¹ Bhwakabhele Yesu nalikuhita ghakamulolanga muntu muhofu tangu kufuka kwaje. ² Bhanafunzi bhajye bhamubhasya, "Rabi, nighaniji ghatenda saambi, muntu shoghu nobhazazi bhajye ningaghafuka muhofu?" ^{3 5} Yesu ghabhahindula, siyo ghoghu muntu wala bhazazi bhajye bhakelanga saambi ila milimo sya Kabhumba syapata kufimbululwa kuhitila kumwajye. ⁴ Tuhensile kukola mlimo ghwajye nyene ghaka daghisyanga bhwakati lisyali isyubha. Bhufuku bhwajisa bhwakati hakabhele hatuhu muntu asine kobhola kukola mlimo. Bhwakati hosyali kubhwelelo, une ni nuru jyahabhwelelo." ⁶ Baada jya Yesu kutenda meghambo ghagha, ghakafulanga kubhulongo, ghakelanga itope na mete, nokumusigha muntu kumenso nalilya itope. ⁷ Ghamubhalila, kajye ukanyaghe mwi sima lya Siloam (Lilangulwila kati atumilwe). "Tukubha ghogho muntu ghakajanga, kunyagha nokuhelela nabwene. ⁸ Bhaitinkane bhwa ghulya muntu no bhalya bhamulolanga mukusumbula bhwalikusagha bhatenda, je? ghogho teghoghulimuntu akabhele na jikele nokusegha? Bhandi bhatenda, "ni nyene." ⁹ No bhandi bhatenda, "Lekehi, "Bhesusile tunajye." Lakini akabhele nakutenda, "Ni nyene." ¹⁰ Bhamubhalila, "Menso ghobhe ghakahambululwanga bhuti?" ¹¹ Ghabhahindula, muntu ajitilwe Yesu ghakelanga itope nokusigha menso ghane na kumbalila, injeku Siloam kanyaghe.' Okubha nakajanga kunyagha, no kupata kulola kabhili." ¹² Bhamubhalila, "Aliihe?" Ghamuhindula, "imanyile." ¹³ Bhamufele ghulyamuntu ghakawahingi kubha muhofu kwa Mafarisayo. ¹⁴ Tukubha jikabhele lufuku lwa Sabato bhwakati Yesu hoghaka lyohelesyanga itope no kumuhambulila menso ghajye. ¹⁵ Haho kabhili Mafarisayo bhamubhasya ghakapatanga bhuti kulola. Aliwaambia, "Aliweka tope katika macho yangu, nikanawa, na sasa naweza kuona." ¹⁶ Bhandi Mafarisayo bhakatendanga, "Muntu ghoghu tyafumile kwa Kabhumba kusabhabhu tyajinighele Sabato." Bhandi bhatenda, "Jikobholeke bhuti mkanye sambi kwila ishala kobhe lilya?" Tukabha bhekeghabhulanga kati jyabho. ¹⁷ Hobhakamubhosyanga ghulya muhofu kabhili, Ulikutenda bhuti kulughulu jyaje baada jya kughehambula menso ghombe?" Muhofu ghatenda, "Ni nabhii." ¹⁸ Ninga tetyo Wayahudi tebhakamwamini kusabhabhu akabhele muhofu nagho ghakapata kulola mpanka hobhakesange bhazazi bhajye nyene ghakapata kulola. ¹⁹ Bhakabhasyanga bhazazi, Je, ghoghu ni mwanenyu ghomukutenda ghakafyalwanga muhofu? Ghakobhola bhuti kulola?" ²⁰ Tukubha bhazazi bhajye bhamuhindula, tumanyile kubha ghogho ni mwana wakumwetu no kubha ghakafukanga muhofu. ²¹ Sabhabhu jya kulola tetwinsi ne nyene ghakamufumbulange menso ghaje, tetumumanyile, mubhasye nyene. Ni muntu mpanga. Akobhwele kwieleza nyene." ²² Bhazazi bhajye bhakatendanga ghagha, kusababhu twakabhaghubhaha Bhayahudi. Bhukobha Bhayahudi bhakebhele bhakubaliana tayali kubha, kubha ghoghonse aloghalaghala kubha Yesu ni Kristo, atakatengwa na Sinagogi. ²³ Ku sababu jeji, bhazazi bhajye bhatenda, "Ni muntu mupanga mubhasye nyene." ²⁴ Tukubha kumala jya bhubhili, bhamuita ghulya muntu ghakawahingi kubha muhafu no kumubhalila, "Muhe Kabhumba bhutukufu. Tumanyile kubha muntu ghoghu ni mukanyo saambi." ²⁵ Haho ghulya muntu ghamuhindula, "Nonsi ghabha mkanya sambi, uune simanyile. Sintu simwi syomanyile: Kabhele muhofu no nonwe kulola." ²⁶ Haho hobhakamubhalilanga, "Ghakwilila isi? Ghakaghafumbula bhutu menso ghobhe?" ²⁷ Ghamuhindula nakahwa kubhabhalila tayali, nomwe temwakahulikisya! Muhensile kuhulika kabhili kusabhabhu sii? Nomwe temuhensile kubha bhanafunzi bhajye, tukubha ufwe ni bhanafunzi bhajye, au tetetyo? ²⁸ Bhakamutukanga no kutenda, "Ughwe ni mwanafunzi ghwajye, lakini ufwe ni bhanafunzi bha Musa. ²⁹ Tumanyile kubha Kabhumba ghakasahulanga na Musa, lakini kughoghu muntu tetumanyile kulyo kwafumile." ³⁰ Ghulya muntu ghamuhindula no kumubhalila, "Kubhuti leli ni ghambo lya kushangaza, kubha temumanyile kwafumile, no bhwakati ghaghafungule menso ghane. ³¹ Tumanyile kubha Kabhumba tyakobhahulika bhakanya sambi lakini kubha muntu ghoghonse amuabudu Kabhumba no kwila bhunywanyi Kabhumba akomuhulikisya. ³² Tangu kusapa kwa bhwelelo tejinawa kabhisa ghoghonse ghaghafumbula menso ghomuntu ghakafukanga muhofu. ³³ Kubha muntu ghoghu teghakafumanga kwa Kabhumba, asinakakobhole kwila syosyonse." ³⁴ Bhamuhindula no kumubhalila, "Wakafukanga katika saambi bhwene, nogwe unatufundisya ufwe?" Haho hobhakamubhinganga kufuma sinagogi. ³⁵ Yesu ghakahulikanga kubho bhamufumya sinagogi. Ghamupate no kumubhalila, "Umwamini, mwana wa muntu?" ³⁶ Ghamuhindula nokutenda, "Ni ghanyi Bhwana, ilinone mpate kumuamini?" ³⁷ Yesu ghamubhalila, "Wakamulola, ghogho ghokusahulila nagho ghonyene." Ghulya muntu ghateda, ³⁸ "Bwana, Naamini." Haho hoghakamulolanga. ³⁹ Yesu ghatenda, "Kuhukumu nanjisa katika bhwelelo bhobhu ili kubha bhalya bhasikolola bhapate kulola no bhalya bhabhwene bhabhe bhahofu." ⁴⁰ Mafarisayo bhandi bhalya bhakobhele hamwi naghobhahulika maghambo ghagho no kumubhasya, "Nafwe kansi nibhahofu?' ⁴¹ Yesu ghabhabhalila, "Kubha mnabhe bhahofu musinajile saambi. Nansi tetyo bhomukubhala jibhwene sambi jenyu jikele."