulu ja mutwe ghwaje ali na taji nyingi. Ali nai sina lolighandikwe halughulu jaje ghwa bhusila kulimanya muntu ghoghonse isipokuwa nyenee. ¹³ Afwete mwenda ghobhuchobhwilwe ku malaso, no isina lyaje ajitwile Neno lya Kabhuumba. ¹⁴ Majeshi gha ighulu ghabhele ghekumulonda halughulu ja falasi bha swee, bhafwitile kitani nsogha jaswee no nsogha. ¹⁵ Mulomo ghwaje ghukufumya bhupanga mukali gho ghuku ghaangamisa mataifa, nagho alobhatawala ku fimbo ja lijela. Nagho akokanda gha fyombo fya mufinyo kusisila nkali ja Kabhuumba, akotawala juu ja bhonse. ¹⁶ Nagho aghandikwe halughulu ja mwenda ghwaje no katika paji lyaje isina, MUFALUME GHWA BHAFALUME NO BHWANA GHWA MABHWANA. ¹⁷ Nandolanga misambwa ajughalele katika isyubha. Ghakabhatangila ku sauti nkulu manyonyi ghonse gho gheku ghuluka anga, "Jise, mwikonka hamwi ku syakula sikulu sya Kabhuumba. ¹⁸ Jise muhye nyama ja bhafalme, nyama ja bhajemedali, nyama ja bhantu bhakulu, nyama ja falasi no bhatanda falasi, no nyama ja bhantu bhonse bhumu himu no bhakanya managha." ¹⁹ Nankalolanga inywele no bhafalume bha inchi hamwi no majeshi ghabho. Bhakabhele bhalipangile kujili ja kwila fita na ghumwi gho atandile falasi no jeshi lyaje. ²⁰ Inywele lyanighwanga no nabhii ghwaje ghwa malami gho ghakasi jilanga ishala kukubha ho kwaje. Kwa ishala jeji ghaka bhalembanga bhalya bho bhakapokelanga chapa ja inywele no bhalya bhobhaka sujudia mukitu ghwanji. Bhonse bhabhili bha taghwanga bhasyali bhapanga katika isiwa lya mulilo lyo likughaka kusibhiliti.