¹ No kabhili ghakengilanga ndani ja sinegogi no mulya mukabhele no muntu mkanya kubhoka kwa holanga. ² Baadhi ja bhantu bhakabhele bhele bheku mulondelela kuhehi kulola kubha alakumusisya siku ja Sabato ili kubha bhamusitaki. ³ Yesu ghamubhalilanga muntu mukanya kubhoko kwa kuhola, "Bhuka no usitendi katikati ja bhumati bhobhu.'' ⁴ Kisha ghabhabhalila bhantu, "Je ni jisigha kwila itendo isogha nfuku ja Sabato ama kwila ghasili haki, kusabhula maisha, amakwihaghaa?" Lakini bhasibhanga na kele. ⁵ Ghaka bhakunga kusisila, mukuhusunika kusabhabhu ja bhukake bhwa myegho syabho, no ghekabhabhalila ghulya muntu, "Gholola kubhoko kobhe". Ghabhu gholola no Yesu gha musisya kubhoko kwaje. ⁶ Mafarisayo bhakaja kunse no mala bhajila njama hamwi no Maherode dhidi jaji ili kumwihagha. ⁷ Kisha Yesu, hamwi no bhanafunsi bhaje, bhakajanga kubhahali, no bhumati mukutu ghwa bhantu ghwabhalondengu kufuma ku Galilaya no Uyahudi ⁸ no kufuma Yerusalemu no kufuma Idumaya no mbele ja Yorodani no jilani ja Tiro no Sidoni, bhumati mukulu, bhoghwaka lulikanga kila sintu syo akabhele ekwila, bhakesanga kumwaja. ⁹ No ghaka bhabhalilanga bhanafunsi ghwaje kuandaa mutumbwi kujili jaje kusabhabhu jabhumati, ili kubha bhasii kumusonga. ¹⁰ Kukubha ghakasisyanga bheengi, ili kila muntu gho akabhele no mateso akabhele no shauku ja kumufikila ili amughuse. ¹¹ Hohonse miegho mibhii ho syamulola, bhakaghwa nga hansi mbele jaje no kulila, no bhakabhalanga, "Ughwe uli mwaana ghwe Kabhuumba." ¹² Ghakabha kalihila kumusisitisyo bhajili amanyike. ¹³ Ghakajanga halunde ja musosi, no kubheta bho ghaka bhahe nsanga, no bhakajanga kwaje. ¹⁴ Ghabha saghula ikumi no bhabhili (Ghabhetanga mitume), ili kubha bhabhe lamwi naje no akobhole kubhz laghisya kuhubhili, ¹⁵ no kubha na mamulaka ghakufumya mapepo. ¹⁶ No ghakabha saghulanga kumi no bhabhili: Simoni, gho akano uhele isina lya Petro, ¹⁷ Yakobo mwaana ghwa Zebedayo, no Yohana mughana ghwaje Yakobo, gho ghahebhwanga isini lya Bonagesi, abho ni, bhaana bhangurumo, ¹⁸ no Andrea, Filipo, Bartholomayo, Mathayo, Tomaso, Yakobo mwana ghwa Alfayo, Thadayo, Simoni Mkananayo, ¹⁹ no Yuda Iskariote, gho alakumusaliti. ²⁰ Kisha ghakajanga kulugho no bhumati ghwa bhantu bhakesanga hamwi kabhili, ningi bhasi kobholi kulya ninga mukate. ²¹ Familia jaje ho bhakahulikanga habhali iijo, bhakajanga kumunigha, kwani bhabhalanga, "Ghalukwa no masela." ²² Bhaandishi bhobhakasanga kufuma Yerusalemu bhabhalanga, "Ghapaghawa no Beelzebuli," no, "Kumutabhwala ghwa mapepo akobhwele kufumya mapepo". ²³ Yesu ghaka bhetanga kumwaje no kubhalanabho ku mifano, "Jinsi sii Ibhilisi anakobhola kumufumya Ibhilisi? ²⁴ Kobhe bhufalme bhula kwighabhula ghwene, bhufalme ubho tebhuna jughalala. ²⁵ Kobhe ngoo jali ghabhula jene teji na kobhola kujughelala. ²⁶ Kobhe Syetani alo kubhuka sinyume syaje nyenee no kwighabhula, teana kobhola kujughalela no alokubha ghatika kumwisyo ghwaje. ²⁷ Lakini kutuhu ningi ghumwi ohalokobhola kwingila mukati ja lugho lwa muntu mukanya managha no kwibha fintu fyaje bhusili kumuhamba mukanya managha kwansa, no kisya kukusanya syo sili munyumba. ²⁸ Bhweene ndili kubha bhalila, saambi syonse sya bhaana bha bhantu silaku samehebhwa hamwi no kufulu sya bhekufamuka, ²⁹ Lakini ghoghonse gho alo kumukufulu mwegho mulafu tealo kusamehebhwa kamwe, bhali ali no hatia ja saambi ja milele''. ³⁰ Yesu ghaka litenda ngaleli kusabhabhu bhakabhele bhekubhala kubha, "Ali no mwegho muchafu." ³¹ Kisha majo ghwaje no bhamughana ghwaje bhakesanga no kujughalala hanse. Bhakamuleghisya muntu, kwa mwite. ³² No bhumati ghwa bhantu ghobhubhele bhwikele hehi naaje bhamu bhalila, "Majoghobhe no bhamughana bhali hanse, nobhe ku kuhensa ughwee." ³³ Ghakabhajibhu, "Ni ghanyi majo ghwane no bha mughana ghwane?" ³⁴ Ghaka bhakunganga bhobhabhele bhajikelee bha musyunguluka no ghabhala, "Tasama, abhe ni bha majo ghwane no bhamughana ghwane! ³⁵ Ghoghonse gho ekwila bhunyomwe ghwa Kabhuumba, muntu unjo ni mughana ghwane, no majo ghwane."