¹ Bhakesanga mpaka huhande lundilwa bahari, kusihugho sya Gerasi. ² Ne ghafla bhwakabhele Yesu nekufuma hanse na bhwato muntu ghwa mwegho muchafu ghakesanga kufuma kumakaburi. ³ Mutu ghoghu ghakekalanga kumakaburi hatuhu ghakakobholanga kumulesya kana hatuhu ninga kuminyororo. ⁴ Akabhele nahambilwe fuku singi kupingu ne pingu syaje sya kafuna ghwanga. Hatuhu ninga ghumwi akabhele na managha gha kumupota. ⁵ Bhufuku ne syubha akabhele kumakaburi ne mumisosi, ghakalilanga ghana jiputa nyene kumabhwe makali. ⁶ Bhogha kamulolanga Yesu ku hale, ghakakilimilanga kumwaje ne kwinama hambele jyaje. ⁷ Ghakalilanga kusilongo sikulu, "Uli kuhensa ikwililesi, Yesu, mwana ghwake Kabhumba alimwighulu kana? ndi kukulesya kwa Kabhumba nyene usisati." ⁸ Bhukohela akabhele ghamubhalila, "Mutume muntu ghoghu mwegho muchafu." ⁹ Nagho ghakamubhasyanga, "Isina lyobhe ni ghanyi?" Nagho ghakamuhindulanga, "Isina lyane ni Legion, bhotwabha tuli bhengi." ¹⁰ Ghaka mulesyanga kubhili nekakabhili usibhafeli hanse na sihugho. ¹¹ Kundi ikulu lya ngulumbe likabhele li kulishwa halughughulu na musosi, ¹² na bhene bhakamulesyanga bekutenda mutume ghwa ngulubhe twingila mukati mumwabho." ¹³ Tentyo ghakabhaluhusungu mwegho muchafu bhakabhafumanga ne kwingila mukati na ngulubhe na bhene bhakelu kilanga hefo na musosi mpaka mubahari ne kutika ngulubhe elufu ibhili bhaka tibhilanga mubahari. ¹⁴ Ne bhalya bhakabhelebhekwisya bhakakilimanga ne kufumya lupola lwasilya syobhalola lugho no mufihugho. Haho bhantu bhengi bhakafumanga kuja kalola syaloleka. ¹⁵ Haho hobha kesanga kwa Yesu bhaka mulolanga muntu ghalisala na mamusagha -- akabhele ne jeshi -- najikele hansi na fwekolwe nali namasala ghaje timamu na bhene bhakasupanga. ¹⁶ Bhalya bhakabhele bhalola syakalolekanga kumuntu akabhele ghasaka na mamusagha ghakabhabhalilanga syakalolekanga kumwaje no kungulubhe. ¹⁷ Na bhene bhaka sapanga kumubhalila abhuke mumukoa ghwabho. ¹⁸ No bhwakabhele ne kwingila mukati na bhwato, muntu akabhele ghasala na mamusagha ghakamulesyanga kubha aje hamwi naje. ¹⁹ Tukubha teghakumuruhusungu tu kubha ghakamubhalilanga kaje kulugho kumobhe ne kubhantu bhobhe ghwana bhabhalila syogha kwilila Bwana ne rehema syo ghakuha." ²⁰ Tetyo ghakajanga ghanasapa kutangasya maghambo makulu ghaghoje ghogha kelanga kmwabho ku Dekapoli, ne kila ghumwi ghakastaajabu. ²¹ Ne nkuka Yesu lyo ghakaghambukanga luhande lundi mukati na bhwato bhumati bhukulu bhwakakomekananga kumunyengela bhwakabhele hambali na bahari. ²² Ne ghumwi kiongozi ghwa kusinagogi ajitilwe Yairo, ghakesunga nebho gha kamulonga ghakaghwangaha maghulu ghaje. ²³ Ghakamwesyanga kana na kana ghatenda, "Muhala ghwane muse alikuhesa kufwa. Ndikukubhalila jinsa ubhike mabhoho ghobhe kulughulu kumwaje hakubha ako bhole kupata bhupanga ne kwikala." ²⁴ Tetyo ghakajanga hamwi naje ne bhumati bhukulu bhwaka mulondanga na bhene bhakamuzonganga bhe kumunyengela. ²⁵ Kukabhele ne mukema akabhele ne kufuma malaso myaka ikumi ne bhili. ²⁶ Ghakasambanga kana heho na matabibu mengi na bhakatumilangu kila situ syaka bhelenasyo ninga tetyo teghakafunywanga. Kusyosyonse tukubha badala jyaje ghakasumbanga kubha mahali mbi. ²⁷ Ghaka hulihanga lupola lwake Yesu. Ghakesanga kunyuma jyaje hwakabhele ne kulyata mukati na bhumati nagho ghakakumisyanga ivazi lyaje ndobhamupanga. ²⁸ Bhoghabha ghakatendanga, "Kobheghakumi sya myenda jyane ulobha mupanga." ²⁹ Bho ghaka mule umisyanga kufumamala so kwaka sikilanga ghakahulikanga mutumba ghwaje kubha ghwasila kufuma kukusamba kwaje. ³⁰ Na gafla Yesu ghakamanyanga mukati mumwaje nyene kubha managha ghamufuma. Ghakahinduka koku nekonkumu bhumati bhwa bhantu ne kubhasya, "Ni ghanyi ghakumisya ivazi lyane?" ³¹ Mwanafunzi ghwaje ghamubhalila, "Ubhwene bhumati bhobhu bhwa kusonga bhukukunyengela, noghwe ulikutenda ni ghanyi ghakumisya?" ³² Tukubha Yesu ghakakunganga koku no koku kulola akabhele ghajila leli. ³³ Mukema ghakamanyanga syafuma kumwaje ghakasupanga ghasapa kusughuma. Ghakesanga ghaghwa hansi hambele jyaje ne kumubhalila fwene. ³⁴ Ghakatendanga kumwaje, "Muhala, imani jyobhe jyakwila ubhe mupanga, kaje na amani na usile kufuma kubhulwele bhobhe." ³⁵ Akabhele ne kusahula na bhandi bhatu bhakesanga kufuma kwa kiongozi bhaku sinagogi, bhekutenda, "Muhala ghobhe ghafwa. Ninasi bholi kumusafya mwalimu?" ³⁶ Kundi Yesu bhoghakahulihanga syobhali kutenda ghakamubhalilanga kiongozi ghwa Kusinagogi, "Musighubhahi. Amini tu." ³⁷ Teghakaswa ghoghonse kwilombosyana je, tukubha Petro, Yakobo, no Yohana, ghwaje na Yakobo. ³⁸ Bhakesaga halugho lwahe kiongozi ghwa ku Sinagogi nagho ghakalolanga vurugu, kulila kwingi nekusambasya. ³⁹ Bo bhakengilanga mulugho ghakabhabhalilanga ninasi bhomwalisumata ninasi bhomulikulila? Mwana tyafwile tukubha ghalala." ⁴⁰ Bhakamusekanga tukubha ghakabhafumyanga kunse, ghakamutwalanga isye ghwa mwana, ne nyina ne bhalya bhakabhele hamwi nabho ghakengilanga mukati mwakabhele mwana. ⁴¹ Ghaka kutwalanga kubhoko kwa mwana ghakamubhalilanga, "Talitha kou," jejyo ni kutenda muhala munse ndikukubhalila bhuka." ⁴² Gafla mwana ghahalamuka ne kulyata (bhukohela bhwakabhele nabhumuri bhwa myaka ikumi ne bhili) Ne gafla ghakanyighwanga na kwilolelu kukulu. ⁴³ Ghaka bhabhalilanga kumanagha kubha hatuhu ghoghose ahesilwe kumanya kuli leli. Ghaka bhabhalilanga bhamuhe ghulya muhala fyakulya.