¹ Mapema lituku lya kwansa lya juma, kusyali kuli no sikolo, Mariamu Magdalena ghakesanga kukabhuli; ghakalilola lilya ibhwe lya tumisi bhwa kukabhuli. ² Kutetyo ghakilima kuja kwa Simon Petro no kwa ghulya mwanafunsi gho Yesu ghaka munyomwanga, kisha ghaka bhabhalila, "Bhamutwala Bhwana kabhurini, nofwe te twinsi kulya ko bhamubhika." ³ Kisha Petro no ghulya mwanafunsi ghundi bhakafuma, kuja kukabhuli. ⁴ Bhonse bhahulenga lubhilo ku hamwi; ghulya mwanafunsi ghundi ghakakilimanga lwendo kusumba Petro nokufika kabhulini ghwa kwansa. ⁵ Ghakajughalala no kukunga kwikabhuli ghajilola jilya saandaja kitani jilele, lakini teghaji ngilanga mukati. ⁶ Kisha Simon Petro nagho ghafika ghajingila ndani ja ikabhuli. Ghajilola jilya saanda ja kitani jilele halya ⁷ no jilya leso jojikabhele kumutwe ghwaje tejikabhele jilele hamwi no jilya saande sya kitani bhali jibhele jilele ha nkande haghonghwa. ⁸ Hooh ghulya mwanafunsi ghundi nagho ghakengila mukabhuli ghakalola no kuamini. ⁹ Kukubha mpaka bhwakati uubhobha bhele bhasyali kughamanya maghandiko kubha jaka mulasimu Yesu kusyuka kabhili kubhwaafu. ¹⁰ Kisha bhanefunsi bhakaja kabhili kulugho kwabho. ¹¹ Ningi tetyo, Mariamu akabhele ajughalele kukabhuli alikulile, mukuendelea kulila ghakajughalelanga kisha ghakunga ku kabhuli. ¹² Ghakalolanga misumbwa bhabhili bhakanya sulasya sweebha jikele ghumwi kumutwe no ghundi kumaghulu mahalilo Yesu akabhele alele. ¹³ Nabho bhakamubhalila, "Mukeme kusabhabhu ni uli kulila?" Nagho gha bhalila, "Niku sabhabhu bhamutwala Bhwaana ghwane, none tenjinsi ko bhamubhika." ¹⁴ Mukuhwa kubhala ghagho, ghahindu kanga no kumulola Yesu koku no ajughalele. Lakini tegha kamanya kubha ni Yesu. ¹⁵ Nagho Yesu ghakamubhalilanga, "Majo kusabhabhu sii uli kulila? Uli kumuhensela ghanyii?" Nagho koku no ajinsi ti hamwi ni mutunsya bhustani ghaka mubhalila, "Bwana, na kobhe ni ghwee gho waka mutwala, mbalile ko wakamubhika, nonwe ndaku mutwala." ¹⁶ Yesu ghaka mubhalila, "Mariamu." Nagho ghakahinduka nyenee no kumubhalila ku Kiaramu, "Raboni," jaani ii je ni kubhala, "Mwalimu." ¹⁷ Yesu ghakamubhalila, "Usingusi, kwani nsyali kupaa kuja kwa Tata ghwane gho kabhili ni Tata ghweenu, Kabhuumba ghwane no Kabhuumba ghwenyu." ¹⁸ Mariamu Magdalena ghakesa kubhabhalila bhanafunsi, "Namulola Bhwana," no kubha ghamubhalila maghambo aghe. ¹⁹ No mukubha jabha mugholo, nfuku iijo nfuku ja kwansa ja bhwiki, no misigho koku jihambilwe mahali bhanafunsi bhakabheleho mukubha hofia bhayahudi, Yesu ghakesanga no kujugha lala katikati jabho no kubhabhatila, "Amani jibhe kumwenyu." ²⁰ Mukuhwa kubhala ghagho ghabhalangisya mabhoko ghaje nobhu bhafu ghwaje. Nabho bhanafunsi ghwaje tu muku mulola bhakanyomwanga. ²¹ Kisha Yesu ghakabhabhalila kabhili, "Amani jibhe nomwe. Kobhetitya Tata bho ghakantumanga uune, tetyoe uune ndili kubhatuma umwe." ²² Yesu mukuhwa kubhala ghagho, ghakabhafufia ghabha bhalila, Pokele mwegho mulafu. ²³ Ghoghonse ghomula kumusamehe saambi, bhasamehebhwa no bhalya bho mula kubhahambila bhala kuhambibhwa." ²⁴ Thomaso, ghumwi ghwa bhalya kumi no bhabhili, gho ghaketwanga Didimas, teghaka bhanga no bhanafunsi bhenaje Yesu hoghakesanga. ²⁵ Bhalya bhanafunsi bhakamubhalila baadaje, "Twamulola Bwana." Nagho ghakabhabhalila kubhate ndakulola alama sya misumali ku mabhoko ghaje, no kubhika tukumo twane kusesyo alama, nokabhili kubhika kubhoko kwane kulubhafu lwaje tenda kuamini." ²⁶ Baada ja nfuku inne bhanafunsi bhakabhele kusyumba kabhili, nagho Thomaso akabhele hamwi nabho. Bhwakati misigho sika bhele si hambwile Yesu ghakajughalalanga hakati nabho. No kubhala, "Amani no jibhe nomwe." ²⁷ Kisha ghaka mubhalila Thomaso, lete kakumo kobhe no ukungema bhoko ghaane; leta haha mabhoko ghobhe no ubhike kulubhafu lwane; bhwala usibhi musila kuamini bhali ghwa kuamini." ²⁸ Nagho Thomaso ghakamujibhu no kumubhalila, "Bhwana ghwane no Kabhuumba ghwane." ²⁹ Yesu ghaka mubhalila, kukubha wandola ghwa amiini. Bhabhali kibhwe aabho bho bhalikuamini, hasila kulola." ³⁰ Kiisha Yesu ghakelanga inshala nyingi hambele ja bhanafunsi syo sisyali kughandikwa kusitabhu insye; ³¹ Bhaali iisye sighandikwe ili kubha mukobhola kuamini kubha Yesu gho Kristo, mwaana ghwa Kabhumba, no kubha homuli kuamini mubhe no bhupanga ku isina lyaje.