¹ Kabhili ghakasapanga kutundisya hambalimbali jya bahari. Nebhumati bhukulu bhwa kakomakananga bhwa munyengela, ghajingila mukati na bhwato mubahari, ghajikala. Bhumati bhonse bhakabhele hambali na bahari bhufukweni. ² Ghabhafundisya maghambo mengi kumifano, ghanatenda kumwabho kumafundisyo ghaje. ³ Hulikisye mpanzi ghakajanga kabyala. ⁴ Bhwakabhele ne kubhyala sindi mbuto syakahonanga munsila, manye onge ghajisa ghasilya. ⁵ Mbuto sindi syakahonanga hamughamba, haho hakabhele bhusila bhulongo bhwingi syakalebhanga bhukohela tesi kabhele na bhulongo bhwa kutosya. ⁶ Tukubha isyubha bholyakafumanga, syakalebhanga, no bhosyabha tesi kabhele na musi, syaka ghumanga. ⁷ Mbuti sindi syakahonanga hakati namefwa. Mefwa ghakakwanga ghasi songa tesyahafyalanga majabho ghoghonse. ⁸ Mbuto sindi syakahonanga habhulongo bhusogha syanafyala majabho hosyakakwanga nekughungilika sindi syakafyalanga mara makumi atatu kusumba, ne sindi makumi atatu kusumba, ne sindi makumi mukagha ne sindi ighana." ⁹ Ghanaenda ghoghinse alinamatwi gha kuhulika nahalike!" ¹⁰ Yesu bhwakabhele ghongwa, bhalya bhakabhele hehinaje ne bhalya ikumi ne bhili bhakamubhasyanga kuli mufano. ¹¹ Ghatenda kumwabho, "Kumwenyu mwahebhwa siri sya bhufalume bhwake Kabhumba. Tukubha kubhali kunse kila situ ni mufano, ¹² tukubha kobhebhakunga kyentyo bhwakokunga, tukubha bhusilakulola nobho bhakahulikanga ndiyo bhako hulika lakini tebhanakahinduke Kabhumba anakabhasamehe." ¹³ Ghanatenda kumwabho temulikumanya mufano ghoghu? Mwokobhola bhuti kumanya mifano jindi? ¹⁴ Mpanzi ghakabyalanga ighambo. ¹⁵ Bhandi ni bhalya bhakahonanga hambali nansila halya ighambo holya kabhyalwanga. No bhobhakahulikanga mara Syetani ghajisa ghanalitwala ighambo lyakabhyalwanga muki mu mwabho. ¹⁶ Na bhandi ni bhalya bhakabyalwanga halughulu na mughamba bhabho bhakolihulika ighambo kubhwangu bhalipokela kufuraha. ¹⁷ Ni bhasila misisi jyojyonse mukati mumwabho, tukubha bhakovumilia kwi kunka itofu. Kundi tabhuneku samba kobhefyajisa kusabhabhu ja ighambo mara akokutuka. ¹⁸ Na bhandi ni bhalya bhakabyalwanga mumefwa bhakolihulika ighambo, ¹⁹ tukubha kusamba kwa bhwelelo kwilemba bhwa sabho ne tama syama ghambo ghandi likabhafingila ne kubhasonga ighambo lyanapotwakufyala mafabho. ²⁰ Hali bhalya bhene bhakabhyalwanga habhulongo bhusogha bhakoli hulika ighambo no kulipokela likofya la majabho, bhandi makumi atatu ne bhandi makumi mukagha na bhandi ighana." ²¹ Yesu ghabhabhalila, "Ukobhanokaleta tara mukati na nyumba nokujibhika hansi jya sikapu amahefo na bhulili? Ukojileta munyumba na kujibhika halughulu jya kiango. ²² Bhohabha hatuhu syosyonse syakakoleka syesyo sisyamanyike ni hatuhu siri jilokabikwa halafu. ²³ Habha alina matwi gha kuhulika na hulike!" ²⁴ Ghabhabhalila, "Bhe makini kusilya syo mwalola bhosyabha sipimo syomukupima syomulopimilwa na kughungilisya kumwenyu. ²⁵ Bhoghabha nyene alinasyo, alopokela kana no ghulya asilinasyo kufuma kumwaje filotwalwa na filyafyalinafyo." ²⁶ Ghatenda, "Bhufalme bhwake Kabhumba bhufananishwe na muntu ghaka bhyalanga mbuto kubhulongo. ²⁷ Bhoghakalalanga ghahalamuka mulabho ne mbuto syakachipukanga ne kukula, bhukohela tyojinsi bhosyakalelekanga. ²⁸ Bhwelelo jikofumya mbuto jyene kusumbula manyi kundi maua, kundi mbuto syakakomanga. ²⁹ Ne kunka mbuto hosilokakwa syabhela mara bhakofela kahwesyo kusababu mavuno ghakolela." ³⁰ Ghanatenda, "Tubhulinganisye bhufalme bhake Kabhumba na sintu si ama tutumile mufano si kutanya?. ³¹ Ni kobhe mbuto jya haladai, bhojya kabhanga jya bhyalwanise kana kusumba mbuto syonse kubhwelelo. ³² Ninga, ikuka lyoghwabhala jikohwa no kubha kulu kana kusumba mimea jyose jya bustani, jikwila matabhi makulu ninga manyonyi ghamwighulu ghakokobhola kwila bhwisa bhwabho mubhulelo bhwaje." ³³ Kumifano mingi ghakafundisyanga ghakatendanga ighambo kumwabho kukadiri bhobhakakobholanga kumanya, ³⁴ teghakatendanga nabho bhusila mifano, tukubha bhwakabhele ghongwa ghakabhabhalilanga kilasintu bhanafunzi bhaje. ³⁵ Kwifuku lelyo ikuka lyamugholo hoghaka kolelanga bhakatenda ndanga kumwabho, "Tiye kulunande lwa bhubhili". ³⁶ Kundi bhabhuleka bhumati, bhamutwala Yesu, ikunka lelyo bha kabhele mukati na bhwanto, mwato bhundi bhukabhele hamwi naje. ³⁷ Ne musagha mukali ghwa huruba ne mabhimbi ghakabhele ghekwingila mukati na bhwato, kundi bhwa bhumbika. ³⁸ Tukubha Yesu nyene akabhele kwi shetri, na lele hamonga. Bhamuhalamusya, bhekutendu, "Mwalimu, tyokujali ufwe twefwa?" ³⁹ Ghahalamuka, ghaghukemea musagha na ghanajibhalila bahari, "Jihole, musagha ghwasikila kwa na bhabha ne bhuhole bhukulu. ⁴⁰ Ghanatenda kumwabho, "Ninasi mukughubhaha? Musyali bhusila imani?" ⁴¹ Bhaka ghubhahanga nkana muti mumwabho, bhatesanya bhene kubhene, "Ghoghu ni ghanyi kabhili bhofyabhaninga musagha ne bahari fya mutii?"