¹ Amini, Amini kembabhalile, ghogho asyajingile kuhitila luhande lwa zizi lya kondoo, lakini akutenda ku nsila jindi, muntu ghogho ni mwifi no munyang'anyi. ² Ghulyo alojingilila mumusigho gho muchungaji ghwa kondoo. ³ Kumwajye mlinzi wa musigho alohambulilwa kondoo bhahulike silonso sya sauti jaje no kubhela kondoo bhajye kumasina ghobho no kubhafumya hanse. ⁴ Holobhafumya hanse bhabhobhakumwaje, alobhalombola, no kondoo bhalomulonda, kusabhabhu bhamanyile silongo syajye. ⁵ Tebhomulonde mghenyi badala jyeje bhalo mkilima kusabhabhu tebhansinsi silongo sya bhaghenyi." ⁶ Yesu ghakatendanga mufano ghoghu kumwabho, lakini tebhakaghamanyanga maghambo ghagha ghoghakatendanga kumwabho. ⁷ Yesu ghabhalomba no bhabho kabhili, Amini, amini, kubhalomba une ni musigho ghwa kodoo. ⁸ Bhonse bhakanombolanga ni bhemfi na bhenyang'anyi, tukubha kondoo tebhakabhahulikisyanga. ⁹ Une ni musigho. Ghoghonse ahensile kwingila kuhitila une alakuokolebwa alojingila mukati no kufuma nagho alolipala malisho. ¹⁰ Mwimfi tyanesa isipokuwa kuibha, kuihagha, no kuangamiza. Najinjisa ili kubha bhapate bhupanga naghwe nabho mafuku ghonse. ¹¹ Une ni muchungaji mwema. Muchungaji mwema akofumya bhupanga bhwaje kuajili jya kondoo. ¹² Mtumishi mukola milimo, natemuchungaji, ghulya kondoo sisili nsabho jyaje, kubhaghalola mbwamwitu bhesile akobhaleka kondoo nokubhakilima. ¹³ No mbwa mwitu akobhanigha nokubhakilimisya. Akokiluma kusabhabhu nimukola milimo wa kuajiliwa no kubhalekanya kondoo. ¹⁵ Une ni mchungaji musogha no mbanyile bhalya bhakumwane, nobhalya bhakumwane bhamanyile une. ¹⁴ Tata amanyile, none mumanyile Tata, none kubhufumya bhubha bhwane kusabhabhu jya kondoo. ¹⁶ Ndinabho kondoo bhandi bhasili bhezizi leli. Bhabho negho jihensilwe bhalete, nagho bhalo huika silongo syane ili nagho bhabhe ikundi limwi no muchungaji ghumwi. ¹⁷ Jyeji gho sabhabhu Baba anyomwilwe: Mbufumye bhuhai bhwane nobhwene bhutwalee kabhili. ¹⁸ Nikutuhu anebhutwa kufuma kumwane, lakini une kubhufumya une nyene ndinagho mamlaka gha kufumya, no mamulaka gha kubhulwala kabhili. Nandipokela ighambo leli kufuma kwa Tata." ¹⁹ Mgawanyiko kabhili ghwafumila kwabhayahudi kusabhabhu jya maghambo ghagha. ²⁰ Bhengi bhabho bhatenda, "Alinomusagha nani kichaa. Mukumuhulikisya kusabhabhu sii?" ²¹ Bhandi bhatenda, "Ghagha temaghambo ghamuntu ghakapangwanga na musagha. Musagha ghunakobhola kuhambula menso ghamuhofu?" ²² Haho sikukulu jya kubhika wakfu Yerusalemu. ²³ Bhukabhele bhwakati bhwa mpeho, no Yesu akabhele nakulyata hekaluni katika bhukumbi bhwa Selemani. ²⁴ Haho Bhayahudi bhakamusyungulakanga no kumubhalila, "ni bhwakati bhuhe ulokalubhika katika mashaka? Kubha ugwe ni Kristo, tubhalile bhukweli. ²⁵ Yesu ghabhajibu, "Nakehwa kubhabhalila tukwilo temuamini. Milimo syonkojila kwi sina lya Tata jane, sesyo sibhwene halughulu jyane. ²⁶ Nansi telyo temuamini kusabhabhu umwe kondoo bhaane. ²⁷ Tama syane bhahulika silongo syane; Bamanyile nagho bhandonsile une. ²⁸ Nakabhaha bhupanga bhwa milele; tebhakaangamie kabhili, no nikutuhu nansi ghumwi alokabhotwala kufuma mumabhoko ghane. ²⁹ Baba jyane, ghakahanga bhabho, nimukulu kuliko bhandi bhonse, no nikutuhu nansi ghumwi alinabhuwezo bhwa kubhatwala kufuma mumabhoko gha Tata. ³⁰ Une na Tata ni bhamwi." ³¹ Bhatwala mabhweili bhamuhule kabhili. ³² Yesu ghabhahindula, "Nankahwa kubhalanga milimo mingi kufuma kwa Tata. Kumilimo jihe kati jya jyejo muhensile kuhula mabhwe?" ³³ Bhayahudi bhamuhindula, "Tetukukuhula mabhwe kumilimo syonse sili misogha, tukwilo kukufulu, kusabhabhu ughwe uliye muntu ukwijila Kabhumba." ³⁴ Yesu ghabhahindula Tejakaghandikwanga katika sheria jyenyu, 'Nakabhalanga, "Umwe ni miyungu"?" ³⁵ Kubha ghakabhelanga miyungu, kkubhalya ighambo lya Kabhumba lyakabhesilanga (noMaandiko teghanakobhola kubhihisibwa), ³⁶ Mukutenda halughulu jya ghulya ambaye Tata ghakamufumyanga no kumlaghisya katika bhwelelo, 'Mukukukufulu kusabhabhu nakatendanga une ni mwana ghwa Kabhumba'? ³⁷ Tukubha nesikwila milimo jya Tata jyane, musiamini. ³⁸ Kubhanamba, nekusila, nansi kubha munsiamini milimo ilimukobhole kumanya, kubha Tata alimo mukati mumwane none ndimukati jya Tata." ³⁹ Bhaghema kabhili kumunigha Yesu, lakini ghakajanga lwendo lwaje kufuma mumabhoko ghabho. ⁴⁰ Yesu ghabhuka kuja kulwambuko ja Yordani sehemu jilya Yohana kulughulu jya muntu ghoghu nijya bwene. ⁴¹ Bhantu bhengi bhajisa kwa Yesu. Bhakaendelea kulomba "Yohana bhwene teghakelanga ishala, jyojyonse, tukubha maghambo ghonse ghoghakatendanga Yohana kulughulu jya ghoghu muntu ni bhwene." ⁴² Bhantu bhengi bhamuamini Yesu haho.